ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ଆଜି ହେବାକୁ ଥିବା ପଞ୍ଜାବ ମୁଖ୍ୟମନ୍ତ୍ରୀ ଙ୍କର୍ ବିବାହ ଉତ୍ସବ ଉପରେ ଅକାଳି ଦଳର ମୁଖପାତ୍ର ତଥା ବରିଷ୍ଠ ନେତା ଡ. ଦିଲଜିତ ଚେମା ଟ୍ୱିଟରରେ ଲେଖିଛନ୍ତି ଯେ ନୂଆଦିଲ୍ଲୀ ମଡେଲ ପରେ ପଞ୍ଜାବ ସରକାର ଇମ୍ରାନ ଖାନ ମଡେଲ ଆପଣେଇ ନେଇଛନ୍ତି। ଚେମା ଟ୍ୱିଟରରେ ଏହା ମଧ୍ୟ କହିଛନ୍ତି ଯେ “ଭାଗ୍ୟବାନ ଦମ୍ପତି ଏବଂ ସମସ୍ତ ପଞ୍ଜାବୀଙ୍କୁ ଅଭିନନ୍ଦନ … କିନ୍ତୁ ଆମକୁ ବିବାହ କୁ ଆମନ୍ତ୍ରଣ କରାଯାଇ ନ ଥିବା ଦୁଃଖ ର ବିଷୟ।
ଏହି ଉତ୍ସବରେ କେବଳ ସିଏମ୍ ମାନଙ୍କ ମା, ଭଉଣୀ, ସମ୍ପର୍କୀୟ ଏବଂ କିଛି ଅତିଥି ଙ୍କ ସହ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲ ଯୋଗଦେବେ ବୋଲି ସୂତ୍ରରୁ ପ୍ରକାଶ ପାଇଛି। ଏହି କାର୍ଯ୍ୟକ୍ରମ ପାଇଁ ଗତକାଲି ଅପ୍ ବରିଷ୍ଠ ନେତା ତଥା ରାଜ୍ୟସଭା ସାଂସଦ ରାଘବ ଚଢ଼ା ପଞ୍ଜାବ ପହଞ୍ଚିଥିଲେ।
ପ୍ରଥମ ପତ୍ନୀଙ୍କଠାରୁ ଛାଡପତ୍ର ହେବାର ୬ ବର୍ଷ ପରେ ପଞ୍ଜାବର ମୁଖ୍ୟମନ୍ତ୍ରୀ ମାନ ଆଜି ଡ. ଗୁରୁପ୍ରୀତ କୌର ଙ୍କୁ ବିବାହ କରିବାକୁ ଯାଉଛନ୍ତି। ମାନଙ୍କର ପ୍ରଥମ ବିବାହ ଛଅ ବର୍ଷ ପୂର୍ବେ ବିଚ୍ଛେଦ ହୋଇଥିଲା | ତାଙ୍କର ପ୍ରଥମ ପତ୍ନୀ ଏବଂ ଦୁଇ ପିଲା ଆମେରିକାରେ ରୁହନ୍ତି | ମାର୍ଚ୍ଚରେ ତାଙ୍କର ଉଭୟ ପିଲା ପିତାଙ୍କ ଶପଥ ଗ୍ରହଣ ସମାରୋହକୁ ଆସିଥିଲେ।
ଖବର ଅନୁଯାୟୀ, ଭଗବନ୍ତ ମାନଙ୍କ ମା ଏବଂ ଭଉଣୀ ଗୁରପ୍ରୀତ୍ ଙ୍କୁ ବାଛିଥିଲେ।
