ଚତୁର୍ଥ ପର୍ଯ୍ୟାୟ ନିର୍ବାଚନ ପୁର୍ବରୁ ହିଂସା । ସୋମବାର ବିଳମ୍ବିତ ରାତିରେ ସରପଞ୍ଚ ପ୍ରାର୍ଥୀଙ୍କୁ ଦୁର୍ବତ୍ତମାନେ ଆକ୍ରମଣ କରିଥିବା ନେଇ ଅଭିଯୋଗ ହୋଇଛି | କେନ୍ଦ୍ରାପଡା ଜିଲ୍ଲାର ପାଟକୁରା ଥାନା ଅନ୍ତର୍ଗତ ସାନ ଅଡଙ୍ଗାଠାରେ ନିର୍ବାଚନୀ ହିଂସା ଦେଖିବାକୁ ମିଳିଛି | ଗରଦପୁର ବ୍ଲକ ସାନ ଅଢ଼ଙ୍ଗା ସରପଂଚ ପାର୍ଥୀ ଅମୀୟ ରଂଜନ ସାହୁ |
ଗତକାଲି ବିଳମ୍ବିତ ରାତିରେ ଅର୍ଜୁନପୁର ବ୍ୟାଙ୍କ-ଗଡା ନିକଟରେ ପୀଡ଼ିତ ଅମିୟା ରଂଜନ ସାହୁଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯିବା ପରେ ଏହି ଘଟଣା ସାମ୍ନାକୁ ଆସିଥିଲା। ଚିକିତ୍ସା ପାଇଁ ସାହୁଙ୍କୁ କେନ୍ଦ୍ରାପଡା ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ କଟକସ୍ଥିତ ଏସସିବି ମେଡିକାଲ କଲେଜ ଏବଂ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା।
ସ୍ଥାନୀୟ ଅଞ୍ଚଳର ଲୋକଙ୍କ କହିବା ମୁତାବକ ତାଙ୍କୁ ନାଳରୁ ଉଦ୍ଧାର କରାଯାଇଥିଲା । ଅବସ୍ଥା ଗୁରୁତର ଥିଲା ତେଣୁ ତାଙ୍କୁ କେନ୍ଦ୍ରାପଡ଼ାରୁ କଟକକୁ ସ୍ଥାନାନ୍ତର କରିବାକୁ ପଡିଲା। ” ଅଭିଯୁକ୍ତ ଆକ୍ରମଣ ପରେ ଆଇନ ଶୃଙ୍ଖଳା ପରିସ୍ଥିତିକୁ ଅନୁଧ୍ୟାନ କରି ସାହୁଙ୍କ ଉତ୍ୟକ୍ତ ସମର୍ଥକଙ୍କୁ ଶାନ୍ତ କରିବା ପାଇଁ ଏକ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚିଥିଲେ।
ସୂଚନାଯୋଗ୍ୟ, ତାଙ୍କୁ ମାଡ଼ ମାରିବା ସହ ବ୍ୟାଙ୍କ ଗଡ଼ା ଛକ ନାଳରେ ଫୋପାଡ଼ି ଦେଇଥିଲେ । ଅମୀୟଙ୍କୁ ବେହୋସ ଅବସ୍ଥାରେ ସେଠାରେ ଫୋପାଡ଼ିବା ପରେ ତାଙ୍କ ସମ୍ପର୍କୀୟଙ୍କୁ ଫୋନ କରି ସୂଚନା ଦେଇ ସେଠାରୁ ଫେରାର ହୋଇଯାଇଥିଲେ ଦୁର୍ବୃତ । ଘଟଣା ସ୍ଥଳରୁ ତାଙ୍କ ସମ୍ପର୍କିୟ ଓ ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ଏକ ଘରୋଇ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଛନ୍ତି । ଘଟଣା ସ୍ଥଳରେ ପୋଲିସ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଛି । ରଂଜନ ସାହୁ ସାନ ଅଢ଼ଙ୍ଗା ପଂଚାୟତରୁ ସରପଂଚ ପ୍ରାର୍ଥୀଭାବେ ୫ଜଣ ପ୍ରାର୍ଥୀଙ୍କ ସହ ପ୍ରତିଦ୍ୱନ୍ଦ୍ୱିତା କରୁଥିଲେ ।