ମୁମ୍ବାଇ: ବିବାହ ବନ୍ଧରେ ବାନ୍ଧି ହୋଇଛନ୍ତି ରଣବୀର ଏବଂ ଆଲିଆ | ମିସ୍ରୁ ମିସେସ୍ କପୁର ହେଲେ ଆଲିଆ ଭଟ୍ଟ। ବଲିଉଡ ର ଏହି ଚର୍ଚିତ ଯୋଡି ଗତକାଲି ବିଧିବଦ୍ଧ ରୀତିନୀତିରେ ବିବାହ ବନ୍ଧନରେ ବାନ୍ଧି ହୋଇଛନ୍ତି | ତାଙ୍କ ବିବାହ ଖବର ସାମ୍ନାକୁ ଆସିବା ପରେ ତାଙ୍କ ପ୍ରଶଂସକଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଥିଲା | ଏହି ଦିନକୁ ବେଶ ଉତ୍କଣ୍ଠାର ସହ ଅପେକ୍ଷା କରିଥିଲେ | ବର୍ତ୍ତମାନ ସେହି ଅପେକ୍ଷା ଅନ୍ତ ହୋଇଛି । ଏହି ଲଭ ବାର୍ଡ ୫ ବର୍ଷ ଧରି ଡେଟ୍ କରିବା ପରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ।
ତେବେ ବିବାହରେ ଦୁଇ ପରିବାର କିଛି ଘନିଷ୍ଠ ବନ୍ଧୁ ସାମିଲ୍ ହୋଇଥିଲେ। ଏବେ ବୟଫ୍ରେଣ୍ଡ -ଗର୍ଲଫ୍ରେଣ୍ଡରୁ ଅଫିସିଆଲି ଭାବେ ସ୍ୱାମୀ ଏବଂ ସ୍ତ୍ରୀ ହୋଇଯାଇଛନ୍ତି । ହେଲେ ଏବେ ଆଉ ଗୋଟିଏ ଖବର ଶୁଣିବାକୁ ମିଳିଛି, ଯାହାକୁ ଶୁଣି ପ୍ରଶଂସକମାନେ ଖୁସି ହେବେ ।
ରିପୋର୍ଟ ଅନୁଯାୟୀ, ବର୍ତ୍ତମାନ କୁହାଯାଉଛି ଯେ ରଣବୀର ଆଲିଆଙ୍କ ବିବାହକୁ ବ୍ୟକ୍ତିଗତ ଭାବେ ରଖାଯାଉଛି କାରଣ ଏହାକୁ ପ୍ରମୁଖ ଓଟିଟି ପ୍ଲାଟଫର୍ମରେ ଉଭୟଙ୍କ ଫଟୋ ଏବଂ ଭିଡିଓ ଷ୍ଟ୍ରିମ୍ କରିବାକୁ କୁହାଯାଇଛି । ଆସନ୍ତା କିଛି ମାସ ମଧ୍ୟରେ ରଣବୀର ଏବଂ ଆଲିଆଙ୍କ ବିବାହର ଫୁଟେଜ୍ ଓଟିଟି ପ୍ଲାଟଫର୍ମରେ ସିଧା ପ୍ରସାରଣ କରାଯିବ । କେବଳ ଏତିକି ନୁହେଁ, ଓଟିଟି କମ୍ପାନୀ ଏହାକୁ କିଣିବା ପାଇଁ ୯୦-୧୧୦ କୋଟି ଟଙ୍କା ଦେଇଛି ବୋଲି କୁହାଯାଉଛି। କିନ୍ତୁ ଏହି ଖବର ଉପରେ ଏହି ଦମ୍ପତିଙ୍କ ଟିମ୍ କିଛି କହିନାହାନ୍ତି । ଏହା ପୂର୍ବରୁ କ୍ୟାଟ୍ରିନା କ କୈଫ୍ ଏବଂ ଭିକି କୌଶଲଙ୍କ ବିଷୟରେ ମଧ୍ୟ ଖବର ଆସିଥିଲା ଯେ ଉଭୟ ନିଜ ବିବାହର ସମସ୍ତ ଫଟୋ ଓ ଭିଡିଓ ପ୍ରାୟ ୮୦ କୋଟିରେ ବିକ୍ରି କରିଛନ୍ତି। ହେଲେ ତାହା କେତେ ଦୂର ସତ ଆଗକୁ ଜଣାପଡିବ। ଯଦି ଏହି ଖବର ସତ ପ୍ରମାଣିତ ହୁଏ ତେବେ, ଦର୍ଶକ ମାନେ ନିଜ ପ୍ରିୟ କଳାକାରଙ୍କ ବିଶେଷ ମୁହୁର୍ତରେ ଅନୁଭୂତିକୁ ଦେଖି ପାରିବେ |
