ଭୁବନେଶ୍ୱର(ସତ୍ୟପାଠ ବ୍ୟୁରୋ): ଝାରସୁଗୁଡା ଜିଲ୍ଲାରେ ଅପରେସନ ‘ନେତ୍ର’କୁ ବଡ଼ ସଫଳତା। ଏକ ମାରଣାସ୍ତ୍ର ଚାଲାଣକାରୀ ଗ୍ୟାଙ୍ଗକୁ କାବୁ କରିଛି ବ୍ରଜରାଜନଗର ପୋଲିସ। ସେମାନଙ୍କ ପାଖରୁ ୩ଟି ବନ୍ଧୁକ ଏବଂ ୭ ଟି ଜୀବନ୍ତ ଗୁଳି, ୨ଟି ମୋବାଇଲ୍ ଫୋନ୍ ଜବତ କରିବା ସହିତ ତିନି ଜଣ ଅପରାଧୀଙ୍କୁ ଅଟକ ରଖାଯାଇଛି । ବ୍ରଜରାଜନଗର ଥାନାରେ 25(1)(A) Arms Act ଅଧୀନରେ 15/26 ଏବଂ 17/26 ରେ ଦୁଇଟି ମାମଲା ରୁଜୁ କରିଛି ପୋଲିସ।
ଅଟକ ଅପରାଧୀମାନେ ହେଲେ ବ୍ରଜରାଜନଗରର ସୌରଭ ଯାଦବ, ଆଦିତ୍ୟ ଶର୍ମା ଓ ତୁଷାର ପଟ୍ଟନୟକ। ଏନେଇ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ଗୁଣ୍ଡାଲା ରେଡ୍ଡୀ ରାଘବେନ୍ଦ୍ର। ସଶସ୍ତ୍ର ଅପରାଧୀଙ୍କ ପ୍ରତି ପୋଲିସର ଶୂନ୍ୟ ସହନଶୀଳତା ରହିଛି ବୋଲି ସେ କହିବା ସହିତ ଯୁବକମାନଙ୍କୁ ଅସ୍ତ୍ରଶସ୍ତ୍ର ପରିହାର କରିବାକୁ ସେ ଆହ୍ୱାନ ଦେଇଛନ୍ତି।
