ଭୁବନେଶ୍ୱର(ସତ୍ୟପାଠ ବ୍ୟୁରୋ): ଜୁନ୍ ୧୦ ରେ ମହାରାଷ୍ଟ୍ରରେ ରାଜ୍ୟସଭା ନିର୍ବାଚନ ହେବାକୁ ଯାଉଛି । ଏହାକୁ ଦୃଷ୍ଟିରେ ରଖି ସମସ୍ତ ରାଜନୈତିକ ଦଳମାନେ ଚଳଚଞ୍ଚଳ ହୋଇ ଉଠିଛନ୍ତି । ସେପଟେ ରାଜ୍ୟସଭା ନିର୍ବାଚନ ପୂର୍ବରୁ ଶିବସେନା ନିଜର ବିଧାୟକମାନଙ୍କୁ ମଲାଡ଼ର ଏକ ହୋଟେଲକୁ ସ୍ଥାନାନ୍ତର କରିଥିବାର ଖବର ସାମ୍ନାକୁ ଆସିଛି । କେବଳ ଏତିକି ନୁହେଁ ବରଂ ସ୍ଥାନାନ୍ତର ପୂର୍ବରୁ ମୁଖ୍ୟମନ୍ତ୍ରୀଙ୍କ ବାସଭବନରେ ସ୍ୱାଧୀନ ତଥା ଶିବସେନା ବିଧାୟକଙ୍କ ଏକ ବୈଠକ ଅନୁଷ୍ଠିତ ହୋଇଥିବାର ସୂଚନା ମିଳିଛି । ଏହା ପରେ ବିଧାୟକମାନଙ୍କୁ ବସ୍ ଯୋଗେ ହୋଟେଲକୁ ନିଆଯାଇଥିଲା।
ଅନ୍ୟପଟେ ୧୦୬ ସଦସ୍ୟ ବିଶିଷ୍ଟ ବିଜେପି କେନ୍ଦ୍ର ମନ୍ତ୍ରୀ ପୀୟୁଷ ଗୋୟେଲ, ଅନିଲ ବଣ୍ଡେ ଏବଂ ଧନଞ୍ଜୟ ମହାଦିକଙ୍କୁ ବିଧାନସଭାରେ ପ୍ରାର୍ଥୀ କରିଛି। ଏଥି ସହିତ ଏନସିପି ପୂର୍ବତନ କେନ୍ଦ୍ର ମନ୍ତ୍ରୀ ପ୍ରଫୁଲଲ ପଟେଲ ଏବଂ କଂଗ୍ରେସ ଇମ୍ରାନ ପ୍ରତାପଗରୀଙ୍କୁ ଫିଲ୍ଡିଂ କରିଛି। ସେହିପରି ସଞ୍ଜୟ ରାଉତ ଏବଂ ସଞ୍ଜୟ ପାୱାର ରାଜ୍ୟସଭା ନିର୍ବାଚନରେ ଶିବସେନାର ପ୍ରାର୍ଥୀ ଅଟନ୍ତି। ଷଷ୍ଠ ରାଜ୍ୟସଭା ଆସନ ପାଇଁ ନିର୍ବାଚନ ପ୍ରତିଯୋଗିତା ବିଜେପିର ଧନଞ୍ଜୟ ମହାଦିକ ଏବଂ ଶିବସେନାର ସଞ୍ଜୟ ପାୱାର ମଧ୍ୟରେ ହେବାକୁ ଯାଉଛି ।
