ନିର୍ବାଚନ ପୂର୍ବରୁ ଉପରକୁ ମାର୍ପିଟ୍ ଏବଂ ଭିତରେ କୋଳାକୋଳି ଥିଲା । ହେଲେ ଏବେ ଉପରେ କୋଳାକୋଳି କିନ୍ତୁ ଭିତରେ ଚାଲିଛି ଦୋଷ ଠେଲାଠେଲି । ଭୁବନେଶ୍ବର ବିମାନବନ୍ଦରରେ ଛାତ ଭୁଶୁଡ଼ିବା ପରେ ଉଭୟ ବିଜେପି ଓ ବିଜେଡିର ପ୍ରତିକ୍ରିୟା ଦର୍ଶାଉଛି ଉଭୟଙ୍କ ଅବୈଧ ସମ୍ପର୍କରେ କିଛି ଭଲ ନାହିଁ । ରାଜନୀତିରେ ପାଣିପାଗ କିଭଳି ବଦଳେ ତାହା ଉଭୟ ନେତାଙ୍କ ଦୋଷ ଲଦାଲଦିରୁ ସ୍ପଷ୍ଟ ଜଣାପଡ଼ୁଛି ।
2019 ନିର୍ବାଚନ ପୂର୍ବରୁ ନବୀନ ବାବୁ ଭାବୁଥିଲେ ମୋର ଅଭାବ ପଡ଼ିବ ମୁଁ ବିଜେପିରୁ ନେବି ଏବଂ ନରେନ୍ଦ୍ର ମୋଦି ଚାହୁଁଥିଲେ ମୋର ଅଭାବ ପଡ଼ିଲେ ନବୀନ ବାବୁଙ୍କ ପାଖରୁ ନେବି । ତେଣୁ ଲୋକଙ୍କଠାରୁ ଭୋଟ ହାତେଇବା ପାଇଁ ଉପରେ ଲଢ଼, ଭିତରେ କୋଳାକୋଳି ଚାଲିଥିଲା । କିନ୍ତୁ ନିର୍ବାଚନ ପରେ ଅମିତ ଶାହ ଓ ନବୀନ ପଟ୍ଟନାୟକ ଉପରେ କୋଳାକୋଳି ହୋଇଗଲେ । ତେଣୁ ଓଡ଼ିଶାରେ ଆଉ ମୁହାଁମୁହିଁ କେହି ଲଢ଼ୁ ନାହାନ୍ତି । ଭିତରେ କେମିତି ତୁତୁ ମେ ମେ ଚାଲିଛି ତାହା ବିମାନବନ୍ଦର ଛାତ ଭୁଶୁଡ଼ିବା ପରେ ଉଭୟ ଦଳର ଆଭିମୁଖ୍ୟ ହେଉଛି ବଡ଼ ଉଦାହାରଣ । ଛାତ ଖସିଲା ଠିକାଦାର କିଏ ? କେଉଁଠି ତୃଟି ରହିଲା, ପୋଲିସ କିଭଳି ତାକୁ ଧରିବ ?
ଦୁର୍ଭାଗ୍ୟର କଥା ଲୁହା ପାଇପ ବଦଳରେ କାଠ ବହ୍ଲାରେ 3 ତାଲା ସଣ୍ଟ୍ରିଙ୍କ କରାଯାଇଥିଲା । ଷ୍ଟାଣ୍ଡାର୍ଡ ଅପରେଟିଙ୍ଗ ପ୍ରସିଜିଓର ଉଲ୍ଲଙ୍ଗନ କରାଯାଇଛି । ତେଣୁ କେବଳ ଠିକାଦାର ନୁହଁ, ସେ ଇଞ୍ଜିନିୟରକୁ ଧରିବା କଥା । ପ୍ରୋଜେକ୍ଟ ମ୍ୟାନେଜମେଣ୍ଟ ଦାୟିତ୍ବ କିଏ ନେଇଥିଲା ?
ଏସବୁ ପ୍ରମୁଖ ପ୍ରଶ୍ନ ଉଠାଇବାର କଥା । ଯେହେତୁ ବିଜେପି କେନ୍ଦ୍ରରେ ସରକାର ଅଛି, ଆଉ ବିମାନବନ୍ଦର ସମ୍ପୂର୍ଣ୍ଣ କେନ୍ଦ୍ର ସରକାରଙ୍କ ଅଧିନରେ ଅଛି ତେଣୁ ସସ୍ମିତ ପାତ୍ର ଏସବୁ ଟେକ୍ନିକାଲ କଥା ଉଠାଇପାରିଥାନ୍ତେ । ବିଦେଶ ନୀତି ଉପରେ ଭାଷଣା ମାରି ବାହା ବାହା ନେଉଛନ୍ତି କିନ୍ତୁ ନିଜ ଘର ଛାତ ଭୁଶୁଡ଼ି ଯାଉଛି, ଜଣେ ଶ୍ରମିକ ମରୁଛି । କେଉଁ ଦିଗରେ ତ୍ରୁଟି ରହିଲା, କେଉ ଜାଗାରେ ଟେକ୍ନିକାଲ ତ୍ରୁଟି ରହିଛି ସେ କଥା ସାଧାରଣ ଲୋକ ଜାଣିବା ଦରକାର । କିନ୍ତୁ ଏସବୁ କଥା ପାତ୍ର ବାବୁଙ୍କର ମନେପଡ଼ିଲା ନାହିଁ ।
ଇଞ୍ଜିନିୟର କିଏ, ଠିକାଦାର କିଏ ଏବଂ ତାଙ୍କ ଲାଇସେନ୍ସ ବାଜ୍ୟାପ୍ତି କରାଯାଉ । ଏହି କାମ ଯେଉଁ ମନ୍ତ୍ରାଳୟ କରାଉଛି ସେ କେଉଁ ଅଧିକାରୀଙ୍କୁ ଦାୟିତ୍ବ ଦେଇଛି ? ଏହି କାମର ବୈଷୟିକ ଦିଗକୁ କେଉଁ ଅଧିକାରୀ ଅନୁମୋଦନ ଦେଇଥିଲେ ? ବିମାନବନ୍ଦର ଅଥୋରିଟି କାହାକୁ ମନିଟରିଙ୍ଗ ଦାୟିତ୍ବ ଦେଇଛି ।
56 କୋଟି ଟଙ୍କାର କାମ ନେଇଛି ଦିଲୀପ କନ୍ଷ୍ଟ୍ରକସନ ।
ସେପଟେ ବିମାନବନ୍ଦର ନିର୍ଦ୍ଦେଶକଙ୍କ କହିବା କଥା ଏହି ପ୍ରକଳ୍ପ ପାଇଁ ଦିଲ୍ଲୀପ କନଷ୍ଟ୍ରକସନ 56 କୋଟି ଟଙ୍କାର କାମ ନେଇଥିଲା । ବର୍ତ୍ତମାନ ସୁଦ୍ଧା 3 କୋଟି ଟଙ୍କାର କାର୍ଯ୍ୟ ଶେଷ ହୋଇଛି । ଭୁଶୁଡ଼ିଥିବା ଛାତର ଆନୁମାନିକ ଖର୍ଚ 20 ଲକ୍ଷ ଟଙ୍କା ହୋଇଥିବା ସୂଚନା ରହିଛି । 2 ବର୍ଷ ପାଇଁ ଏହି ପ୍ରକଳ୍ପ ଦାୟିତ୍ବ ନେଇଥିଲା ସମ୍ପୃକ୍ତ ସଂସ୍ଥା । ତେବେ ଏଠାରେ ପ୍ରଶ୍ନ ଉଠୁଛି ଯଦି ଦିଲୀପଙ୍କୁ ବିମାନବନ୍ଦର କର୍ତ୍ତୃପକ୍ଷ କାମ ଦେଇଥିଲେ ତେବେ ତାର ତଦାରଖ କଲେନି କାହିଁକି ? ଲୁହା ପାଇପ ବଦଳରେ କାଠ ବହ୍ଲାରେ ସଣ୍ଟ୍ରିଙ୍ଗ ହେଉଥିଲା ଯାହା ଗୋଟିଏ ରାତିରେ ତ କେବେ ହୋଇ ନଥିବ ।
ଯଦି ଦିଲୀପଙ୍କୁ ବିମାନବନ୍ଦର କର୍ତ୍ତୃପକ୍ଷ କାମ ଦେଇଥିଲେ ତେବେ ତାର ତଦାରଖ କଲେନି କାହିଁକି ?
ତେବେ ତାହାକୁ ଯାଞ୍ଚ କରିବା ଦାୟିତ୍ବ କହାର ଥିଲା ?
କାହିଁକି ସେତେବେଳେ ଅଭିଯୋଗ କରାଗଲା ନାହିଁ ?
କେନ୍ଦ୍ର ସରକାରଙ୍କ ବିଲ୍ଡିଂ କନ୍ଷ୍ଟ୍ରକସନର ଗାଇଡଲାଇନ କ’ଣ କହୁଛି ?
ଲୁହା ପାଇପ ବଦଳରେ କାଠ ବହ୍ଲାରେ ସଣ୍ଟ୍ରିଙ୍ଗ ହେଉଥିଲା କାହିଁକି ?
ଏସବୁ କଥା ସସ୍ମିତ ପାତ୍ର ଉଠାଇଲେ ନାହିଁ କାହିଁକି । ଏହା ପରିବର୍ତ୍ତେ ବିଜେପି ନାଁ କାହିଁକି ନେଲେ ? ଅର୍ଥାତ ଏହା ଦର୍ଶାଉଛି ଯେହେତୁ ଏହା କେନ୍ଦ୍ର ସରକାରଙ୍କ କାମ ତେଣୁ ଧର୍ମେନ୍ଦ୍ର ପ୍ରଧାନଙ୍କୁ ଟାର୍ଗେଟ କରି ଏଭଳି କୁହାଯାଇଛି । ଆଲୋଚନା ହେଉଛି ଯେ ଓଡ଼ିଶାରେ ର୍ମେନ୍ଦ୍ରଙ୍କ ବିନା ଇସାରାରେ କୌଣସି କାମ ହେଉନାହିଁ, ସେ ଯେ କୌଣସି ବଭାଗ ହେଉନା କାହିଁକି । ତେଣୁ ମୌକା ମିଳିଛି ଧର୍ମେନ୍ଦ୍ରଙ୍କ ଘେରିଯିବା ପାଇଁ । ସେଥିପାଇଁ ସସ୍ମିତ ପ୍ରକୃତ ଦୋଷକ ଧରିବା ପରିବର୍ତ୍ତେ ବିଜେପିକୁ ଟାର୍ଗେଟ କରିଛନ୍ତି ।
ସେପଟେ ଧର୍ମେନ୍ଦ୍ରଙ୍କ କ୍ୟାମ୍ପର ପ୍ରଧାନଙ୍କ ସବୁଠୁ ବିଶ୍ବସ୍ତ କୁହାଯାଉଥିବା ଗୋଲକ ମହାପାତ୍ର ସାମ୍ନାକ ଆସିଲେ ଏବଂ ଠିକାଦାର ଦିଲୀପ ଖଟେଇଙ୍କୁ ଦୋଷୀ କରିବା ପରିବର୍ତ୍ତେ ତାଙ୍କର କେଉଁ ରାଜନେତା ଏବଂ ଅଫିସରଙ୍କ ସହ ଲିଙ୍କ୍ ଅଛି ସେ କଥା କହିଲେ । ଏଥିରୁ ସ୍ପଷ୍ଟ ଜଣାପଡ଼ୁଛି ଯେ ବିଜେଡି ଆଉ ବିଜେପି ଭିତରେ କିଛି ଠିକ ଚାଲିନାହିଁ । ବିମାନବନ୍ଦରର ଛାତ ଖସିବା ଘଟଣା ବଜେପି-ବିଜେଡିର ଅବୈଧ ସମ୍ପର୍କରେ ଫାଟ ଥିବା କଥାକୁ ପଦାରେ ପକାଇ ଦେଇଛି ।
