ଭୁବନେଶ୍ବର,୧୯/୧(ସତ୍ୟପାଠ ବ୍ୟୁରୋ): ଦିଲ୍ଲୀ ବିମାନବନ୍ଦରରେ ବିମାନ ବିଳମ୍ବ ଓ ବାତିଲକୁ ନେଇ ବରିଷ୍ଠ କଂଗ୍ରେସ ନେତା ଶଶୀ ଥରୁର ଏବଂ ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କ ମଧ୍ୟରେ ବାକ୍ଯୁଦ୍ଧ। ତେବେ ଶଶୀ ସିନ୍ଧିଆଙ୍କୁ ସମାଲୋଚନା କରି କହିଛନ୍ତି ଯେ ତାଙ୍କୁ ଜବାବ ଦେବା ପାଇଁ ବଡ଼ ଅଭିଧାନର ଆବଶ୍ୟକତା ନାହିଁ। ଥରୁର ଆହୁରି ଅଭିଯୋଗ କରିଛନ୍ତି ଯେ, ସିନ୍ଧିଆ ଦଳ ପରିବର୍ତ୍ତନ କରିବା ପରଠାରୁ ଜନସାଧାରଣଙ୍କ ପ୍ରତି ମୋଦୀ ସରକାର ବେପରୁଆ ମନୋଭାବ ଗ୍ରହଣ କରିଛନ୍ତି।
ଘନ କୁହୁଡ଼ି ଓ ଖରାପ ପାଗ ଯୋଗୁଁ ଦିଲ୍ଲୀ ବିମାନବନ୍ଦରରେ ସାମ୍ପ୍ରତିକ ବିଶୃଙ୍ଖଳିତ ପରିସ୍ଥିତିକୁ ନେଇ ଥରୁରଙ୍କ ସମାଲୋଚନାର ଜବାବ ବୁଧବାର ସିନ୍ଧିଆ ଦେଇଛନ୍ତି। ସିନ୍ଧିଆ କହିଛନ୍ତି ଯେ ଥରୁର ତାଙ୍କ କଷ୍ଟକର ଶବ୍ଦ ଦୁନିଆରେ ହଜି ଯାଇଛନ୍ତି। ଏକାଧିକ ଏକ୍ସ ପୋଷ୍ଟରେ ଥରୁର ଆଜି କହିଛନ୍ତି, ସିନ୍ଧିଆଙ୍କୁ ଜବାବ ଦେବା ପାଇଁ ତାଙ୍କୁ ‘ବିଶେଷ ଅଭିଧାନ’ର ଆବଶ୍ୟକତା ନାହିଁ। ମାନ୍ୟବର ମନ୍ତ୍ରୀ ଅସୁବିଧା ଭୋଗିଥିବା ଲୋକଙ୍କ ନିକଟରେ କ୍ଷମା ପ୍ରାର୍ଥନା କରିବା ଉଚିତ ବୋଲି ଥରୁର କହିଥିଲେ।
