ଭୁବନେଶ୍ୱର (ସତ୍ୟପାଠ ବ୍ୟୁରୋ): ଇରାନ – ଆମେରିକା ମଧ୍ୟରେ ଅସ୍ତ୍ରବିରତି ହେବା ପରେ ସାରା ବିଶ୍ୱରେ ଏହାକୁ ନେଇ ଚର୍ଚ୍ଚା । ଏହା ମଧ୍ୟରେ ଜମ୍ମୁ କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଏବଂ ପିଡିପି ମୁଖ୍ୟ ମେହବୁବା ମୁଫତିଙ୍କ ବଡ ବୟାନ ସାମ୍ନାକୁ ଆସିଛି । ତେବେ ମେହବୁବା ମୁଫତି କହିଛନ୍ତି, ଆଜି ଆମ ପାଇଁ ଏକ ବହୁତ ଖୁସିର ଦିନ। ଯୁଦ୍ଧ ଯୋଗୁ ଇରାନରେ ହଜାର ହଜାର ଲୋକ ପ୍ରାଣ ହରାଇଥିଲେ ଏବଂ ଆମେ ଏକ ବିଶ୍ୱଯୁଦ୍ଧ ଆଡକୁ ଯାଉଥିବା ଆଶଙ୍କା ଥିଲା।
ଇରାନକୁ ଇସ୍ରାଏଲ ବିରୋଧରେ ଠିଆ ହେବାର ସାହସ ଦେବା ପାଇଁ ମୁଁ ଆଲ୍ଲାଙ୍କୁ ଧନ୍ୟବାଦ ଜଣାଉଛି। ଏହି ଯୁଦ୍ଧରେ ମଧ୍ୟସ୍ଥତା କରିବାରେ ପାକିସ୍ତାନର ଭୂମିକାକୁ ଆମେ ଅଣଦେଖା କରିପାରିବୁ ନାହିଁ, କାରଣ ଏହା ସମଗ୍ର ବିଶ୍ୱକୁ ରକ୍ଷା କରିଥିଲା। ମୁଁ କେବଳ ସାମରିକ ଘାଟିକୁ ଟାର୍ଗେଟ କରିବା ପାଇଁ ଇରାନକୁ ପ୍ରଶଂସା କରୁଛି। ଆମେରିକା ଏବଂ ଇସ୍ରାଏଲ ସ୍କୁଲ, ହସ୍ପିଟାଲ ଏବଂ ଅନ୍ୟ ସବୁକିଛିକୁ ଟାର୍ଗେଟ କରିଥିଲା। ଏହି ଅସ୍ଥାୟୀ ଯୁଦ୍ଧବିରତି ସ୍ଥାୟୀ ହେବ ଏବଂ ଇରାନରେ ମଧ୍ୟ ଶାନ୍ତି ପ୍ରତିଷ୍ଠା ହେବ ବୋଲି ଆଶା କରୁଛି ବୋଲି କହିଥିବାର ଦେଖିବାକୁ ମିଳିଛି।
