ଚିନ୍ତାରେ ମେଟାର ସିଇଓ ମାର୍କସ୍ ଜୁକରବର୍ଗ | ଏବେ ସେ ଆର୍ଥିକ ସଙ୍କଟ ମଧ୍ୟରେ ଗତି କରୁଥିବା କହିଛନ୍ତି | ଗତ ବର୍ଷ ଅକ୍ଟୋବରରେ ଫେସବୁକ୍ ନାଁ ପରିବର୍ତ୍ତନ କରାଯାଇ ‘ମେଟା’ ରଖାଯିବା ପର ଠାରୁ ଯେପରି ତାଙ୍କ ପାଇଁ ସମସ୍ୟା ବଢି ଯାଇଛି | ଆର୍ଥିକ ସଂକଟ ପରି ସମସ୍ୟା ଏବେ ତାଙ୍କ ପାଇଁ ଚିନ୍ତାର କାରଣ ପାଲଟିଛି | ତେଣୁ ଖୁବଶିଘ୍ର ନିଜର କିଛି ସେବା ବନ୍ଦ କରିଦେବାକୁ ସୂଚନା ଦେଇଛି ମେଟା । ଜୁକରବର୍ଗଙ୍କ କହିବା କଥା ହେଉଛି, ସେ ଚାହୁଁଛନ୍ତି ଯେ, ଲୋକେ ତାଙ୍କ କମ୍ପାନୀକୁ କେବଳ ଫେସବୁକ୍ ଭାବେ ନୁହେଁ ବରଂ ଏକ ମେଟାଭର୍ସ ଭାବେ ଜାଣନ୍ତୁ ଓ ଗ୍ରହଣ କରନ୍ତୁ । କିନ୍ତୁ ବୋଧହୁଏ ଏହାର ନୂଆ ନାଁ ବିଶ୍ୱବାସୀଙ୍କୁ ପସନ୍ଦ ଆସିନାହିଁ । ନାଁ ବଦଳାଇବା ପରେ ବି ବିବାଦ କମ୍ପାନୀର ପିଛା ଛାଡୁନାହିଁ ବୋଲି ଏକ ସାକ୍ଷାତକାରରେ କହିଛନ୍ତି ଜୁକରବର୍ଗ ।ତେବେ ସେବା ଗୁଡିକ ୟୁରୋପୀୟ ଦେଶ ମାନଙ୍କ ବ୍ୟତୀତ ଅନ୍ୟ କେଉଁ ଦେଶରେ ବନ୍ଦ ହେବ ସେନେଇ କିଛି ସୂଚନା ଦିଆଯାଇନାହିଁ ।
କମ୍ପାନୀ ଏବେ ବଡ ନିଷ୍ପତ୍ତି ନେବା ପଛରେ ରହିଛି ଏହି କାରଣ । ଏକ ବୟାନ ଦେଇ ମେଟା ପକ୍ଷରୁ କୁହାଯାଇଛି ଯେ, ଯଦି ଅନ୍ୟ ଦେଶମାନଙ୍କ ସହିତ ୟୁରୋପିୟାନ୍ ୟୁଜର୍ସ ମାନଙ୍କର ଡାଟା ସେୟାର କରିବାକୁ ଅନୁମତି ନମିଳେ ତେବେ ନିଜର କିଛି ସେବା ବନ୍ଦ କରିବାକୁ କମ୍ପାନୀ ବାଧ୍ୟ ହେବ । କିଛି ଦେଶର ୟୁଜର୍ସଙ୍କ ଡାଟା ସେୟାର କରିବାକୁ ଅନୁମତି ମିଳିନଥିବାରୁ କମ୍ପାନୀକୁ ଘୋର ଆର୍ଥିକ ସଙ୍କଟର ସାମନା କରିବାକୁ ପଡୁଛି । ୨୦୨୨ରେ କମ୍ପାନୀ ଉପରେ ଡାଟା ସେୟାର ନେଇ କିଛି ନୂଆ ନିୟମ ଲାଗିଛି । ହେଲେ ଏହି ନିୟମ ପରେ ଯଦି କମ୍ପାନୀ ତଥ୍ୟ ସେୟାର ସୁବିଧା ନମିଳେ ତେବେ କମ୍ପାନୀକୁ ଫେସବୁକ୍ , ଇନଷ୍ଟାଗ୍ରାମ ସମେତ ନିଜର ଅନ୍ୟ କିଛି ସେବାକୁ ବନ୍ଦ କରିବାକୁ ପଡିବ ବୋଲି ସୂଚନା ଦିଆଯାଇଛି ।
କହିରଖୁଁ କି, ଏଯାଏଁ ମେଟା ୟୁରୋପୀୟ ୟୁଜର୍ସଙ୍କ ତଥ୍ୟକୁ ଆମେରିକା ସର୍ଭରରେ ଷ୍ଟୋର କରି ରଖୁଥିଲା ହେଲେ ୨୦୨୨ର ନୂଆ ନିୟମ ଅନୁସାରେ ଏହି ତଥ୍ୟ ସବୁକୁ ସେୟାର କରିବା ଉପରେ ରୋକ ଲାଗିଛି । ଏସବୁ କାରଣ ଯୋଗୁଁ ଗତ କିଛି ମାସ ମଧ୍ୟରେ ୧୦, ୩ ବିଲିୟନ୍ ଡଲାର ଅର୍ଥାତ ୭୭,୧୦୧ କୋଟି ଟଙ୍କାର କ୍ଷତି ସହିଛି କମ୍ପାନୀ । ଗତ ୧୪ ବର୍ଷ ଧରି ଜୁକରବର୍ଗଙ୍କୁ ବିଫଳତାର ସାମନା କରିବାକୁ ପଡୁଛି । ଏଥିପାଇଁ ସେ ୟୁଜର୍ସମାନଙ୍କୁ ଲଗାତାର କ୍ଷମା ମାଗିଆସୁଛନ୍ତି । ୨୦୦୪ରେ ଫେସବୁକ୍ ଲଞ୍ଚ କରିବା ପରେ କମ୍ପାନୀ ଲଗାତାର ବିବାଦରେ ରହିଆସୁଛି । କେବେ ଡାଟା ପ୍ରାଇଭେସିକୁ ନେଇ ତ ଆଉ କେବେ ପକ୍ଷପାତିତାକୁ ନେଇ । ବିବାଦରେ ଫେସବୁକର ପୁରୁଣା ସମ୍ପର୍କ କହିଲେ ଭୁଲ ହେବ ନାହିଁ । କିଛି ବିଶେଷଜ୍ଞଙ୍କ କହିବା ମୁତାବକ, ଫେସବୁକ୍ ନାଁରେ ଏତେ ବିବାଦ ଯୋଡିହୋଇଥିଲା ଯେ, କମ୍ପାନୀ ବାଧ୍ୟ ହୋଇ ନିଜ ନାଁ ବଦଳାଇ ‘ମେଟା’ ରଖିଲା । ହେଲେ ଏବେବି ବିବାଦ ଥମୁନଥିବାରୁ ଏହାର ସିଇଓ ଜୁକରବର୍ଗ ସଙ୍କଟର ସାମନା କରୁଛନ୍ତି ।
ପ୍ରଥମେ ୟୁରୋପୀୟ ୟୁଜର୍ସଙ୍କ ଡାଟାକୁ ଆମେରିକୀୟ ସର୍ଭରକୁ ଟ୍ରାନ୍ସଫର ପାଇଁ କମ୍ପାନୀ ପ୍ରାଇଭେସୀ ସିଲ୍ଡ ବ୍ୟବହାର କରୁଥିଲା ।ତେବେ ୨୦୨୦ ଜୁଲାଇରେ ୟୁରୋପୀୟ କୋର୍ଟ ଏହାକୁ ରବ୍ଦ କରିଦେଇଥିଲେ । ପ୍ରାଇଭେସୀ ସିଲ୍ଡ ବ୍ୟତୀତ ମେଟା ଡ୍ରାଟା ଟ୍ରାନ୍ସଫର ପାଇଁ ଷ୍ଟାଣ୍ଡାର୍ଡ କଣ୍ଟ୍ରାକଚ୍ୟୁଆଲ୍ କ୍ଲଜେସକୁ ମଧ୍ୟ ବ୍ୟବାହର କରୁଥିଲା ।
