ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଞ୍ଜାବର ସମସ୍ତ ୧୧୭ଟି ଆସନରୁ ୮୯ଟି ସିଟରେ ଆମ ଆଦମି ପାର୍ଟି ଆଗରେ ଚାଲିଛି । ସେପଟେ କଂଗ୍ରେସ ୧୩ଟି ସିଟରେ ଏବଂ ବିଜେପି ୫ଟି ସିଟରେ ଆଗରେ ଚାଲିଛି । ତେବେ ଏଥର ପଞ୍ଜାବବାସୀ ଆମ ଆଦମି ପାର୍ଟିକୁ ଭରଷା କରିଥିବାର ଦେଖିବାକୁ ମିଳିଛି । ପଞ୍ଜାବର ସମସ୍ତ ୧୧୭ ଟି ସିଟରେ ସରକାରୀ ଟ୍ରେଣ୍ଡ ଅନୁଯାୟୀ ୮୯ ଟି ସିଟରେ ଇଇଚ ଆଗୁଆ ରହିଛି। ଅନ୍ୟପକ୍ଷରେ କଂଗ୍ରେସ ୧୨ ଟି ଆସନରେ ଏବଂ ବିଜେପି ୫ ଟି ଆସନରେ ଆଗୁଆ ରହିଛି। ଅନ୍ୟପଟେ ଅମୃତସର ଆସନରୁ ପ୍ରାର୍ଥୀଥିବା ନବଜୋତ ସିଂହ ସିଦ୍ଧୁଙ୍କ ମଧ୍ୟ ପଛରେ ପକାଇ ଆପ ପ୍ରାର୍ଥୀ ଆଗେଇ ଚାଲୁଥିବାର ଦେଖିବାକୁ ମିଳିଛି । ସେହିପରି ପଞ୍ଜାବରେ ଅକାଳୀ ଦଳ ୧୦ ଟି ଆସନରେ ଆଗୁଆ ଅଛନ୍ତି କିନ୍ତୁ ଦଳର ମୁଖ୍ୟ ସୁଖବୀର ସିଂ ବାଦଲ ତାଙ୍କ ପାରମ୍ପାରିକ ଆସନ ଜାଲାଲାବାଦରୁ ପଛରେ ଅଛନ୍ତି ।
ପଞ୍ଜାବରେ କଂଗ୍ରେସ ଏକ ବଡ଼ ପରାଜୟ ଆଡକୁ ଯାଉଛି । ରାଜ୍ୟରେ ଶାସକ କଂଗ୍ରେସର ଅନେକ ବଡ ନେତା ଏବେ ବି ପଛରେ ଅଛନ୍ତି। ଦଳ ମାତ୍ର ୧୪ ଟି ଆସନରେ ଆଗୁଆ ରହିଛି। ସେପଟେ ପଞ୍ଜାବ ବିଧାନସଭାର ୧୧୭ ଜଣ ସଦସ୍ୟଙ୍କୁ ବାଛିବା ପାଇଁ ଦିଆଯାଇଥିବା ଭୋଟର ଗଣନା ଚାଲିଛି। ସର୍ବଶେଷ ଧାରା ଅନୁଯାୟୀ ପଞ୍ଜାବରେ ଆମ୍ ଆଦମୀ ପାର୍ଟିର ସୁନାମି ଦୃଶ୍ୟମାନ ହେଉଛି। ଫେବୃଆରୀ ୨୦ ରେ ବିଧାନସଭା ନିର୍ବାଚନ ପାଇଁ ମତଦାନ ଅନୁଷ୍ଠିତ ହୋଇଥିଲା। ଏଥର ୯୩ ଜଣ ମହିଳା ଏବଂ ଦୁଇଜଣ ଟ୍ରାନ୍ସଜେଣ୍ଡରଙ୍କ ସମେତ ମୋଟ ୧,୩୦୪ ପ୍ରାର୍ଥୀ ନିର୍ବାଚନୀ ମଇଦାକୁ ଓହ୍ଲାଇଥିଲେ ।
