କଟକ(ସତ୍ୟପାଠବ୍ୟୁରୋ) : ଏସ୍‌ସିବିରେ ଟଙ୍କା ହେରଫେର୍ ଘଟଣା। ଏସସିବି ଅଧୀକ୍ଷକଙ୍କ କାର୍ଯ୍ୟାଳୟରେ ୧ କୋଟି ୪୦ ଲକ୍ଷ ଟଙ୍କା ହେରଫେର୍ ଘଟଣାରେ ମଙ୍ଗଳାବାଗ ଥାନା ପୁଲିସ ମାଷ୍ଟରମାଇଣ୍ଡ ଡାଟା ଏଣ୍ଟ୍ରି ଅପରେଟର୍‌ ତଥା ଡିଇଓ ଦୀନେଶ ରାଉତକୁ ଗିରଫ କରିବା ପରେ ପୁଲିସ ଟାର୍ଗେଟରେ ଏବେ ଦୀନେଶର ବ୍ୟାଙ୍କ ଆକାଉଣ୍ଟ । ମଙ୍ଗଳାବାଗ ଥାନା ପୁଲିସ ଦୀନେଶର ୪ଟି ବ୍ୟାଙ୍କ ଆକାଉଣ୍ଟକୁ ଜବତ କରିଛି । ଏସବିଆଇ, ଆକ୍ସିସ, ୟୁନିୟନ ବ୍ୟାଙ୍ଗ, ବ୍ୟାଙ୍କ ଅଫ୍ ଇଣ୍ଡିଆ ଓ କାନାଡ଼ା ବ୍ୟାଙ୍କରେ ଥିବା ଏହି ବ୍ୟାଙ୍କ ଆକାଉଣ୍ଟରୁ ପୁଲିସ ଜବତ କରିଛି । ଏହି ଆକାଉଣ୍ଟରେ ଥିବା ମୋଟ ୧ ଲକ୍ଷ ୮୩ ହଜାର ଟଙ୍କା ଫ୍ରିଜ ହୋଇଛି । ଅନ୍ୟପଟେ ପୁଲିସ ଦୀନେଶକୁ ଦୁଇ ଦିନିଆ ରିମାଣ୍ଡରେ ଆଣିବାକୁ ଯୋଜନା କରୁଛି ।