ନୂଆଦିଲ୍ଲୀ(ସତ୍ୟପାଠ ବ୍ୟୁରୋ): ଇଣ୍ଡିଆ ଗେଟର ଅମର ଯବାନ ଜ୍ୟୋତିକୁ ନେଇ ଚର୍ଚ୍ଚା ଥମିବାରେ ନାଁ ନେଉନି । ସରକାର ଅମର ଯବାନ ଜ୍ୟୋତିକୁ ଲିଭାଯାଉନି ବରଂ ଏହାକୁ ନେଇ ଯୁଦ୍ଧ ସ୍ମାରକୀ ସ୍ଥାନରେ ମିଶାଇ ଦିଆଯାଉଛି ବୋଲି କହୁଥିବାବେଳେ ଏହାକୁ ସହଜରେ ହଜମ କରିପାରୁ ନାହାନ୍ତି ବିରୋଧୀ । କେନ୍ଦ୍ର ସରକାରଙ୍କ ଏପରି ଆଭିମୁଖ୍ୟକୁ ନିନ୍ଦା କରିବା ସହ ସହିଦମାନଙ୍କୁ ସରକାର ଅପମାନିତ କରୁଛନ୍ତି ବୋଲି କହିଛନ୍ତି । ଏହା ମଧ୍ୟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ବଡ଼ ବୟାନ ସାମ୍ନାକୁ ଆସିଛି । ତେବେ ଯେଉଁମାନେ ଜାତୀୟ ସୁରକ୍ଷା ସହିତ ଖେଳନ୍ତି ଏବଂ ସେନାର ବୀରତ୍ୱ ଉପରେ ପ୍ରଶ୍ନ ଉଠାନ୍ତି ସେମାନେ ଆଜି ଦେଶପ୍ରେମ ଓ ବଳିଦାନ ବିଷୟରେ କହୁଛନ୍ତି । ଦେଶର ସୌନିକମାନଙ୍କ ମନବଳକୁ ଭାଙ୍ଗି ରାଜନୀତି କରୁଥିବା ରାହୁଲ ଗାନ୍ଧୀ ସବୁବେଳେ ଭୁଲ କରିପକାନ୍ତି ।
ଭୁଲ ଧାରଣା ଏବଂ ବିଭ୍ରାନ୍ତିକର ବୟାନ ଦେବାରେ ରାହୁଲ ଗାନ୍ଧୀ ବେଶ ପାରଙ୍ଗମ । ସେପଟେ ଅମର ଯବାନ ଜ୍ୟୋତିକୁ ଲିଭାଯାଉନି ବରଂ ଏହାକୁ ଜାତୀୟ ଯୁଦ୍ଧ ମେମୋରିଆଲରେ ଜଳୁଥିବା ନିଆଁ ସହିତ ମିଶ୍ରଣ କରାଯାଉଛି। ସେହି ଜାତୀୟ ଯୁଦ୍ଧ ମେମୋରିଆଲ ଯାହାକୁ କଂଗ୍ରେସ ନେତାମାନେ ବିରୋଧ କରିଥିଲେ। ସ୍ୱାଧୀନତା ସଂଗ୍ରାମର ମହାନ ହିରୋ ସୁଭାଷ ଚନ୍ଦ୍ର ବୋଷ ଜଣେ ହିରୋ ଥିଲେ ଯାହାର ଦେଶପ୍ରେମର ରକ୍ତ ସବୁବେଳେ ତାଙ୍କ ଶିରାରେ ପ୍ରବାହିତ ହେଉଥିଲା। ନେତାଜୀ ଭାରତର ଆଗାମୀ ପିଢ଼ି ପାଇଁ ଏକ ପ୍ରେରଣା ହୋଇ ରହିବେ । ମୁଁ ତାଙ୍କର ୧୨୫ ତମ ଜନ୍ମ ବାର୍ଷିକୀ ଅବସରରେ ଇଣ୍ଡିଆ ଫାଟକରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତି ସ୍ଥାପନ କରିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିଷ୍ପତ୍ତିକୁ ଅଭିନନ୍ଦନ ଜଣାଉଛି ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ।
