ଦ୍ରୁତ ଗତିରେ ବୃଦ୍ଧି ପାଉଛି ଦେଶରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା । ତେବେ ଏହାରି ମଧ୍ୟରେ ଗୁରୁବାର ଦିନ ଗୋଟିଏ ଦିନରେ ୮୪ ଟି ନୂଆ ମାମଲା ସାମ୍ମନାକୁ ଆସିଛି | ଫଳରେ ଏହାକୁ ମିଶାଇ ଦେଶରେ ଏବେ ଓମିକ୍ରନ୍ ଭାରିଆଣ୍ଟର ମୋଟ ମାମଲା ୩୪୧ ଅତିକ୍ରମ କରିଛି। ଏହାପୂର୍ବରୁ ବୁଧବାର ଦିନ ଓମିକ୍ରନ୍ ମାମଲା ୨୦୦ ଟପିଛି।
ବୁଧବାର ଦିନ କେବଳ ୪୪ ଟି ନୂଆ ମାମଲା ଦେଖିବାକୁ ମିଳିଥିଲା।
ତାମିଲନାଡୁରେ ସର୍ବାଧିକ ସଂଖ୍ୟକ ମାମଲା ଦେଖିବାକୁ ମିଳିଛି, ଯେଉଁଠାରେ ୩୩ ଜଣ ଲୋକ ସଂକ୍ରମିତ ହୋଇଥିବା ଜଣାପଡିଛି। ଏହା ବ୍ୟତୀତ ମହାରାଷ୍ଟ୍ରରେ ୨୩ ଟି ଏବଂ କର୍ଣ୍ଣାଟକରେ ୧୨ ଟି ନୂଆ ମାମଲା ଦେଖିବାକୁ ମିଳିଛି। ଏଥିସହ ଓଡିଶାରେ ଦୁଇଟି ନୂତନ ମାମାଲା ମଧ୍ୟ ପଞ୍ଜିକୃତ ହୋଇଛି।
ପ୍ରଥମ ରାଜ୍ୟ ଭାବେ ମହାରାଷ୍ଟ୍ରରେ ଏପର୍ଯ୍ୟନ୍ତ ଓମିକ୍ରନ୍ ଭାରିଆଣ୍ଟର ୮୮ ଟି ମାମଲା ଦେଖିବାକୁ ମିଳିଛି। ଏହା ପରେ ଦ୍ୱିତୀୟ ନମ୍ବର ରହିଛି ଦିଲ୍ଲୀ, ଯେଉଁଠାରେ ଏପର୍ଯ୍ୟନ୍ତ ସମୁଦାୟ ୬୪ ଟି ମାମଲା ଦେଖିବାକୁ ମିଳିଛି।
