ନୂଆଦିଲ୍ଲୀ(ସତ୍ୟପାଠ ବ୍ୟୁରୋ): ଜାମ୍ମୁ-କାଶ୍ମୀରରୁ ଅନୁଚ୍ଛେଦ ୩୭୦ ହଟିବା ପରେ ସେଠାରେ ଆତଙ୍କବାଦୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯାଇଥିଲା । ଏପରିକି ଜାମ୍ମୁ-କାଶ୍ମୀରରେ ଆତଙ୍କବାଦ ବିରୋଧରେ ଅପରେଶନ ଅଲଆଉଟ ନାମକ ଏକ ମିଶନ ଆରମ୍ଭ ହୋଇଥିଲା । ସେପଟେ ଧାରା ୩୭୦ ରଦ୍ଦ ହେବା ପରେ ଜାମ୍ମୁ କାଶ୍ମୀରରେ ଏପର୍ଯ୍ୟନ୍ତ ୪୩୯ ଆତଙ୍କବାଦୀଙ୍କୁ ଏନକାଉଣ୍ଟର କରାଯାଇଛି । ସେହିପରି ୫୪୧ ଆତଙ୍କବାଦୀ ଆକ୍ରମଣ ଘଟିଛି ବୋଲି ଗୃହମନ୍ତ୍ରୀ ନିତ୍ୟାନନ୍ଦ ରାୟ ରାଜ୍ୟସଭାକୁ ସୂଚନା ଦେଇଛନ୍ତି। ରାୟ ରାଜ୍ୟସଭା ସାଂସଦ ନୀରଜ ଡାଙ୍ଗିଙ୍କ ଦ୍ୱାରା ପଚରାଯାଇଥିବା ପ୍ରଶ୍ନ ଉତ୍ତରରେ ନିତ୍ୟାନନ୍ଦ କହିଛନ୍ତି ଯେ ୫୪୧ ଆତଙ୍କବାଦୀ ଘଟଣା ଘଟିଥିବାବେଳେ ୪୩୯ ଆତଙ୍କବାଦୀ ନିହତ ହୋଇଛନ୍ତି ଏବଂ ୯୮ ଜଣ ସାଧାରଣ ନାଗରିକ ପ୍ରାଣ ହରାଇଛନ୍ତି ।
ସେହିପରି ୧୦୯ ସୁରକ୍ଷା ବାହିନୀ ଜାମ୍ମୁ କାଶ୍ମୀରରେ ୩୭୦ ପୋଷ୍ଟର ପ୍ରତ୍ୟାହାର ପରେ ସହିଦ ହୋଇଛନ୍ତି। ୨୦୧୯ ଅଗଷ୍ଟ ୫ ତାରିଖରୁ ୨୦୨୨ ଜାନୁଆରୀ ୨୬ ମଧ୍ୟରେ ଏସବୁ ଆତଙ୍କବାଦୀ ନିହତ ହୋଇଛନ୍ତି । ସେପଟେ ବିଭିନ୍ନ ଆତଙ୍କବାଦୀ ଆକ୍ରମଣରେ ୫.୩ କୋଟି ଟଙ୍କାର ଘରୋଇ ସମ୍ପତ୍ତି ନଷ୍ଟ ହୋଇଛି ବୋଲି ନିତ୍ୟାନନ୍ଦ ରାୟ ସୂଚନା ଦେଇଛନ୍ତି । ଅନ୍ୟପଟେ ସଂସଦର ୨୦୨୨ ବଜେଟ୍ ଅଧିବେଶନ ଜାନୁଆରୀ ୩୧ ରେ ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ସହିତ ଆରମ୍ଭ ହୋଇଥିଲା । ବଜେଟ୍ ଅଧିବେଶନର ପ୍ରଥମ ଭାଗ ଜାନୁୟାରୀ ୩୧ ରୁ ଫେବୃଆରୀ ୧୧ ପର୍ୟ୍ୟନ୍ତ ଏବଂ ଦ୍ୱିତୀୟ ଭାଗ ମାର୍ଚ୍ଚ ୧୪ ରୁ ଏପ୍ରିଲ ୮ ପର୍ଯ୍ୟନ୍ତ ଅନୁଷ୍ଠିତ ହେବ ।
