ନୂଆଦିଲ୍ଲୀ(ସତ୍ୟପାଠବ୍ୟୁରୋ): ବିକଶିତ ହେବା ପାଇଁ ଭାରତକୁ ନିଶାମୁକ୍ତ ରହିବାକୁ ପଡିବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମନ କୀ ବାତ କାର୍ଯ୍ୟକ୍ରମର ୧୩୭ ସଂସ୍କରଣରେ ଦେଶର ଯୁବବର୍ଗଙ୍କୁ ଆହ୍ବାନ ଦେଇଛନ୍ତି। ଦେଶର ଭବିଷ୍ୟତକୁ ରକ୍ଷା କରିବା ସରକାରଙ୍କ ସଂକଳ୍ପ। ନିଶାମୁକ୍ତି କାର୍ଯ୍ୟକ୍ରମରେ ବିଶେଷକରି ଯୁବପିଢ଼ି ଅଧିକ ଅଂଶଗ୍ରହଣ କରୁଛନ୍ତି। ସରକାରଙ୍କ ଲକ୍ଷ୍ୟ ସ୍ପଷ୍ଟ, ନିଶାମୁକ୍ତ ଯୁବପିଢ଼ି ଏବଂ ଭାରତ। ଯୁବପିଢ଼ିଙ୍କୁ ନିଶାଦ୍ରବ୍ୟ ଠାରୁ ଦୂରରେ ରହିବା ପାଇଁ ବିଭିନ୍ନ ଭାଷାରେ ବିଷୟବସ୍ତୁ ସୃଷ୍ଟି କରିବାକୁ ପ୍ରଧାନମନ୍ତ୍ରୀ ଅନୁରୋଧ କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି, ଚଳିତ ମାସଟି ଜାତୀୟ ହସ୍ତତନ୍ତ ଦିବସ , ଭାରତ ଛାଡ଼ ଆନ୍ଦୋଳନର ବାର୍ଷିକୀ ଏବଂ ବିଭାଜନର ସ୍ମୃତିଚାରଣ ଦିବସ ଯୋଗୁଁ ସ୍ୱତନ୍ତ୍ର। ସ୍ୱାଧୀନତା ଦିବସ ଏବଂ ଜାତୀୟ ମହାକାଶ ଦିବସ ଭଳି ଅବସର ପ୍ରତ୍ୟେକ ନାଗରିକଙ୍କୁ ଗର୍ବରେ ଭରିଦିଏ, ହର ଘର ତିରଙ୍ଗା ଅଭିଯାନ ଦ୍ୱାରା ଏହି ଭାବନା ଆହୁରି ମଜବୁତ ହୋଇଛି। ବନ୍ଦେ ମାତରମର ୧୫୦ତମ ବାର୍ଷିକୀ ଏହି ବର୍ଷକୁ ଆହୁରି ସ୍ୱତନ୍ତ୍ର କରିଛି। ସୂର୍ଯ୍ୟପଥ ତିରଙ୍ଗା ମାଧ୍ୟମରେ ୮ କୋଟିରୁ ଅଧିକ ତ୍ରିରଙ୍ଗା ସେଲଫି ଅପଲୋଡ୍ କରାଯାଇଛି।
ମନ୍ କି ବାତ୍ରେ ପ୍ରଧାନମନ୍ତ୍ରୀ bharatrajya.comର ପ୍ରତିଷ୍ଠାତା କୃଷ୍ଣ ଶେଷାଦ୍ରିଙ୍କ ସହ କଥା ହୋଇଛନ୍ତି। ତାଙ୍କ ୱେବସାଇଟ୍ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଛନ୍ତି ଯେ ୱେବସାଇଟ୍ ପରିଦର୍ଶନ କରି ଏବଂ ଯେକୌଣସି ବର୍ଷ ଚୟନ କରି, ଜଣେ ଜାଣିପାରିବେ ଯେ ସେତେବେଳେ ଭାରତର କେଉଁ ଅଂଶରେ କିଏ ଶାସନ କରୁଥିଲେ। ମୁମ୍ବାଇର କୃଷ୍ଣ ଶେଷାଦ୍ରିଙ୍କ ଦ୍ୱାରା ବିକଶିତ ହୋଇଥିବା ଏହି ପଦକ୍ଷେପ ଇତିହାସ ଛାତ୍ରମାନଙ୍କ ପାଇଁ ବହୁ ଲାଭଦାୟକ ପ୍ରମାଣିତ ହେବ। ପ୍ରଧାନମନ୍ତ୍ରୀ ସ୍ୱନିଧି ଯୋଜନାର ପ୍ରାୟ ୪୬% ହିତାଧିକାରୀ ମହିଳା, ଅର୍ଥାତ୍ ସାରା ଦେଶରେ ପ୍ରାୟ ୩୫ ଲକ୍ଷ ମହିଳା ଏହି ପଦକ୍ଷେପ ମାଧ୍ୟମରେ ସେମାନଙ୍କର ବ୍ୟବସାୟ ବୃଦ୍ଧି କରୁଛନ୍ତି। ଗାଜିଆବାଦର ବବିତା ଶର୍ମା ଏହାର ଏକ ପ୍ରମୁଖ ଉଦାହରଣ। ସେ ପୂଜାରେ ବ୍ୟବହୃତ ସାମଗ୍ରୀ ବିକ୍ରୟ ପାଇଁ ଏକ ଛୋଟ ଷ୍ଟଲ ଚଲାଉଥିଲେ। ପ୍ରଧାନମନ୍ତ୍ରୀ ସ୍ୱନିଧି ଯୋଜନା ମାଧ୍ୟମରେ ତାଙ୍କୁ ଆର୍ଥିକ ସହାୟତା ମିଳିଥିଲା। ବେଙ୍ଗାଲୁରୁର ଟି.ଏସ୍. ନିଙ୍ଗାମ୍ମାଙ୍କ ଉଦାହରଣ ମଧ୍ୟ ବହୁ ପ୍ରେରଣାଦାୟକ।
ପ୍ରଧାନମନ୍ତ୍ରୀ କହିଛନ୍ତି, ଯେତେବେଳେ ଜଣେ ମହିଳାଙ୍କ ବ୍ୟବସାୟ ବୃଦ୍ଧି ପାଏ, ତାଙ୍କ ସହିତ ତାଙ୍କ ସମଗ୍ର ପରିବାରର ଭବିଷ୍ୟତ ମଧ୍ୟ ଉଜ୍ଜ୍ବଳ ହୋଇଥାଏ। ପିଲାମାନଙ୍କର ଶିକ୍ଷା ଉନ୍ନତ ହୁଏ, ପରିବାରର ଆବଶ୍ୟକତା ପୂରଣ ହୁଏ ଏବଂ ତାଙ୍କର ଆତ୍ମବିଶ୍ୱାସ ବୃଦ୍ଧି ପାଇଥାଏ। ମହିଳା ସଶକ୍ତିକରଣର ଏହା ଏକ ଜୀବନ୍ତ ଉଦାହରଣ। ମୁଁ ରାସ୍ତା ବିକ୍ରେତା ଭାବରେ କାମ କରୁଥିବା ଆମର ସମସ୍ତ ଭଉଣୀମାନଙ୍କୁ ସେମାନଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ମୋର ଶୁଭକାମନା ଜଣାଉଛି।
ଚଳିତ ବର୍ଷର ଶ୍ରୀ ଅମରନାଥ ଯାତ୍ରା ସମୟରେ, ହଜାର ହଜାର ସଫେଇ କର୍ମଚାରୀ ଦିନରାତି କଠିନ ପଥ ଦେଇ ତୀର୍ଥଯାତ୍ରୀମାନଙ୍କୁ ସେବା ଯୋଗାଇଥିଲେ। ପ୍ରଧାନମନ୍ତ୍ରୀ ତାଙ୍କ ବାର୍ତ୍ତାରେ ‘ଭୋକାଲ୍ ଫର୍ ଲୋକାଲ୍’ ଉପରେ ମଧ୍ୟ ଗୁରୁତ୍ୱାରୋପ କରିଛନ୍ତି। ଆଗାମୀ ପର୍ବପର୍ବାଣୀ ସମୟରେ ଭାରତରେ ନିର୍ମିତ ଉତ୍ପାଦ କିଣିବାକୁ ଏବଂ ଦେଶକୁ ଆତ୍ମନିର୍ଭର କରିବା ପାଇଁ ପ୍ରତିବଦ୍ଧ ରହିବାକୁ ଲୋକଙ୍କୁ ଅନୁରୋଧ କରିଛନ୍ତି।
