ଭୁବନେଶ୍ୱର(ସତ୍ୟପାଠ ବ୍ୟୁରୋ): ଗୁଜୁରାଟ ଉପରେ ସାରା ରାଜ୍ୟର ନଜର ରହିଥିବାବେଳେ ଗୁଜରାଟ ମନ୍ତ୍ରିମଣ୍ଡଳ ପୁନର୍ଗଠନ ହୋଇଛି । ଉପମୁଖ୍ୟମନ୍ତ୍ରୀ ଭାବେ ନେଲେ ଶପଥ ନେଲେ ହର୍ଷ ସାଂଘଭି । ରିଭାବା ଜାଡେଜାଙ୍କ ସମେତ ୧୯ ନୂଆ ମନ୍ତ୍ରୀ ଶପଥ ନେଇଛନ୍ତି । ଛଅ ମନ୍ତ୍ରୀଙ୍କ ଘରବାହୁଡା । ନୂଆ ମନ୍ତ୍ରୀମାନଙ୍କୁ ଶପଥ ପାଠ କରାଇଛନ୍ତି ରାଜ୍ୟପାଳ । ପ୍ରଥମେ ଗୃହମନ୍ତ୍ରୀ ଥିବା ହର୍ଷ ସାଂଘଭି ହୋଇଛନ୍ତି ଉପମୁଖ୍ୟମନ୍ତ୍ରୀ ।
ହର୍ଷ ସାଂଘଭି ଗୁଜରାଟର ନୂତନ ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ଜିତେନ୍ଦ୍ର ଭାଗାନି ଏବଂ ଅର୍ଜୁନ ମୋଧୱାଡିଆ ଗାନ୍ଧୀନଗରରେ ଗୁଜରାଟ କ୍ୟାବିନେଟ ମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ନୂତନ ଗୁଜରାଟ କ୍ୟାବିନେଟରେ ମୋଟ ୨୫ ଜଣ ମନ୍ତ୍ରୀ ଶପଥ ନେଇଥିଲେ । ଯେଉଁଥିରେ ଛଅ ଜଣ ପୁରୁଣା ଚେହେରାଙ୍କୁ ନୂତନ କ୍ୟାବିନେଟରେ ସାମିଲ କରାଯାଇଛି ।ଜାମନଗର ଉତ୍ତରର ବିଧାୟକ ରିଭାବା ଜାଡେଜା ୩୫ ବର୍ଷ ବୟସରେ ମନ୍ତ୍ରୀ ହୋଇଥିଲେ। ଜାଡେଜା ହେଉଛନ୍ତି କ୍ରିକେଟର ରବିନ୍ଦ୍ର ଜାଡେଜାଙ୍କ ପତ୍ନୀ। ବିଜେପିରେ ଯୋଗଦେବା ପରେ କିଛି ପୂର୍ବତନ କଂଗ୍ରେସ ନେତାଙ୍କୁ ମନ୍ତ୍ରୀ ପଦ ଦିଆଯାଇଛି । ଏହି କ୍ୟାବିନେଟ୍ ସମ୍ପ୍ରସାରଣ ୨୦୨୭ ବିଧାନସଭା ନିର୍ବାଚନ ପାଇଁ ପ୍ରସ୍ତୁତିର ଏକ ଅଂଶ । ଯାହାର ଲକ୍ଷ୍ୟ ନୂତନ ଶକ୍ତି ସଞ୍ଚୟ କରିବା ଏବଂ ଦଳୀୟ ସଂଗଠନକୁ ମଜବୁତ କରିବା।ଗୁଜରାଟରେ ବିଜେପିର ଦବଦବା ମଜବୁତ କରିବା ପାଇଁ ଏହି ବଡ଼ ରାଜନୈତିକ ପରିବର୍ତ୍ତନ କରାଯାଇଥିଲା।
