ଭୁବନେଶ୍ୱର(ସତ୍ୟପାଠ ବ୍ୟୁରୋ): ବ୍ରିଚ କାଣ୍ଡି ହସ୍ପିଟାଲରେ ଭର୍ତ୍ତି ହେଲେ NCP ଅଧ୍ୟକ୍ଷ ଶରଦ ପାୱାର । ତେବେ ରାଜ୍ୟ ସଭା ଏମପି ଶରଦ ପାୱାରଙ୍କୁ ନିୟମିତ ସ୍ବାସ୍ଥ୍ୟ ପରୀକ୍ଷା ପାଇଁ ମୁମ୍ବାଇର ବ୍ରିଚ କାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିବାର ସୂଚନା ମିଳିଛି।ପିଟିଆଇ ଅନୁଯାୟୀ, ତାଙ୍କୁ ଦୁଇ ଦିନ ପୂର୍ବରୁ ବ୍ରିଚ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା। ସୂତ୍ର ଅନୁଯାୟୀ, ‘ସେ ପରୀକ୍ଷା ଏବଂ ଫଲୋଅପ ପାଇଁ ହସ୍ପିଟାଲରେ ଅଛନ୍ତି; କିଛି ଗୁରୁତର ନାହିଁ ବୋଲି ସୂଚନା ମିଳିଛି। ସେପଟେ ପାୱାର ସମ୍ପ୍ରତି ହ୍ବିଲଚେୟାରରେ ବସି ରାଜ୍ୟ ସଭା ସଦସ୍ୟ ଭାବରେ ଶପଥ ନେଇଥିଲେ ଏବଂ ଦିଲ୍ଲୀରେ ଗଣମାଧ୍ୟମକୁ ମଧ୍ୟ ସମ୍ବୋଧିତ କରିଥିଲେ। ଏହା ପୂର୍ବରୁ, ଫେବୃଆରୀରେ, ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଛାତି ସଂକ୍ରମଣ ଏବଂ ଡିହାଇଡ୍ରେସନ ଯୋଗୁ ପୁଣେରେ ଦୁଇଥର ହସ୍ପିଟାଲରେ ଭର୍ତ୍ତି ହୋଇଥିଲେ।
