ଗଙ୍ଗା ନଦୀରେ ବଡ଼ ଅଘଟଣ। ଭୋଜି ପାଇଁ ଯିବାବେଳେ ବୁଡ଼ିଗଲା ଡଙ୍ଗା। ଶିଶୁଙ୍କ ସମେତ ୧୪ ଜଣଙ୍କ ମୃତ୍ୟୁ ହୋଇଛି। ବିହାର ହାଜିପୁର ଜିଲ୍ଲା ରାମପୁର ଶ୍ୟାମଚାନ୍ଦ ଗ୍ରାମରେ ଏହି ଅଘଟଣ ଘଟିଛି। ମୃତକଙ୍କ ମଧ୍ୟରେ ଅଧିକାଂଶ ଶିଶୁ ଓ ନାବାଳକ ଅଛନ୍ତି। ରାମପୁର ଶ୍ୟାମଚନ୍ଦ ଗାଁ ନିକଟ ଗଙ୍ଗା ନଦୀରେ ପ୍ରାୟ ୨୦ ଜଣ ଯାତ୍ରୀଙ୍କୁ ନେଇ ଯାଉଥିବା ଏକ ଛୋଟ ଡଙ୍ଗା ନଦୀର ପ୍ରବଳ ସ୍ରୋତ ଏବଂ ଅତ୍ୟଧିକ ବୋଝ ଯୋଗୁଁ ଭାରସାମ୍ୟ ହରାଇ ଓଲଟି ପଡ଼ିଥିଲା।
ଅଯୋଧ୍ୟାର ରାମ ମନ୍ଦିରରୁ ଦାନ ଅର୍ଥ ଏବଂ ସୁନା-ରୂପା ଆଭୂଷଣ ଚୋରି ମାମଲା ସାରା ଦେଶରେ ଚାଞ୍ଚଲ୍ୟ ଖେଳାଇଥିଲା। ଏସଆଇଟି ଯାଞ୍ଚ ଭିତରେ ବାରଣାସୀରେ ଏବେ ଘଟିଛି ସମାନ ଘଟଣା। ବାରାଣସୀର ପ୍ରସିଦ୍ଧ କାଶୀ ବିଶ୍ୱନାଥ ମନ୍ଦିରର ସ୍ୱର୍ଣ୍ଣ ଶିଖରରୁ ସୁନା ଗାଏବ ହେବା ଅଭିଯୋଗ ସାମ୍ନାକୁ ଆସିଛି। ଏହି ମାମଲା ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ପର୍ଯ୍ୟନ୍ତ ପହଞ୍ଚିଛି।
ଲଦାଖର ୨୮ଟି ସ୍ଥାନର ନାମ ଘୋଷଣା କରିବା ସହ ସେଗୁଡ଼ିକୁ ସରକାରୀ ମାନଚିତ୍ରରେ ସାମିଲ କରିବା ପାଇଁ ଭାରତର ପଦକ୍ଷେପକୁ ବିରୋଧ କରିଛି ଚୀନ୍ । ଭାରତର ଏହି ନିଷ୍ପତ୍ତିକୁ ବେଜିଂ ‘ଏକପାଖିଆ ଓ ବେଆଇନ’ କହିଛି । ଏଥିସହ ଲଦାଖକୁ ନେଇ ନିଜର ଦାବି ଦୋହରାଇବା ସହ ଏହି ପଦକ୍ଷେପକୁ ଚୀନ୍ ସ୍ୱୀକାର କରେ ନାହିଁ ବୋଲି ସ୍ପଷ୍ଟ କରିଛି ।
ନେପାଳର ଭୟଙ୍କର ବନ୍ୟାରେ ପ୍ରାୟ ୪୦ଟି ଘର, ୬ଟି ସେତୁ ଏବଂ ଜଳବିଦ୍ୟୁତ ପ୍ରକଳ୍ପ ଶିବିର ଭସାଇ ନେଇଛି। ଏବେବି ୧୦ ରୁ ଅଧିକ ଲୋକ ନିଖୋଜ ଅଛନ୍ତି । ୧୫୦ରୁ ଅଧିକ ବିଦେଶୀ ପର୍ଯ୍ୟଟକ ଫସି ରହିଛନ୍ତି । ବଡ଼ କଥା ହେଉଛି ପ୍ରାରମ୍ଭିକ ଏସଏମଏସ ସତର୍କତା ଯୋଗୁଁ ଅନେକ ଜୀବନ ବଞ୍ଚିଯାଇଛି। ନେପାଳର ମନାସଲୁ ଟ୍ରେକିଂ ଅଞ୍ଚଳରେ ରବିବାର ଆକସ୍ମିକ ବନ୍ୟା ଆସିଥିଲା। କିନ୍ତୁ ସତର୍କ ସୂଚନା ପୂର୍ବରୁ ମିଳିଥିବାରୁ ଲୋକମାନେ ଉଚ୍ଚ ସ୍ଥାନକୁ ପଳାଇ ଯାଇଥିଲେ।
ପାକ୍ ବେଲୁଚିସ୍ତାନ ପ୍ରାନ୍ତରେ ଥିବା ଗ୍ୱାଦର ଜିଲ୍ଲାରେ ବେଲୁଚ୍ ଲିବରେସନ୍ ଆର୍ମୀ ବଡ ଧରଣର ଆକ୍ରମଣ କରିଛି। ଏଥିରେ ପାକ୍ ସୈନ୍ୟ ପୋଷ୍ଟ ଏବଂ ଛୋଟ ଜାହାଜକୁ ଟାର୍ଗେଟ୍ କରାଯାଇଛି । ଫଳରେ ୧୩ ଜଣ ପାକ୍ କୋଷ୍ଟ୍ ଗାର୍ଡଙ୍କ ମୃତ୍ୟୁ ହୋଇଥିବା ବିଏଲଏ ଦାବି କରିଛି। ବିଏଲଏର ନୌସେନା ହମ୍ମାଲ ମ୍ୟାରିଟାଇମ୍ ଡିଫେନ୍ସ ଫୋର୍ସ ଏହି ଆକ୍ରମଣ କରିଛି ।
ସାଉଦି ଆରବର ରାଜଧାନୀ ରିୟାଦ୍ ସ୍ଥିତ ବିମାନବନ୍ଦରରେ ହୋଇଥିବା କ୍ଷେପଣାସ୍ତ୍ର ଆକ୍ରମଣରେ ଜଣେ ଭାରତୀୟଙ୍କ ମୃତ୍ୟୁ ଘଟିଛି । ସାଉଦି ନେତୃତ୍ୱାଧୀନ ମେଣ୍ଟ ଏଥିପାଇଁ ୟେମେନର ଇରାନ-ପୃଷ୍ଠପୋଷକତା ପ୍ରାପ୍ତ ହୁଥି ବିଦ୍ରୋହୀମାନଙ୍କୁ ଦାୟୀ କରିଛି। ସାଉଦି ଆରବରେ ଥିବା ଭାରତୀୟ ଦୂତାବାସ ଏହି ଭାରତୀୟ ନାଗରିକଙ୍କ ମୃତ୍ୟୁକୁ ସ୍ପଷ୍ଟ କରିଛି ।
ଭାରତୀୟ ବଂଶୋଦ୍ଭବ ତଥା ଆଇସିସି ବିଚାରପତି ନବନେଥମ ‘ନଭି’ ପିଲ୍ଲାଇଙ୍କୁ ନୋବେଲ ଶାନ୍ତି ପୁରସ୍କାର ପ୍ରଦାନ ସମ୍ପର୍କରେ ଘୋଷଣା କରାଯିବାର କିଛି ସମୟ ପରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରଶାସନ ଆଇସିସି ଉପରେ ପ୍ରତିବନ୍ଧକ ଘୋଷଣା କରିଛି। ଏଭଳି କିଛି ହେବ ବୋଲି ପୂର୍ବରୁ ନୋବେଲ କମିଟି ଆଶଙ୍କା କରୁଥିଲେ।
ବଦଳିଲା ନୋଏଡା ଏୟାରପୋର୍ଟର ନାଁ। ପ୍ରଧାନମନ୍ତ୍ରୀ ମୋଦିଙ୍କ ନାଁରେ ହେଲା ନାମିତ। ଜେୱର ଏୟାରପୋର୍ଟର ନାମ ହେବ ‘ନରେନ୍ଦ୍ର ମୋଦୀ ଇଣ୍ଟରନ୍ୟାସନାଲ୍ ଏୟାରପୋର୍ଟ’। ଉତ୍ତର ପ୍ରଦେଶର ଜେୱରଠାରେ ନିର୍ମାଣାଧୀନ ନୋଏଡା ଇଣ୍ଟରନ୍ୟାସନାଲ୍ ଏୟାରପୋର୍ଟର ନାମ ପରିବର୍ତ୍ତନ କରି ‘ନରେନ୍ଦ୍ର ମୋଦୀ ଅନ୍ତର୍ଜାତୀୟ ବିମାନବନ୍ଦର’ ରଖିବା ପ୍ରସ୍ତାବକୁ ଯୋଗୀ ଆଦିତ୍ୟନାଥ କ୍ୟାବିନେଟ୍ ବୈଠକରେ ମଞ୍ଜୁରି ମିଳଛି।
ଭାରତର ଟାଟା କନସଲଟେନ୍ସି ସର୍ଭିସେସ ଓ ଇନଫୋସିସ ସମେତ ୮ଟି ପ୍ରମୁଖ ବୈଷୟିକ କମ୍ପାନୀର ଗ୍ରୀନ୍ କାର୍ଡ ଆବେଦନ ପ୍ରକ୍ରିୟାକୁ ଆମେରିକାର ଟ୍ରମ୍ପ ପ୍ରଶାସନ ଅଚଳ କରିଦେବା ସହ ପ୍ରସିଦ୍ଧ ୯ଟି ବିଶ୍ୱବିଦ୍ୟାଳୟ ବିରୋଧରେ ତଦନ୍ତ ପ୍ରକ୍ରିୟା ଆରମ୍ଭ କରିଛି । ବିଦେଶୀ କୁଶଳୀ ଶ୍ରମିକ ନିଯୁକ୍ତି କାର୍ଯ୍ୟକ୍ରମରେ ହେଉଥିବା ଠକେଇ ଓ ଆମେରିକୀୟଙ୍କ ଚାକିରି ହରାଇବାକୁ ରୋକିବା ପାଇଁ ଏହି କଠୋର ପଦକ୍ଷେପ ଗ୍ରହଣ କରାଯାଇଛି ।
ପଞ୍ଚତତ୍ତ୍ୱରେ ବିଲୀନ ହେଲେ ପ୍ରଖ୍ୟାତ ଅଭିନେତା ନାନା ପାଟେକର। ବିଳମ୍ବିତ ରାତିରେ ପୁଣେର ଡୋଞ୍ଜେ ଗାଁରେ ରାଷ୍ଟ୍ରୀୟ ମର୍ଯ୍ୟାଦା ସହିତ ତାଙ୍କୁ ଅନ୍ତିମ ବିଦାୟ ଦିଆଯାଇ ଶେଷକୃତ୍ୟ ସମ୍ପନ୍ନ କରାଯାଇଛି । ନାନାଙ୍କ ଇଚ୍ଛା ଅନୁସାରେ ତାଙ୍କ ଫାର୍ମହାଉସରେ ହିଁ ପୁଅ ମଲ୍ହାର ପାଟେକର ପିତାଙ୍କୁ ମୁଖାଗ୍ନି ଦେଇ ଶେଷକୃତ ସମ୍ପନ୍ନ କରିଥିଲେ। ଅନେକ ଆଲୋଚନାରେ ନାନା କହିଥିଲେ, ‘ଜନ୍ମ ମୃତ୍ୟୁ ଏହା ହିଁ ସତ। ଜନ୍ମ ହୋଇଛେ ମାନେ ମୃତ୍ୟୁ ନିଶ୍ଚିତ।
ଭାରତୀୟ ବଂଶୋଦ୍ଭବ ନବନେତମ ପିଲାଇଙ୍କୁ ନୋବେଲ୍ ଶାନ୍ତି ପୁରସ୍କାର । ଅନ୍ତର୍ଜାତୀୟ ଆଇନକୁ ପ୍ରମୋଟ କରିବାରେ ଗୁରୁତ୍ବପୂର୍ଣ୍ଣ ଭୂମିକା ପାଇଁ ନୋବେଲ୍ ଶାନ୍ତି ସମ୍ମାନରେ ସମ୍ମାନିତ ହେବେ ନବନେତମ ପିଲାଇ । ମାନବାଧିକାର ସୁରକ୍ଷା ଏବଂ ନ୍ୟାୟ କ୍ଷେତ୍ରରେ ବିଶ୍ୱସ୍ତରରେ ଏକ ଅଲିଭା ଛାପ ଛାଡିଥିବା ଭାରତୀୟ ବଂଶୋଦ୍ଭବ ଦକ୍ଷିଣ ଆଫ୍ରିକାର ଆଇନଜ୍ଞ ନବନେତମ୍ 'ନଭି' ପିଲାଇଙ୍କୁ ସମ୍ମାନଜନକ ନୋବେଲ ଶାନ୍ତି ପୁରସ୍କାରରେ ସମ୍ମାନିତ କରାଯାଇଛି ।
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ତାଙ୍କ ଜାତୀୟ ସୁରକ୍ଷା ଦଳ ଇରାନରେ ବଡ଼ ଧରଣର ସାମରିକ କାର୍ଯ୍ୟାନୁଷ୍ଠାନ ପୁଣି ଆରମ୍ଭ କରିବା ବିଷୟରେ ଆଲୋଚନା କରିଛନ୍ତି। ଯଦିଓ ଟ୍ରମ୍ପ କୌଣସି ଚୂଡ଼ାନ୍ତ ନିଷ୍ପତ୍ତି ନେଇନାହାନ୍ତି, ତେବେ ପେଣ୍ଟାଗନକୁ ସମ୍ଭାବ୍ୟ ନୂତନ ଆକ୍ରମଣ ପାଇଁ ପ୍ରସ୍ତୁତ ହେବାକୁ ନିର୍ଦ୍ଦେଶ ଦିଆଯାଇଛି।
ସତ୍ୟପାଠ ବ୍ୟୁରୋ, ଭୁବନେଶ୍ୱର, 07/10/2026: ବ୍ୟାରିକେଡ୍ ଉପରେ ରାହୁଲ, ବ୍ୟାରିକେଡ୍ ଭିତରେ ମ…
ଜାତିସଂଘ ସୁରକ୍ଷା ପରିଷଦରେ ସ୍ଥାୟୀ ସଦସ୍ୟଙ୍କ ସଂଖ୍ୟା ବୃଦ୍ଧି କରିବା ପାଇଁ ଭାରତର ଦାବିକୁ ପାକିସ୍ତାନ ପୁଣି ଥରେ ବିରୋଧ କରିଛି। ଭାରତର ନାମ ନ ନେଇ, ଜାତିସଂଘରେ ପାକିସ୍ତାନର ରାଷ୍ଟ୍ରଦୂତ ଅସୀମ ଇଫତିକାର ଅହମ୍ମଦ କହିଛନ୍ତି ଯେ, ଇସଲାମାବାଦ ଜାତିସଂଘ ସୁରକ୍ଷା ପରିଷଦରେ ନୂତନ ସ୍ଥାୟୀ ସଦସ୍ୟଙ୍କୁ ସାମିଲ କରିବାକୁ ବିରୋଧ କରେ।
ନୂଆଦିଲ୍ଲୀ (ସତ୍ୟପାଠବ୍ୟୁରୋ) : ଭାରତୀୟ ପୁରୁଷ ହକି ଟିମ୍ ପଞ୍ଚମ ଥର ପାଇଁ ଏସିଆନ୍ ଗେମ୍ସରେ ସ୍ୱର୍…
ସଂଯୁକ୍ତ ଆରବ ଏମିରେଟ୍ସ (ୟୁଏଇ)ର ଉପପ୍ରଧାନମନ୍ତ୍ରୀ ଶେଖ୍ ହମଦାନ୍ ବିନ୍ ମହମ୍ମଦ ବିନ୍ ରସିଦ୍ ଅଲ୍- ମକତୁମ୍ ଶନିବାର ବିମାନରେ ଆତଙ୍କବାଦୀ ଘଟଣାରେ ଆହତ ଭାରତୀୟ ପାଇଲଟ କ୍ୟାପ୍ଟେନ ସ୍ମିତ୍ ମାଚ୍ଛରଙ୍କୁ ହସ୍ପିଟାଲରେ ଭେଟିଛନ୍ତି। ଅଲ୍- ମକତୁମ୍ କ୍ୟାପ୍ଟେନ ମାଚ୍ଛରଙ୍କ ସାହସ, କର୍ତ୍ତବ୍ୟବୋଧ ଓ ମାନବ ଜୀବନ ପ୍ରତି ଯତ୍ନଶୀଳତାକୁ ପ୍ରଶଂସା କରିଛନ୍ତି ଓ ତାଙ୍କ ପାଇଁ ୟୁଏଇ ଗର୍ବିତ ବୋଲି କହିଛନ୍ତି।
Flydubai ବିମାନରେ ଭାରତୀୟ କ୍ୟାପଟେନ୍ ସ୍ମିତ ମାଛରଙ୍କ ଉପରେ ଆକ୍ରମଣ ଘଟଣାରେ ଆସିଲା ବଡ଼ ତଥ୍ୟ । ଅଭିଯୁକ୍ତ କୋ-ପାଇଲଟଙ୍କୁ ୨୦୨୪ରେ ହିଁ ସୁରକ୍ଷା ପାଇଁ ବିପଦ ବୋଲି ଚିହ୍ନଟ କରିଥିଲା ଓମାନ ଏୟାର । ଏକ ଗଣମାଧ୍ୟମକୁ ବରିଷ୍ଠ ଗୁଇନ୍ଦା ଓ ଆଇନ ପ୍ରବର୍ତ୍ତନ ଅଧିକାରୀ ଦେଇଥିବା ସୂଚନା ଆଧାରରେ ଏହି ରିପୋର୍ଟ ପ୍ରକାଶ ପାଇଛି । ରିପୋର୍ଟ ଅନୁସାରେ, ୨୦୨୪ରେ ସେ Oman Airରେ ଟ୍ରେନି କୋ-ପାଇଲଟ୍ ଭାବେ କାମ କରୁଥିଲେ ।
ବର୍ଷା ଛାଡିବା ପରେ ହଠାତ ମାଳଅଞ୍ଚଳକୁ ଶୀତ ଛୁଇଁଛି l ହାଲୁକା ଶୀତ ସ୍ପର୍ଶରେ ପୁଲକିତ ହୋଇ ଉଠିଛି ଜନଜୀବନ। ହାଲକା ଥଣ୍ଡା ସାଙ୍ଗକୁ କୁହୁଡ଼ି କାକର ବୁନ୍ଦା ଗଛର ପତ୍ରରେ ଦେଖିବାକୁ ମିଳିଛି l ଦିନେ ଦୁଇ ଦିନ ହେବ ସଂନ୍ଧ୍ୟା ସମୟରେ ମଧ୍ୟ ହାଲକା ଶୀତ ଅନୁଭୂତ ହେଉଛି। କୋରାପୁଟ ଜିଲ୍ଲାର ଲମତାପୁଟ ବ୍ଲକରେ ପାଗ ସମ୍ପୂର୍ଣ୍ଣ ଶୁଖିଲା ହୋଇଯିବା ପରେ ପାରଦ ତଳ ମୁହାଁ ହୋଇଛି l ୧୩ ଡିଗ୍ରୀ ତଳକୁ ଖସିଛି ତାପମାତ୍ରା ।