ସତ୍ୟପାଠ ବ୍ୟୁରୋ : ଲକ୍ ଡାଉନ୍ ସତ୍ତ୍ଵେ ଓଡ଼ିଶାରେ ମଧ୍ୟ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ସଂକ୍ରମଣ ବଢୁଥିବାରୁ ଯୋଗୁଁ ଚିନ୍ତା ବଢୁଛି । ଓଡ଼ିଶାରେ ଆଜି ସକାଳୁ ପୁଣି ୪୮ଟି ନୂଆ କରୋନା ପଜିଟିଭ ଚିହ୍ନଟ । ରାଜ୍ୟରେ ୬୭୨ ଛୁଇଁଲା କରୋନାରେ ଆକ୍ରାନ୍ତଙ୍କ ସଂଖ୍ୟା । ଏନେଇ ରାଜ୍ୟ ସରକାରଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଏଠାରେ ସୂଚନାଯୋଗ୍ୟ ଆଜି ଚିହ୍ନଟ ହୋଇଥିବା ସମସ୍ତ ୪୮ ନୂଆ କରୋନା ଆକ୍ରାନ୍ତଙ୍କ ମଧ୍ୟରେ ଗଞ୍ଜାମରେ ସର୍ବାଧିକ ୧୨ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।ତେବେ ସ ୧୨ ସଂକ୍ରମିତଙ୍କ ସୁରତ ଲିଙ୍କ୍ ଥିବା ଜଣାପଡିଛି । ଗଂଜାମ ଜିଲ୍ଲାରେ ଚିହ୍ନଟ ହୋଇଥିବା ସମସ୍ତ ଆକ୍ରାନ୍ତ ସୁରତ ଫେରନ୍ତା । ୧୨ ଆକ୍ରାନ୍ତ ସଂଗରୋଧରେ ଥିଲେ ।
ବାଲେଶ୍ୱରରୁ ଚିହ୍ନଟ ହୋଇଥିବା ୧୨ ନୂଆ କରୋନା ଆକ୍ରାନ୍ତଙ୍କ ଭିତରୁ ୭ ଜଣ ପଶ୍ଚିମବଙ୍ଗ ଫେରନ୍ତା ହୋଇଥିବା ବେଳେ ୨ ଆକ୍ରାନ୍ତ ସୁରତ ଫେରନ୍ତା। ଏବଂ ଜଣେ ଆକ୍ରାନ୍ତ ମହାରାଷ୍ଟ୍ର ଫେରନ୍ତା ବୋଲି ସ୍ପଷ୍ଟ କରିଛି ରାଜ୍ୟ ସୂଚନା ଓ ଲୋକସଂପର୍କ ବିଭାଗ । ତେବେ ସମସ୍ତ କରୋନା ଆକ୍ରାନ୍ତ କ୍ୱାରେଂଟିନରେ ଥିବା ବେଳେ ମହାରାଷ୍ଟ୍ର ଫେରନ୍ତା ହୋମ୍ କ୍ୱାରେଂଟିନରେ ରହିଥିବା ସୂଚନା ମିଳିଛି । ସେହିଭଳି ପୁରୀରୁ ଚିହ୍ନଟ ହୋଇଥିବା ସମସ୍ତ ୧୦ କରୋନା ଆକ୍ରାନ୍ତ ସୁରତ ଫେରନ୍ତା ଏବଂ ସମସ୍ତଙ୍କୁ ସଂଗରୋଧରେ ରଖାଯାଇଥିଲା । ନୟାଗଡର ୩ ନୂଆ ଆକ୍ରାନ୍ତ ଏବଂ ଯାଜପୁରରୁ ଚିହ୍ନଟ ହୋଇଥିବା ୨ ନୂଆ ଆକ୍ରାନ୍ତ ମଧ୍ୟ ସୁରତ ଫେରନ୍ତା ବୋଲି ଜଣାପଡିଥିବା ବେଳେ ସମସ୍ତ ଆକ୍ରାନ୍ତ ସଂଗରୋଧରେ ରହିଥିଲେ ବୋଲି ଜଣାପଡିଛି।
କଟକ, ସୁନ୍ଦରଗଡ, ଦେବଗଡରୁ ଚିହ୍ନଟ ହୋଇଥିବା ନୂଆ ଆକ୍ରାନ୍ତ ଅହମଦାବାଦ ଫେରନ୍ତା ଏବଂ ସେମାନଙ୍କୁ କ୍ୱାରେଂଟିନରେ ରଖାଯାଇଥିଲା । ତେବେ ଭଦ୍ରକରୁ ଚିହ୍ନଟ ସମସ୍ତ ୬ ନୂଆ ଆକ୍ରାନ୍ତଙ୍କ ହେଉଛନ୍ତି ପଶ୍ଚିମବଙ୍ଗ ଫେରନ୍ତା ଏବଂ ସେମାନେ ସମସ୍ତେ ସଂଗରୋଧରେ ଥିଲେ ବୋଲି ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି ।
