ନୂଆଦିଲ୍ଲୀ: ରାଫେଲ ଡିଲ୍ ପ୍ରସଙ୍ଗରେ ଦାୟର ହୋଇଥିବା ମାମଲାର ଶୁଣାଣି କରିଛନ୍ତି ସୁପ୍ରିମକୋର୍ଟ । ରାଫେଲ ଚୁକ୍ତି କିଭଳି ଭାବେ ହୋଇଛି ତାର ପ୍ରକ୍ରିୟା କରଣ ବାବଦରେ ରିପୋର୍ଟ ଦେବାକୁ ସୁପ୍ରିମକୋର୍ଟ କେନ୍ଦ୍ର ସରକାରକୁ କହିଛନ୍ତି । ଏହି ତଥ୍ଯ ଅକ୍ଟୋବର 29 ସୁଦ୍ଧା ବନ୍ଦ ଲଫାଫାରେ ଦେବାକୁ ନିର୍ଦ୍ଦେଶ ଦେଇଛନ୍ତି । ପରବର୍ତ୍ତୀ ଶୁଣାଣି ଅକ୍ଟୋବର 31ରେ ରହିଛି । ତେବେ କେତେ ଟଂକାର ଡିଲ୍ ଏବଂ ବିମାନରେ କିଭଳି ଯନ୍ତ୍ରାଂଶ ରହିଛି ସେ ବାବଦରେ ଜାଣିବାକୁ ଇଚ୍ଛା ପ୍ରକାଶ କରିନାହାନ୍ତି କୋର୍ଟ । ସରକାରଙ୍କ ପକ୍ଷରୁ ଆଟର୍ଣ୍ମି ଜେନେରାଲ କୋର୍ଟରେ ପକ୍ଷ ରଖିଥିଲେ । ଏବଂ କହିଥିଲେ କି ଏହି ଡିଲ୍ ଦୁଇ ଦେଶ ମଧ୍ୟରେ ହୋଇଛି ଏବଂ ସମ୍ପୁର୍ଣ୍ଣ ଗୁପ୍ତ । କେବଳ ରାଜନୈତିକ ଉଦ୍ଦେଶ୍ୟ ରଖି ପିଟିସିନ ଦାୟର ହୋଇଥିବା କହିଛନ୍ତି ଏଜି । ମୁଖ୍ୟ ବିଚାରପତି ଜଷ୍ଟିସ୍ ରଞ୍ଜନ ଗୋଗେଇ, ଏସ କେ କୌଲ, ଏବଂ ଏମ ଜୋଶେଫଙ୍କ 3 ଜଣିା ଖଣ୍ଡପୀଠ ମାମଲାରୁ ଶୁଣାଣି କରିଛନ୍ତି ।
ମୋଟ 3 ଜଣ ପିଟିସନ ଦାଖଲ କରିଥିଲେ । ହେଲେ କଂଗ୍ରେସ ନେତା ବିନୀତ ଧାଣ୍ଡା ଏବଂ ଆରଟିଆଇ କର୍ମୀ ତେହସିନ ପୁନାଓ୍ବାଲା ଏହି ମାମଲାରୁ ଓହରିଯାଇଛନ୍ତି ।
ଉଲ୍ଲେଖଯୋଗ୍ୟ, ରାଫେଲ ପ୍ରସଙ୍ଗରେ ଫ୍ରାନ୍ସର ସେତେବେଳର ରାଷ୍ଟ୍ରପତି ଓଲାନ୍ଦେ ଚୁକ୍ତି ବାବଦରେ ରିଲାଏନ୍ସ ପାଇଁ କେନ୍ଦ୍ର ସରକାର ଲବି କରିଥିଲେ ବୋଲି ଫ୍ରାନ୍ସର ଏକ ମିଡିଆକୁ କହିଥିଲେ । ଯାହାକୁ ପ୍ରସଙ୍ଗ କରି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ସରକାରଙ୍କୁ କାଠଗଡ଼ାରେ ଛିଡା କରିଛନ୍ତି ।
ରାହୁଲ ଅଭିଯୋଗ କରିଛନ୍ତି ଯେ, କେନ୍ଦ୍ର ସରକାର ଯେଉଁ ୩୬ ବିମାନର ଚୁକ୍ତି ସ୍ୱାକ୍ଷର କରିଛନ୍ତି ତାହାର ମୂଲ୍ୟ କଂଗ୍ରେସ ସରକାରଙ୍କ ସମୟରେ ହୋଇଥିବା ନିର୍ଦ୍ଧାରିତ ମୂଲ୍ୟ ଠାରୁ ଅଧିକ । ଫଳରେ ସରକାରୀ ସମ୍ପତିରୁ କୋଟି କୋଟି ଟଙ୍କା ନଷ୍ଟ ହେବାକୁ ଯାଉଛି ।
ସେପ୍ଚେମ୍ବର 23 2016ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫ୍ରାନ୍ସ ଗସ୍ତ କରି ରାଫେଲ୍ ଡିଲ କରିଥିଲେ । ପୂର୍ବ ୟୁପିଏ ସରକାର ମଧ୍ୟ ଏହି ଡିଲ କରିଥିଲେ । ଯାହାକୁ ଚଳିତ ସରକାର ରଦ୍ଦ କରି ମେକ୍ ଇନ୍ ଇଣ୍ଡିଆ ଯୋଜନାରେ ନୂଆ ଡିଲ୍ କରିଥିଲେ ।
ଏହାକୁ ନେଇ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଟୁଇଟ କରି ସୂଚନା ଦେଇଛନ୍ତି ।
The Supreme Court has asked for the #RAFALE decision making process. It’s quite simple really…
The PM decided.
The processes to justify his decision are yet to be invented. But work has begun.
Ps. In this connection, Raksha Mantri is leaving for France tonight. https://t.co/FJJzlBulb0
— Rahul Gandhi (@RahulGandhi) October 10, 2018
