ସତ୍ୟପାଠ ବ୍ୟୁରୋ : ଯେବେଠାରୁ ମହାନଦୀ ପ୍ରସଙ୍ଗ ବା ବିବାଦ ଗଣମାଧ୍ୟମରେ ସାମ୍ନାକୁ ଆସିଛି, ସେବେଠାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯିଏ ବିଗତ ୨୦ବର୍ଷ ଭିତରେ ୧୫ରୁ ୧୭ବର୍ଷ ଜଳସମ୍ପଦ ବିଭାଗ ମନ୍ତ୍ରୀ ଭାବେ କାର୍ଯ୍ୟ କରଛନ୍ତିି ସେ ଏକ ଐତିହାସିକ ବକ୍ତବ୍ୟ ଦେଇ ଆସୁଛନ୍ତି, ମହାନଦୀରୁ ବିନ୍ଦୁଏ ମାତ୍ର ଜଳ ଦିଆଯିବ ନାହିଁ ଓ ଜୀବନର ଶେଷ ରକ୍ତବିନ୍ଦୁ ଥିବା ଯାଏ ସେ ମହାନଦୀ ଓ ଓଡିଶାର ଜଳସମ୍ପଦ ପାଇଁ ଲଢ଼େଇ କରିବେ । କିନ୍ତୁ ବାସ୍ତବ ଚିତ୍ର କଣ ତାହା କଳ୍ପନାରୁ ବାହାରେ । ନୀତି ଆୟେଗାର ରିପୋର୍ଟରେ ଓଡିଶାର ସ୍ଥାନ କିଭଳି ତଳକୁ ତଳକୁ ଖସି ଚାଲିଛି ତାହାର ଖୁଲାସା କରିଛି ପ୍ରଦେଶ କଂଗ୍ରେସ । ପିସିସି ମିଡିଆ ସେଲ ମୁଖ୍ୟ ସତ୍ୟପ୍ରକାଶ ନାୟକ ଏନେଇ ଏକ ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କ ଉପରେ ପ୍ରବଳ ବର୍ଷିଛନ୍ତି । ଏହାସହ ରାଜ୍ୟରେ ୫ଟି କିଭଳି କାର୍ଯ୍ୟ କରୁଛି ତାହା ବି ଦର୍ଶାଇଛନ୍ତି ।
ସତ୍ୟପ୍ରକାଶ କହିଛନ୍ତି, ସୁରେଶ ମହାପାତ୍ରଙ୍କ ସମୟରେ ଓଡିଶାର ସ୍ଥାନ ୯ ଥିଲା, ୧୩କୁ ଖସିଲା । ପ୍ରଦୀପ ଜେନା ମହୋଦୟଙ୍କ ସମୟରେ ୧୩ରୁ ୧୪କୁ ଖସିଲା । ନବୀନ ବାବୁ ଏସବୁ ଜାଣିପାରି ନିଜ ମୁଣ୍ଡରୁ ଖସାଇଦେଇଛନ୍ତି । ଏ ଚିଠିରେ ସ୍ପଷ୍ଟ ଲେଖାଯାଇଛି, ପ୍ରତ୍ୟେକ ରାଜ୍ୟ, ଜଳାଶୟ, ନଦୀ, ନାଳର ସୁରକ୍ଷା କରିବେ, ଯେମିତି ଏହା ଜବରଦଖଲ ନହେବ ଏବଂ ଏଥିପାଇଁ ଆଇନ ବ୍ୟବସ୍ଥା ରହିବ । ଏହାକୁ ଦଣ୍ଡନୀୟ ଅପରାଧ ବୋଲି ବିବେଚନା କରାଯିବ । ସବୁ ରାଜ୍ୟ ଓ କେନ୍ଦ୍ର ଶାସିତ ଅଂଚଳରେ ଏଭଳି ନିୟମ ଅଛି, କିନ୍ତୁ ଓଡିଶା ଓ ତ୍ରିପୁରାରେ ସେମିତି କିଛି ନାହିଁ । ୱାଟର ଡାଟା ସେଣ୍ଟର କରିବା ପାଇଁ କୁହାଗଲା । କିନ୍ତୁ ଓଡିଶା ସରକାର ଏଯାଏଁ ତାହା କଲେନାହିଁ । ‘5T’ ରେ ସ୍ୱଚ୍ଛତା କଥା କୁହାଯାଉଛି । କିନ୍ତୁ ସ୍ୱଚ୍ଛତା ପାଇଁ ଯେଉଁ ଡାଟା ଦରକାର ତାହା ସରକାର ଯୋଗାଉ ନାହାଁନ୍ତି । ଯାହାକୁ ନେଇ କଂଗ୍ରେସ ଆପତ୍ତି ଉଠାଇଛି ।
