ଭୁବନେଶ୍ୱର(ସତ୍ୟପାଠ ବ୍ୟୁରୋ): କଂଗ୍ରେସ ଦଳର ପୂର୍ବତନ ସଭାପତି ରାହୁଳ ଗାନ୍ଧୀଙ୍କୁ ଇଡିର ପଚରାଉଚରାକୁ ବିରୋଧ କରି ଦେଶର ଅନେକ ସ୍ଥାନରେ ବିକ୍ଷୋଭ ପ୍ରଦର୍ଶନ କରାଯାଉଛି । ଏହା ମଧ୍ୟରେ ତେଲେଙ୍ଗାନାରେ କଂଗ୍ରେସ ନେତ୍ରୀ ରେଣୁକା ଚୌଧୁରୀ ଜଣେ ପୁଲିସ କର୍ମଚାରୀଙ୍କୁ ଅସଦାଚରଣ କରିଥିବାର ଦେଖିବାକୁ ମିଳିଛି । ତେବେ ପ୍ରଦର୍ଶନକାରୀଙ୍କୁ ଘଟଣାସ୍ଥଳରୁ ହଟାଇବାକୁ ଚେଷ୍ଟା କରୁଥିବାବେଳେ ରେଣୁକା ଚୌଧୁରୀ ପୁଲିସ କର୍ମଚାରୀଙ୍କ କଲର ଧରି ଅସଦାଚରଣ କରିଥିଲେ । ଏହା ସହ ସମ୍ପୃକ୍ତ ପୁଲିସଙ୍କ କଲର ଧରି ଟାଣିବାକୁ ଲାଗିଥିଲେ କଂଗ୍ରେସ ନେତ୍ରୀ । ଏହା ପରେ ଅନ୍ୟ ପୋଲିସମାନେ କୌଣସି ପ୍ରକାରେ ସେହି ପୋଲିସ୍ କର୍ମଚାରୀଙ୍କୁ ରେଣୁକା ଚୌଧୁରୀଙ୍କଠାରୁ ମୁକ୍ତ କରି କଂଗ୍ରେସ ନେତାଙ୍କୁ ଗିରଫ କରିଥିଲେ। ସେପଟେ ଗୁରୁବାର ଦିନ କଂଗ୍ରେସ ଦଳ ସାରା ଦେଶରେ ବିରୋଧ ପ୍ରଦର୍ଶନ କରୁଛନ୍ତି ।
ଅଧିକାଂଶ ରାଜ୍ୟରେ ଦଳର କର୍ମୀ ଏବଂ ନେତାମାନେ ରାଜ ଭବନଙ୍କୁ ଘେରି ରହିଛନ୍ତି। ତେଲେଙ୍ଗାନାରେ ସମାନ ପ୍ରତିବାଦ ବେଳେ ରେଣୁକା ଚୌଧୁରୀ ପୋଲିସ୍ ସହ ଅସଦାଚରଣ କରି ତାଙ୍କୁ କଲର ଦ୍ୱାରା ଟାଣି ନେଇଥିଲେ। ଅନ୍ୟପଟେ ନ୍ୟାସନାଲ ହେରାଲ୍ଡ ମାମଲାରେ ବୁଧବାର ରାତି ପ୍ରାୟ ୯ ଟା ପର୍ୟ୍ୟନ୍ତ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଇଡି ପ୍ରଶ୍ନ କରିଥିଲେ । ରାହୁଲ ଗାନ୍ଧୀ ରାତି ୯.୩୦ ରେ ଇଡି କାର୍ୟ୍ୟାଳୟରୁ ବାହାରିଥିଲେ। ପଚରାଉଚରା ପାଇଁ ରାହୁଲ ତୃତୀୟ ଥର ପାଇଁ ଇଡି କାର୍ୟ୍ୟାଳୟରେ ପହଞ୍ଚିଥିଲେ। ଏଥି ସହିତ ନ୍ୟାସନାଲ ହେରାଲ୍ଡ ମାମଲାରେ ଇଡି ଦ୍ୱାରା ରାହୁଲ ଗାନ୍ଧୀଙ୍କୁ ଡକାଯିବାକୁ କଂଗ୍ରେସ ନିରନ୍ତର ବିରୋଧ କରୁଥିବାର ଦେଖିବାକୁ ମିଳୁଛି । ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
