ବରଗଡ଼: ବରଗଡ଼ ଟାଉନ ଥାନା ଅନ୍ତର୍ଗତ ରୁହୁନିଆ ଗାଁରେ ଅଭାବନୀୟ ଘଟଣା । ପାରିବାରିକ କଲହକୁ କେନ୍ଦ୍ର କରି ଜଘନ୍ୟ ହତ୍ୟାକାଣ୍ଡ ଘଟିଛି। ରୁହୁନିଆ ଗାଁର ଦେବ ସିନ୍ଧିରିଆ, ପୁଅ ରତନ ସିନ୍ଧିରିଆ ଓ ବହୁ ସୁକାନ୍ତି ସିନ୍ଧିରିଆଙ୍କୁ ପାରିବାରିକ କଳହକୁ କେନ୍ଦ୍ର କରି ସମ୍ପର୍କୀୟ ଭାଇ ଅମିଲ ସିନ୍ଧିରିଆ ଓ କମିଲ ସିନ୍ଧିରିଆଙ୍କୁ କଟୁରିରେ ଆକ୍ରମଣ କରିଥିଲେ, ଫଳରେ ୫୫ ବର୍ଷୀୟ ଦେବ ସିନ୍ଧିରିଆଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛି ।
ପୁଅ ରତନ ସିନ୍ଧିରିଆ ଏବଂ ବହୁ ସୁକାନ୍ତି ସିନ୍ଧିରିଆଙ୍କୁ ପ୍ରଥମେ ବରଗଡ଼ ଓ ପରେ ଅବସ୍ଥା ଗୁରୁତର ହେବାରୁ ବୁର୍ଲା ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଘଟଣା ସ୍ଥଳରେ ବରଗଡ଼ ଟାଉନ ପୋଲିସ ପହଁଚି ଆରମ୍ଭ କରିଛି ତଦନ୍ତ ।
ଅନ୍ୟପଟେ, ଏନେଇ ପୋଲିସ ଖବର ପାଇବା ପରେ ଘଟଣା ସ୍ଥଳରେ ପହଁଚି ହତ୍ୟାକାରୀ ଭାଇ ଅମିଲ ସିନ୍ଧିରିଆ କୁ ଗିରଫ କରିଥିବା ବେଳେ, କମିଲ ସିନ୍ଧିରିଆ ଫେରାର ହୋଇଯାଇଛି । ପୋଲିସ ଖୋଜାଖୋଜି କରିବା ସହ ତଦନ୍ତ ଆରମ୍ଭ କରିଛି ।
