କୋଲକାତା(ସତ୍ୟପାଠ ବ୍ୟୁରୋ): ଭାରତୀୟ ଜନତା ପାର୍ଟିରୁ ନିଲମ୍ବିତ ହୋଇଥିବା ଜୟପ୍ରକାଶ ମଜୁମଦାର ଆଜି ତୃଣ ମୂଳ କଂଗ୍ରେସରେ ଯୋଗ ଦେଇଛନ୍ତି । ତେବେ ଜୟ ପ୍ରକାଶ ମଜୁମଦାରଙ୍କୁ କୋଲକାତାର ନଜରୁଲ ମଞ୍ଚରେ ଏକ ବୈଠକରେ ଆନୁଷ୍ଠାନିକ ଭାବେ ଟିଏମସିରେ ଅନ୍ତର୍ଭୁକ୍ତ କରାଯାଇଛି । ସେପଟେ ଜୟ ପ୍ରକାଶ ମଜୁମଦାର ନିକଟରେ ପଶ୍ଚିମବଙ୍ଗ ବିଜେପି ମୁଖପାତ୍ର ଥିଲେ। ସେ ୨୦୧୪ ରେ କଂଗ୍ରେସ ଛାଡିବା ପରେ ବିଜେପିରେ ଯୋଗ ଦେଇଥିଲେ। ଚଳିତ ବର୍ଷ ଜାନୁଆରୀରେ ଦଳର ଶୃଙ୍ଖଳା ଉଲ୍ଲଂଘନ କରିଥିବାରୁ ତାଙ୍କୁ ବିଜେପିରୁ ନିଲମ୍ବିତ କରାଯାଇଥିଲା। ଭାରତୀକୟ ଜନତା ପାର୍ଟିରୁ ନିଲମ୍ବିତ ହେବା ପରେ ଜୟ ପ୍ରକାଶ ମଜୁମଦାର ଦଳର କେନ୍ଦ୍ରୀୟ ନେତୃତ୍ୱ ଉପରେ ଆକ୍ରମଣ କରିଥିଲେ ଏବଂ ସେମାନଙ୍କୁ ମୂଳ ପ୍ରସଙ୍ଗକୁ ଅଣଦେଖା କରିବା ସହ ଆବଶ୍ୟକ ସମୟରେ ଶ୍ରମିକମାନଙ୍କୁ ଛାଡି ଦେଇଥିବାର ଅଭିଯୋଗ କରିଥିଲେ।
ଏପରିକି ବେଙ୍ଗଲ ସର୍ଭେ ସମୟରେ ମୋତେ ରାଜ୍ୟର ସ୍ଥିତିକୁ କେନ୍ଦ୍ରୀୟ ନେତୃତ୍ୱଙ୍କୁ ଜଣାଇବା ଦାୟିତ୍ୱ ଦିଆଯାଇଥିଲା। ତଥାପି କିଛି କେନ୍ଦ୍ରୀୟ ନେତା ଦଳର ବଙ୍ଗଳା ବ୍ରିଗେଡକୁ ହଟାଇବାକୁ ଚେଷ୍ଟା କରୁଥିଲେ। ହେଲେ ଏହା ଠିକ ନୁହେଁ ବୋଲି ମୁଁ ସେମାନଙ୍କୁ କହିଥିଲେ ବୋଲି ଜୟ ପ୍ରକାଶ କହିଛନ୍ତି । ଅନ୍ୟପଟେ ନିର୍ବାଚନ ଫଳାଫଳ ଘୋଷିତ ହେବା ପରେ କଣ ଘଟିଛି ତାହା ସମସ୍ତେ ଜାଣନ୍ତି। ଦିଲ୍ଲୀର ନେତାମାନେ ଟିକେଟ ପାଇବା ପାଇଁ ବ୍ୟାକୁଳ ଥିଲେ । ଏହି ସମୟରେ ପଶ୍ଚିମବଙ୍ଗାରେ ବହୁତ ବିଜେପି କର୍ମୀଙ୍କୁ ଆକ୍ରମଣ କରାଯାଉଥିଲା । ଏପରିକି ସେମାନଙ୍କ ପାଖରେ ଠିଆ ହେବାକୁ କୌଣସି ବିଶିଷ୍ଟ ନେତା ନଥିଲେ ବୋଲି ତୃଣମୂଳ କଂଗ୍ରେସରେ ଯୋଗ ଦେଇ ଜୟପ୍ରକାଶ ମଜୁମଦାର କହିଛନ୍ତି । ସେପଟେ ବିଜେପି ଛାଡ଼ି ତୃଣମୂଳ କଂଗେସରେ ମିଶିବା ପରେ ସାରା ଦେଶର ରାଜନୀତି ବେଶ ଚଳଚଞ୍ଚଳ ହୋଇ ଉଠିଛି ।
