ଭୁବନେଶ୍ୱର(ସତ୍ୟପାଠ ବ୍ୟୁରୋ): ସମାଜବାଦୀ ପାର୍ଟି ନେତା ଆଜମ ଖାନଙ୍କୁ ଆଜି ସୁପ୍ରିମକୋର୍ଟରୁ ମଧ୍ୟବର୍ତ୍ତୀକାଳୀନ ଜାମିନ ମିଳିଛି। ଉତ୍ତରପ୍ରଦେଶର ରାମପୁରର କୋଟୱାଲି ପୋଲିସ ଷ୍ଟେସନ ସହ ଜଡିତ ଏକ ମାମଲାରେ ତାଙ୍କୁ ଏହି ଜାମିନ ମିଳିଛି। ଏହି ରାୟ ଶୁଣାଇବାବେଳେ ଶୀର୍ଷ ଅଦାଲତ କହିଛନ୍ତି ଯେ ବିଚାରାଧୀନ ମାମଲାରେ ନିମ୍ନ ଅଦାଲତରୁ ନିୟମିତ ଜାମିନ ନିଅନ୍ତୁ। ନିୟମିତ ଜାମିନ ପ୍ରଦାନ ନହେବା ପର୍ୟ୍ୟନ୍ତ ମଧ୍ୟବର୍ତ୍ତୀକାଳୀନ ଜାମିନ ଜାରି ରହିବ। ସେପଟେ ଏହି ମାମଲାର ଶୁଣାଣି ଶେଷ କରିସାରିଛନ୍ତି ଏବଂ ଜାମିନ ଆବେଦନ ଉପରେ ନିଷ୍ପତ୍ତି ସଂରକ୍ଷିତ ରଖିଛନ୍ତି।
ଏହି ମାମଲାରେ ଜଷ୍ଟିସ୍ ଏଲ୍ ନାଗେଶ୍ୱରା ରାଓ, ଜଷ୍ଟିସ୍ ବିଆର ଗାଭାଇ, ଜଷ୍ଟିସ୍ ଏସ୍ ଗୋପନ୍ନାଙ୍କ ଏକ ବେଞ୍ଚ ଏହି ରାୟ ଦେଇଛନ୍ତି। ଉଲ୍ଲେଖନୀୟ ବିଷୟ ହେଉଛି, ଆଜାମ ଖାନଙ୍କୁ ଗତ ୨୬ ମାସ ଧରି ୮୦ ରୁ ଅଧିକ ମାମଲାରେ ସୀତାପୁର ଜେଲରେ ରଖାଯାଇଛି। ଗୋଟିଏ ପରେ ଗୋଟିଏ ମାମଲା ଦାୟର କରିବାରେ ଅସୁବିଧାରେ ପଡ଼ୁଥିବା ଆଜମଙ୍କ ପାଇଁ ଏହା ଏକ ଆରାମଦାୟକ ଖବର। ଆଜାମ ଖାନଙ୍କୁ ବର୍ତ୍ତମାନ ପର୍ୟ୍ୟନ୍ତ ୮୮ ଟି ମାମଲାରେ ଜାମିନ ମିଳିଛି । କିନ୍ତୁ ୮୯ ତମ ମାମଲାରେ ଜାମିନ ନାମଞ୍ଜୁର ହେବା ପୂର୍ବରୁ ସୁପ୍ରିମକୋର୍ଟ ଧାରା ୧୪୨ ବ୍ୟବହାର କରି ଜାମିନ ପ୍ରଦାନ କରିଛନ୍ତି। ଏଖବର ସାମ୍ନାକୁ ଆସିବା ପରେ ସାରା ଦେଶରେ ଏନେଇ ଚର୍ଚ୍ଚା ଜୋର ଧରିବାରେ ଲାଗିଛି ।
