ଭୁବନେଶ୍ଵର,୨୭/୧୨(ସତ୍ୟପାଠ ବ୍ୟୁରୋ): ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ୍ ପାଇଁ ଆନ୍ଦୋଳନ ସମୟରେ ହିଂସା ଘଟଣାରେ ଗିରଫ ହୋଇ ଏବେ ଅନେକ ଆଇନଜୀବୀ ଜେଲରେ ଅଛନ୍ତି। ତେବେ ଆନ୍ଦୋଳନ ପରେ ଏବେ ସ୍ଥିତି ପାରକ୍ଷିବା ପାଇଁ ଆଜି ସମ୍ବଲପୁରରେ ପହଞ୍ଚିଛନ୍ତି ବିଜେପିର ୮ ଜଣିଆ ପ୍ରତିନିଧି ଦଳ। ଗତ ୧୨ ତାରିଖରେ ହାଇକୋର୍ଟ ବେଞ୍ଚ ଆନ୍ଦୋଳନ ସମୟରେ ଘଟିଥିବା ଅଭାବନୀୟ ପରିସ୍ଥିତିର ଅନୁଧ୍ୟାନ ପାଇଁ ସମ୍ବଲପୁରରେ ବିଜେପିର ପ୍ରତିନିଧି ଟିମ୍ ପହଞ୍ଚିଛନ୍ତି। ସମ୍ବଲପୁରରେ ପହଞ୍ଚିବା ପରେ ଏହି ପ୍ରତିନିଧି ଦଳ ମଣ୍ଡଳ କାରାଗାରକୁ ଯାଇ ଗିରଫ ହୋଇଥିବା ଆଇନଜୀବୀଙ୍କୁ ଭେଟିଛନ୍ତି।
ଏହାପରେ ଓକିଲ ସଙ୍ଘର ଅନ୍ୟ କର୍ମକର୍ତ୍ତା, ବିଭିନ୍ନ ସଙ୍ଗଠନ ଓ ପୁଲିସ ଆଇଜିଙ୍କୁ ଭେଟି ବିଜେପି ଟିମ୍ ଆଲୋଚନା କରିବ ବୋଲି ସୂଚନା ପ୍ରଦାନ କରାଯାଇଛି। ତେବେ ବିଜେପିର ଏହି ଟିମ୍ରେ ବରଗଡ଼ ସାଂସଦ ସୁରେଶ ପୂଜାରୀ, କଳାହାଣ୍ଡି ସାଂସଦ ବସନ୍ତ ପଣ୍ଡା, ସମ୍ବଲପୁର ସାଂସଦ ନୀତେଶ ଗଙ୍ଗଦେବ, ବିଧାୟକ ନାଉରି ନାୟକ, ଭବାନୀ ଶଙ୍କର ଭୋଇ, କୁସୁମ ଟେଟେ, ମୁକେଶ ମହାଲିଙ୍ଗ ଓ ସୁବାସ ପାଣିଗ୍ରାହୀ ପ୍ରମୁଖ ରହିଛନ୍ତିl
