ଭୁବନେଶ୍ୱର(ସତ୍ୟପାଠ ବ୍ୟୁରୋ): ମନି ଲଣ୍ଡରିଂ ମାମଲାରେ ପଞ୍ଜାବର କ୍ୟାବିନେଟ ମନ୍ତ୍ରୀଙ୍କ ଘରେ EDର ଚଢାଉ । ତେବେମନି ଲଣ୍ଡରିଂ ତଦନ୍ତର ଅଂଶ ସ୍ୱରୂପ ଇଡି ପଞ୍ଜାବ ଏବଂ ଦିଲ୍ଲୀ-ଏନସିଆର ଅଞ୍ଚଳରେ ଆପ ମନ୍ତ୍ରୀ ସଞ୍ଜୀବ ଆରୋରାଙ୍କ ସମେତ ଅନେକ ବ୍ୟକ୍ତିଙ୍କ ଘର ଉପରେ ଚଢାଉ କରିଛି। ଇଡିର ଏକ ଦଳ ବର୍ତ୍ତମାନ ଚଣ୍ଡିଗଡ଼ର ସେକ୍ଟର ୨ ସ୍ଥିତ ସଞ୍ଜୀବ ଆରୋରାଙ୍କ ସରକାରୀ ବାସଭବନରେ ଯାଞ୍ଜ ଚାଲିଛି। ଏହି କାର୍ଯ୍ୟ କରିବା ପାଇଁ ଇଡିର ଏକ ବଡ଼ ଦଳ ସେହି ସ୍ଥାନରେ ପହଞ୍ଚିଛି। ସେପଟେ ଇଡି ଅଧିକାରୀମାନେ କହିଛନ୍ତି ଯେ ଚଣ୍ଡିଗଡ଼ରେ ଆରୋରାଙ୍କ ସରକାରୀ ବାସଭବନ ଏବଂ ହରିୟାଣାର ଗୁରୁଗ୍ରାମରେ ଏକ ରିଅଲ ଇଷ୍ଟେଟ୍ କମ୍ପାନୀ ସମେତ ପାଞ୍ଚଟି ସ୍ଥାନରେ ଚଢାଉ କରାଯାଇଥିଲା।
ଏହି କାର୍ଯ୍ୟ ମନି ଲଣ୍ଡରିଂ ନିବାରଣ ଆଇନ (PMLA)ର ଅପରାଧିକ ଧାରା ଅନୁଯାୟୀ ଆରମ୍ଭ କରାଯାଇଥିଲା।ଏପ୍ରିଲରେ, ଇଡି ପୂର୍ବରୁ ଫରେନ୍ ଏକ୍ସଚେଞ୍ଜ ମ୍ୟାନେଜମେଣ୍ଟ ଆଇନ (FEMA)ର ସିଭିଲ୍ ବ୍ୟବସ୍ଥା ଅନୁଯାୟୀ ଆରୋରାଙ୍କ ଘର ଏବଂ ତାଙ୍କ ସହ ଜଡିତ ସଂସ୍ଥାଗୁଡ଼ିକରେ ଚଢାଉ କରିଥିଲା। ସେହି ସମୟରେ, ଆରୋରା କହିଥିଲେ ଯେ ସେ ତଦନ୍ତକାରୀ ସଂସ୍ଥାଗୁଡ଼ିକୁ ତାଙ୍କର ପୂର୍ଣ୍ଣ ସହଯୋଗ କରିବେ ଏବଂ ସତ୍ୟର ଜୟ ହେବ ବୋଲି ତାଙ୍କର ବିଶ୍ୱାସ ପ୍ରକାଶ କରିଥିଲେ।
