ଭୁବନେଶ୍ୱର (ସତ୍ୟପାଠ ବ୍ୟୁରୋ): ନିଟ୍ ପିଜି ୨୦୨୫ ପରୀକ୍ଷା ଗୋଟିଏ ସିଫ୍ଟରେ କରାଯିବ। ସାରା ଦେଶରେ ସ୍ଥିର ହୋଇଥିବା ବିଭିନ୍ନ କେନ୍ଦ୍ରରେ ଗୋଟିଏ ସିଫ୍ଟରେ ହିଁ ପରୀକ୍ଷା ଦେବେ ପରୀକ୍ଷାର୍ଥୀ । ଆଜି ଦୁଇଟି ସିଫ୍ଟରେ ପରୀକ୍ଷା ପରିଚାଳନାକୁ ଚ୍ୟାଲେଞ୍ଜ କରାଯାଇଥିବା ଆବେଦନର ଶୁଣାଣି କରି କିଛି ଏପରି ବଡ ରାୟ ଶୁଣାଇଛନ୍ତି ସୁପ୍ରିମକୋର୍ଟ । ସୁପ୍ରିମକୋର୍ଟ ଗୋଟିଏ ସିଫ୍ଟରେ ପରୀକ୍ଷା ପରିଚାଳନା କରିବାକୁ ନିର୍ଦ୍ଦେଶ ଦେଇଛନ୍ତି ।
ତେବେ ଏହି ପରୀକ୍ଷା ଆସନ୍ତା ଜୁନ୍ ୧୫ରେ ସିବିଟି ମୋଡରେ ଅନୁଷ୍ଠିତ ହେବ । ପୂର୍ବରୁ, ଦୁଇଟି ସିଫ୍ଟରେ ପରୀକ୍ଷା ପରିଚାଳନା ପାଇଁ କାର୍ଯ୍ୟସୂଚୀ ପ୍ରକାଶ କରାଯାଇଥିଲା । ଯାହାକୁ ନେଇ ସୁପ୍ରିକୋର୍ଟରେ ଆବେଦନ କରାଯାଇଥିବା ବେଳେ ସୁପ୍ରିମକୋର୍ଟ ଶୁକ୍ରବାର ଜାତୀୟ ପରୀକ୍ଷା ବୋର୍ଡକୁ ନିଟ୍ ପିଜି ୨୦୨୫ ପରୀକ୍ଷା ଦୁଇଟି ସିଫ୍ଟରେ ନକରି ଗୋଟିଏ ସିଫ୍ଟରେ ନିଶ୍ଚିତ କରିବାକୁ ନିର୍ଦ୍ଦେଶ ଦେଇଛନ୍ତି। କୋର୍ଟ ସ୍ୱଚ୍ଛତା ସୁନିଶ୍ଚିତ କରି ଗୋଟିଏ ସିଫ୍ଟରେ ପରୀକ୍ଷା ପରିଚାଳନା ପାଇଁ ବ୍ୟବସ୍ଥା କରିବାକୁ ଏନବିଇକୁ ନିର୍ଦ୍ଦେଶ ଦେଇଛନ୍ତି। କୋର୍ଟ କହିଛନ୍ତି, ଜୁନ 15 ରେ ପରୀକ୍ଷା ପାଇଁ ଆବଶ୍ୟକୀୟ ବ୍ୟବସ୍ଥା କରିବାକୁ ସଂସ୍ଥା ପାଖରେ ଏବେ ବି ଯଥେଷ୍ଟ ସମୟ ଅଛି।
ଏଥିସହିତ ପ୍ରତିପକ୍ଷଙ୍କ ଦ୍ୱାରା ଦିଆଯାଇଥିବା ଆଉ ଏକ ଯୁକ୍ତିକୁ ପ୍ରତ୍ୟାଖ୍ୟାନ କରିଛନ୍ତି ସର୍ବୋଚ୍ଛ ନ୍ୟାୟଳାୟ । ଯେଉଁଥିରେ ପ୍ରତିପକ୍ଷ କହିଥିଲେ, ଯଦିଓ ପରୀକ୍ଷା ସଂସ୍ଥା ଅଧିକ କେନ୍ଦ୍ର ଚିହ୍ନଟ କରିବା ପାଇଁ ଏକ ସନ୍ଦର୍ଭ ଦିଏ, ତଥାପି ଏହାକୁ ଅଧିକ ସମୟ ଲାଗିପାରେ। ଯାହା ଫଳରେ ପରୀକ୍ଷା ପରିଚାଳନାରେ ବିଳମ୍ବ ହୋଇପାରେ ଏବଂ ଫଳସ୍ୱରୂପ ସମସ୍ତ ପରାମର୍ଶ ଏବଂ ପ୍ରବେଶ ଆଦି ବିଳମ୍ବିତ ହୋଇପାରେ, ଯାହା କୋର୍ଟ ଦ୍ୱାରା ନିର୍ଦ୍ଧାରିତ ସମୟ ସୀମା ଅନୁଯାୟୀ ହେବ ନାହିଁ। ଯେଉଁ ଯୁକ୍ତିକୁ ଖାରଜ କରିଛନ୍ତି କୋର୍ଟ ।
ତେବେ କହିରଖୁଛୁ, ନିଟ୍ ପିଜି ପରୀକ୍ଷାରେ ଯୋଗ ଦେଉଥିବା ପ୍ରାର୍ଥୀଙ୍କ ପାଇଁ ପରୀକ୍ଷା ସିଟି ସ୍ଲିପ୍ ଜୁନ୍ ୨ ରେ ପ୍ରକାଶିତ ହେବ। ସରକାରୀ ୱେବସାଇଟରେ ସିଟି ସ୍ଲିପ୍ ପ୍ରକାଶିତ ହେବ ନାହିଁ। ଜାତୀୟ ମେଡିକାଲ୍ ପରୀକ୍ଷା ବୋର୍ଡ ପ୍ରାର୍ଥୀଙ୍କ ପଞ୍ଜିକୃତ ଇମେଲ୍ ଆଇଡିକୁ ସିଟି ସ୍ଲିପ୍ ପଠାଇବ, ଯାହାକୁ ପ୍ରାର୍ଥୀମାନେ ଡାଉନଲୋଡ୍ କରିପାରିବେ। ଏଥିସହିତ ପରୀକ୍ଷା ତାରିଖର ପ୍ରାୟ ଚାରି ଦିନ ପୂର୍ବରୁ ଆଡମିଟ୍ କାର୍ଡ ଜାରି କରାଯିବ। ପରୀକ୍ଷା ବୋର୍ଡର ସରକାରୀ ୱେବସାଇଟ୍ natboard.edu.in ରେ ଆଡମିଟ୍ କାର୍ଡ ଜାରି କରାଯିବ, ଯାହାକୁ ପ୍ରାର୍ଥୀମାନେ ଆବେଦନ ନମ୍ବର ଏବଂ ଜନ୍ମ ତାରିଖ ମାଧ୍ୟମରେ ଡାଉନଲୋଡ୍ କରିପାରିବେ। ଏଥିସହିତ ହଲ୍ ଟିକେଟ୍ ବିନା କାହାକୁ ପରୀକ୍ଷା କେନ୍ଦ୍ରରେ ପ୍ରବେଶ କରିବାକୁ ଦିଆଯିବ ନାହିଁ।
