ଭୁବନେଶ୍ୱର(ସତ୍ୟପାଠ ବ୍ୟୁରୋ): କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏଚ.ଡି କୁମାରସ୍ୱାମୀ ଓ ବିରୋଧୀ ଦଳର ନେତା ସିଦ୍ଧରମୈୟାଙ୍କ ସମେତ ୬୩ ଜଣଙ୍କୁ ମିଳିଲା ହତ୍ୟା ଧମକ । ତାଙ୍କୁ ମିଳିଥିବା ଚିଠି ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଦୁଇ ପୃଷ୍ଠାର ଏହି ଚିଠିରେ ପୂର୍ବତନ ମୁଖ୍ୟମନ୍ତ୍ରୀ ଏଚ.ଡି କୁମାରସ୍ୱାମୀ, ସିଦ୍ଧରମୈୟା ଓ ଲୋକପ୍ରିୟ ପ୍ରଗତିଶୀଳ ସାହିତ୍ୟକାର କେ.ବୀରଭଦ୍ରାପ୍ପରଙ୍କ ସମେତ ୬୩ ଜଣ ଲୋକଙ୍କୁ ହତ୍ୟା କରିବାର ଏକ ଧମକପୂର୍ଣ୍ଣ ଚିଠି ମିଳିଛି । ତେବେ ଉକ୍ତ ଚିଠିରେ ଉଲ୍ଲେଖ କରାଯାଇଛି ଯେ ମୃତ୍ୟୁ ଆପଣଙ୍କ ଚାରିପାଖରେ ଲୁଚି ରହିଛି । ମରିବାକୁ ପ୍ରସ୍ତୁତ ରୁହନ୍ତୁ । ମୃତ୍ୟୁ ଆପଣଙ୍କୁ ଯେକୌଣସି ରୂପରେ ଆସିପାରେ । ଆପଣଙ୍କ ପରିବାର ସଦସ୍ୟଙ୍କୁ ଜଣାନ୍ତୁ ଏବଂ ନିଜର ଅନ୍ତିମ ସଂସ୍କାର ବ୍ୟବସ୍ଥା କରନ୍ତୁ ବୋଲି ଏହି ଚିଠିରେ ଲେଖାଯାଇଛି । ଏହି ଚିଠିରେ ବାର୍ତ୍ତା ପଠାଇଥିବା ଦୁର୍ବୃତ୍ତ ନିଜକୁ ହିନ୍ଦୁ ବୋଲି କହିଛନ୍ତି । ସେପଟେ ଏଭଳି ଧମକକୁ ହାଲୁକା ଭାବରେ ଗ୍ରହଣ ନକରିବାକୁ ପୂର୍ବତନ ମୁଖ୍ୟମନ୍ତ୍ରୀ ଏଚଡଇ କୁମାରସ୍ୱାମୀ ସରକାରଙ୍କୁ କହିଛନ୍ତି ।
ଏବଂ ସେମାନଙ୍କୁ ସୁରକ୍ଷା ପ୍ରଦାନ କରିବାକୁ ନିବେଦନ କରିଛନ୍ତି । ଅନ୍ୟପଟେ ପୁଲିସ ମାମଲାକୁ ଗମ୍ଭୀରତାର ସହ ନେଇ ପୁଲିସ ମାମଲା ରୁଜୁ କରି ସୁରକ୍ଷା ବ୍ୟବସ୍ଥାକୁ କଡାକଡି କରିଛି । ଚିଠିରେ ମୃତ୍ୟୁ ଧମକର ସମ୍ମୁଖୀନ ହେବା ପରେ ଲେଖକ କେ.ବୀରଭଦ୍ରାପ୍ପରଙ୍କ ଗଣମାଧ୍ୟମକୁ ସୂଚନା ଦେଇଛନ୍ତି ଯେ, “ମୁଁ ଶିବମୋଗାଙ୍କ ଭଦ୍ରାବତୀଙ୍କ ନାମରୁ କୌଣସି ନାମ କିମ୍ବା ଠିକଣା ନଥିବା ଏକ ଚିଠି ପାଇଛି। ଏଥିରେ ଦୁଇଜଣ ପୂର୍ବତନ ମୁଖ୍ୟମନ୍ତ୍ରୀଙ୍କ ନାମ ମଧ୍ୟ ଉଲ୍ଲେଖ କରାଯାଇଛି ଏବଂ ଏହାକୁ ପଢ଼ିବାକୁ ସାମ୍ବାଦିକମାନଙ୍କୁ କହିଥିଲେ। ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏନେଇ ଚର୍ଚ୍ଚା ଜୋର ଧରିଛି ।
