ଭୁବନେଶ୍ୱର(ସତ୍ୟପାଠ ବ୍ୟୁରୋ): ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ବିସି ଖଣ୍ଡୁରୀଙ୍କ ପରଲୋକ । ତେବେ ଅବସରପ୍ରାପ୍ତ ମେଜର ଜେନେରାଲ ଭୁବନ ଚନ୍ଦ୍ର ଖଣ୍ଡୁରୀଙ୍କ ମଙ୍ଗଳବାର ଦିନ ଡେରାଡୁନର ମ୍ୟାକ୍ସ ହସ୍ପିଟାଲରେ ଦେହାନ୍ତ ଘଟିଛି। ସେ ଦୀର୍ଘ ଦିନ ଧରି ଅସୁସ୍ଥ ଥିଲେ। ଚିକିତ୍ସା ପାଇଁ ତାଙ୍କୁ ଡେରାଡୁନର ମ୍ୟାକ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା।ସେ ଦୁଇଥର ରାଜ୍ୟର ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ଭୁବନ ଚନ୍ଦ୍ର ଖଣ୍ଡୁରୀ ସେନାରୁ ରାଜନୀତିରେ ପ୍ରବେଶ କରିଥିଲେ ଏବଂ ୨୦୦୭ ରୁ ୨୦୦୯ ଏବଂ ୨୦୧୧ ରୁ ୨୦୧୨ ପର୍ଯ୍ୟନ୍ତ ଦୁଇଥର ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରିଥିଲେ।
ତାଙ୍କ କାର୍ଯ୍ୟକାଳ ମଧ୍ୟରେ, ସେ ଦୁର୍ନୀତି ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ ଏବଂ ରାଜ୍ୟରେ ଏକ ସ୍ୱଚ୍ଛ ତଥା ଶୃଙ୍ଖଳିତ ପ୍ରଶାସନର ମୂଳଦୁଆ ସ୍ଥାପନ କରିଥିଲେ। ସେ ଗଡ଼ୱାଲ ସଂସଦୀୟ କ୍ଷେତ୍ରରୁ ୧୬ତମ ଲୋକସଭାର ସଦସ୍ୟ ମଧ୍ୟ ଥିଲେ। ସେ ସେନାରୁ ଅବସର ନେବା ପରେ ରାଜନୀତିରେ ପ୍ରବେଶ କରିଥିଲେ। ତାଙ୍କ ଝିଅ ଋତୁ ଭୂଷଣ ଖଣ୍ଡୁରୀ ବର୍ତ୍ତମାନ ଉତ୍ତରାଖଣ୍ଡ ବିଧାନସଭାର ବାଚସ୍ପତି ଅଛନ୍ତି।
