ନୂଆଦିଲ୍ଲୀ: ଦେଶରୁ ଏବେ ଧିରେ ଧିରେ କରୋନା ସଂକ୍ରମଣ ହାର କମିବାରେ ଲାଗିଛି । ସଂକ୍ରମଣ ହାର କମୁଥିବା ବେଳେ, ଯାହାକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ କଟକଣା ମଧ୍ୟ ହତିଛି । ଧିରେ ଧିରେ ସ୍ବଭାବିକ ହେବାରେ ଲାଗିଛି ପରିସ୍ଥିତି ।
ତେବେ ଏହାରି ମଧ୍ୟରେ ସ୍ଥିତିରେ ସୁଧରକୁ ଦେଖି ଆଉ ଏକ କଟକଣା ହଟିଛି । ବିମାନ ଯାତ୍ରା ସମୟରେ ମାସ୍କ ଆଉ ବାଧ୍ୟତାମୂଳକ ନୁହେଁ, କିନ୍ତୁ ଯାତ୍ରୀମାନେ ଏହାକୁ ପ୍ରାଥମିକତା ଭାବରେ ବ୍ୟବହାର କରିବା ଉଚିତ୍ ବୋଲି ବୁଧବାର ସରକାର ଏ ସମ୍ପର୍କରେ ନିର୍ଦ୍ଦେଶନାମା ଜାରି କରିଛନ୍ତି।
କରୋନା ସଙ୍କଟ ବେଳେ ବିମାନ ଯାତ୍ରା ସମୟରେ ମାସ୍କଗୁଡିକ ବାଧ୍ୟତାମୂଳକ କରାଯାଇଥିଲା। ବର୍ତ୍ତମାନ ବିମାନ ଯାତ୍ରୀଙ୍କ ପାଇଁ ସରକାର ଏହାର ଆବଶ୍ୟକତା ଉପରେ ରୋକ ଲଗାଇଛନ୍ତି। ତେବେ ସରକାରଙ୍କ ତରଫରୁ ଏହି ନିଷ୍ପତ୍ତି ସମ୍ପର୍କରେ ସୂଚନା ଦେଇ କୁହାଯାଇଛି ଯେ, ବିମାନ ଯାତ୍ରୀମାନେ ସତର୍କତାମୂଳକ ପଦକ୍ଷେପ ଭାବରେ ମାସ୍କ ବ୍ୟବହାର କରିବା ଉଚିତ୍।
