ଭୁବନେଶ୍ୱର(ସତ୍ୟପାଠ ବ୍ୟୁରୋ): ମନି ଲଣ୍ଡରିଂ ମାମଲାରେ ଓଡ଼ିଶା ଲିଙ୍କ । କଟକ ବ୍ୟବସାୟୀ ପୱନ କୁମାର ଜାଜୋଡିଆଙ୍କ ବାସଭବନରେ ଇଡି ପକ୍ଷରୁ ସର୍ଚ୍ଚ କରାଯାଇଥିଲା । ଏଖବର ସାମ୍ନାକୁ ଆସିବା ପରେ ସାରା ରାଜ୍ୟରେ ଏହା ଚର୍ଚ୍ଚାର ବିଷୟ ପାଲଟିଛି । ସେପଟେ ଖୋଜାଖୋଜି ସମୟରେ ଅନେକ ଅପରାଧ ଆୟର ଦସ୍ତାବିଜ ମିଳିଥିଲା । ଏହା ସହ ୨୩ କୋଟି ଟଙ୍କା ମୂଲ୍ୟର ପ୍ଲଟ୍, ସମ୍ପତ୍ତି ଏବଂ କୋଠା ସହ ଜଡିତ ଡକ୍ୟୁମେଣ୍ଟଗୁଡିକ ଜବତ କରାଯାଇଛି ବୋଲି ଜଣେ ଇଡି ଅଧିକାରୀ କହିଛନ୍ତି। ଏହାପୂର୍ବରୁ ପୱନ କୁମାର ଜାଜୋଡିଆଙ୍କ ବିରୋଧରେ ଆଇପିସିର ଧାରା ୪୨୦ ଏବଂ ୧୨୦ଈ ଅଧୀନରେ ଓଡିଶାର ରାଜ୍ୟ ଭିଜିଲାନ୍ସ ସେଲ ଏବଂ ଋଙଡ ଦ୍ୱାରା ଏକ ଏଫଆଇଆର ପଞ୍ଜୀକୃତ ହୋଇଥିଲା। ତେବେ ଜାଜୋଡିଆ ମିଥ୍ୟା ବିଲିଂ, ବିଭିନ୍ନ ନାମରେ କମ୍ପାନୀ ଖୋଲି ଠକିବା, ଭୁଲ ଠିକଣା ବ୍ୟବହାର କାରୀ ଆଇଡି ବନାଇ ଲୁଟିବା, ଏପରି ଅନେକ ଅପରାଧିକ କାର୍ଯ୍ୟ ବିଷୟରେ ଉଲ୍ଲେଖ କରାଯାଇଛି ।
ଏପରି କରି ଯବୁକ ଜଣକ ୨୧.୮୬ କୋଟି ଟଙ୍କା ପର୍ଯ୍ୟନ୍ତ ସରକାରଙ୍କ ସମ୍ପତ୍ତିକୁ ଲୁଟିଛନ୍ତି ବୋଲି ଏହି ଏଫଆଇଆରରେ ଉଲ୍ଲେଖ କରାଯାଇଛି । ସେପଟେ ଏହି ଏଫଆଇଆର ଆଧାରରେ ଇଡି ମନି ଲଣ୍ଡରିଂ ଯାଞ୍ଚ ଆରମ୍ଭ କରିଥିଲା। ଇଡି ଏକ ଟିମ୍ ଗଠନ କରି ଏହାର ଅନୁସନ୍ଧାନ ଆରମ୍ଭ କଲା। ଅନ୍ୟପଟେ ପ୍ରଥମେ ସେମାନେ ଗିରଫ ମେମୋ ଦାଖଲ କରିଥିଲେ ଏବଂ ପରେ ଜାଜୋଡିଆର ରିମାଣ୍ଡରେ ନେବାକୁ କୋର୍ଟରେ ପହଞ୍ଚିଥିଲେ। ସେମାନଙ୍କର ବିବାଦର ଶୁଣାଣି ପରେ କୋର୍ଟ ସେମାନଙ୍କ ପଦକ୍ଷେପକୁ ଅନୁମତି ଦେବାକୁ ରାଜି ହୋଇଥିଲେ ଏବଂ ଜାଜୋଡିଆଙ୍କୁ ପଚରାଉଚରା ପାଇଁ ୬ ଦିନ ସମୟ ଦେଇଥିଲେ ବୋଲି ଇଡି ଅଧିକାରୀମାନେ କହିଛନ୍ତି ।
