ଉତ୍ତରପ୍ରଦେଶ ନିର୍ବାଚନ କୁ ନେଇ ପ୍ରଚାର ମୈଦାନ କଂପୁଥିବା ବେଳେ, ଆଗକୁ ୩ୟ ଚରଣରେ ପଡିବ ଭୋଟ | ଏହାରି ମଧ୍ୟରେ ଜୋରଦାର ଚାଲିଛି ପ୍ରଚାର | ବିଭିନ୍ନ ରାଜନୈତିକ ଦଳର ନେତା ମାନେ ପ୍ରଚାର ମୈଦାନ କୁ ଓଲ୍ଲାହିଁ ଭୋଟରଙ୍କୁ ଆକୃଷ୍ଠ କରିବା ପାଇଁ ଲୋଭନୀୟ ପ୍ରତିଶୃତି ବର୍ଷା କରୁଛନ୍ତି | ରାଏବରେଲୀ ରାଲିରେ ସମାଜବାର୍ଦି ପାର୍ଟି ମୁଖ୍ୟ ଅଖିଳେଶ ଯାଦବ ବିଜେପି ଉପରେ ବର୍ଷିଛନ୍ତି । ଅଖିଳେଶ କହିଛନ୍ତି ନିର୍ବାଚନ ପର୍ଯ୍ୟନ୍ତ ବିଜେପି କେବଳ ମାଗଣାରେ ରାସନ ଦିଏ । ନିର୍ବାଚନ ସରିଲେ ବିଜେପିର ସମସ୍ତ ପ୍ରତିଶ୍ରୁତି ସରିଯାଏ । ଏଥରକ କ୍ଷମତାକୁ ସପା ଫେରିଲେ ରାଜ୍ୟବାସୀଙ୍କୁ ଗୋଟେ ବର୍ଷ ପର୍ଯ୍ୟନ୍ତ ମାଗଣାରେ ସୋରିଷ ତେଲ, ଘିଅ ଓ ରୋଷେଇ ଗ୍ୟାସ ଦେବ ବୋଲି ଅଖିଳେଶ କହିଛନ୍ତି ।
ସେପଟେ ଦେବୀପୁରାରେ ଜନସଭାକୁ ସମ୍ବେ।ଧିତ କରି ଗୃହମନ୍ତ୍ରୀ ଅମିତ ଶାହା କହିଛନ୍ତି କି ମାର୍ଚ୍ଚ ୧୦ରେ ଉତ୍ତରପ୍ରଦେଶରେ ବିଜେପି ସରକାର ଗଠନ କରିବ । ଏହି ଦିନଠୁ ଆଗାମୀ ୫ବର୍ଷ ପର୍ଯ୍ୟନ୍ତ ସମସ୍ତ ରାଜ୍ୟବାସୀଙ୍କୁ ଦଳ ପ୍ରତ୍ୟେକ ହୋଲି ଓ ଦିପାବଳୀରେ ମାଗଣାରେ ରୋଷେଇ ଗ୍ୟାସ ଦେବ ।
