ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ଭାରତୀୟ ପୁରାଣ ଶାସ୍ତ୍ର ସବୁବେଳେ ଚଳଚ୍ଚିତ୍ର ନିର୍ମାତାଙ୍କ ଦୃଷ୍ଟି ଆକର୍ଷଣ କରିଥାଏ। ଏହି ପୌରାଣିକ ଉପନ୍ୟାସ ଉପରେ ଆଧାରିତ ଚଳଚ୍ଚିତ୍ର ଏବଂ ସିରିଏଲ୍ ଦେଶରେ ଅନେକ ସଫଳତା ହାତେଇବା ସହ ରେକର୍ଡ ମଧ୍ୟ ସୃଷ୍ଟି କରେ। ମହାଭାରତ କାହାଣୀ ସେମାନଙ୍କ ମଧ୍ୟରୁ ଅନ୍ୟତମ। ଯେଉଁଥିରେ ଅନେକ ସଫଳ ସିରିଏଲ ଓ ଚଳଚ୍ଚିତ୍ର ନିର୍ମାଣ କରାଯାଇଛି।
ତେବେ ବର୍ତ୍ତମାନ ନିର୍ମାତା ଫିରୋଜ ନାଦିଆୱାଲା ମହାଭାରତ ଉପରେ ଏକ ଫିଲ୍ମ ନିର୍ମାଣ କରିବାକୁ ଯାଉଛନ୍ତି। ଏହା ହେଉଛି ପ୍ରଥମ ପ୍ୟାନ୍ ୱାର୍ଲ୍ଡ ହିନ୍ଦୀ ଚଳଚ୍ଚିତ୍ର। ଯାହା ଭାରତର ସବୁଠୁ ବଡ ଚଳଚ୍ଚିତ୍ର ହେବ। ଭାରତ ସମେତ ସମଗ୍ର ବିଶ୍ୱର ୨୦ଟି ଭାଷାରେ ମୁକ୍ତିଲାଭ କରିବ ଏହି ଚଳଚ୍ଚିତ୍ର। ଏଥିରେ ୫ଟି ଭାରତୀୟ ଭାଷା ସହିତ ୧୫ଟି ବିଦେଶୀ ଭାଷା ସାମିଲ ହେବ।
ତେବେ ଗତ ୧୩ ବର୍ଷ ଧରି ଫିରୋଜ ଏହି ଚଳଚ୍ଚିତ୍ର ପାଇଁ ପ୍ରସ୍ତୁତ ହେଉଥିଲେ। ଏହା ହେଉଛି ତାଙ୍କର ଉଚ୍ଚାଭିଳାଷୀ ଏବଂ ଡ୍ରିମ୍ ପ୍ରୋଜେକ୍ଟ। ଏହି ଷ୍ଟାର କାଷ୍ଟରେ କିଛି ବରିଷ୍ଠ ଭାରତୀୟ ଅଭିନେତା ମଧ୍ୟ ସାଇନ୍ କରିବେ। ଟେକନିକାଲ୍ ଟିମରେ ପ୍ରସିଦ୍ଧ ବିଦେଶୀମାନଙ୍କ ନାମ ରହିବ। ଚଳଚ୍ଚିତ୍ରରେ ଆକ୍ସନ୍, ଭିଜୁଆଲ୍ ଇଫେକ୍ଟ ଏବଂ ବ୍ୟାକଗ୍ରାଉଣ୍ଡ ସ୍କୋର ଉପରେ ବିଶ୍ୱ ସ୍ତରୀୟ କାର୍ଯ୍ୟ ରହିବ। ଏଥିପାଇଁ ପଶ୍ଚିମବଙ୍ଗର ଜଣାଶୁଣା କଳାକାରମାନେ ସାମିଲ ହେବେ। ଫିଲ୍ମର ପ୍ରି-ପ୍ରଡକ୍ସନ୍ ଉପରେ ପ୍ରସ୍ତୁତି ଚାଲିଛି। ଫିଲ୍ମର ସୁଟିଂ ୨୦୨୪ ଶେଷ କିମ୍ବା ୨୦୨୫ ଆରମ୍ଭରେ ଆରମ୍ଭ ହେବ ବୋଲି ଆଶା କରାଯାଉଛି। ଫିଲ୍ମରେ ଭିଏଫଏକ୍ସ ରେ ବିଶ୍ୱ ସ୍ତରୀୟ କାର୍ଯ୍ୟ କରାଯିବ। ଏହି ଯୁଦ୍ଧରେ ପ୍ରକୃତ ଅସ୍ତ୍ରରେ ସୁଟିଂ କରାଯିବ ବୋଲି ସୂଚନା ରହିଛି।
କହିବାକୁ ଗଲେ ଫିରୋଜଙ୍କ ପିତା ଏଜି ନାଦିଆୱାଲା ୧୯୬୫ ମସିହାରେ ମହାଭାରତରେ ଏକ ଚଳଚ୍ଚିତ୍ର ନିର୍ମାଣ କରିଥିଲେ। ଯେଉଁଥିରେ ପ୍ରଦୀପ କୁମାର ଏବଂ ଦାରା ସିଂଙ୍କ ଭଳି ତାରକା ଥିଲେ। ତାଙ୍କ ପିତାଙ୍କ ଦ୍ୱାରା ନିର୍ମିତ ଚଳଚ୍ଚିତ୍ରର ଠିକ୍ ୬୦ ବର୍ଷ ପରେ ତଥା ଫିରୋଜ ପୁଣି ଥରେ ସମାନ କାହାଣୀକୁ ବିଶ୍ୱକୁ ଆଣୁଛନ୍ତି। ଡିସେମ୍ବର ୨୦୨୫ରେ ଏହି ଚଳଚ୍ଚିତ୍ର ପ୍ରେକ୍ଷାଳୟକୁ ଆସିବାର ସମ୍ଭାବନା ଅଛି । ତାହାକୁ ନେଇ କୌଣସି ସୂଚନା ମିଳିନାହି। ଏହି ଚଳଚ୍ଚିତ୍ର ହିନ୍ଦୀ, ତାମିଲ, ତେଲୁଗୁ, ମାଲାୟାଲମ୍, କନ୍ନଡ, ଇଂରାଜୀ, ଥାଇ, ଜର୍ମାନ, ଫରାସୀ, ଇଟାଲୀ, ରୁଷ ସହିତ ୧୫ଟି ବିଦେଶୀ ଭାଷାରେ ମୁକ୍ତିଲାଭ କରିବ।
