ମୁମ୍ଵାଇ : ବଲିଉଡର ଜଣାଶୁଣା ଗାୟକ ମିକା ସିଂ ଏବେ ବେଶ୍ ଚର୍ଚ୍ଚାରେ । ଅନେକ ସମୟରେ ସେ ନିଜ ଗୀତ ପାଇଁ ଚର୍ଚ୍ଚାରେ ରହି ଆସୁଥିବା ବେଳେ, ଏବେ ନିଜ ବ୍ୟକ୍ତିଗତ ଜୀବନ ପାଇଁ ଚର୍ଚ୍ଚାରେ ଅଛନ୍ତି । ନିକଟରେ ସେ ଏକ ଦ୍ୱୀପରେ ତାଙ୍କର ବୋଟ୍ ଚଳାଉଥିବାର ଏକ ଭିଡିଓ ପୋଷ୍ଟ କରିଛନ୍ତି। ଇନଷ୍ଟାଗ୍ରାମ ହ୍ୟାଣ୍ଡେଲ ଦ୍ୱାରା ସେୟାର କରାଯାଇଥିବା ଏହି ପୋଷ୍ଟରେ ଦାବି କରାଯାଇଛି କି ମିକା ପ୍ରଥମ ଭାରତୀୟ ଗାୟକ । ଯିଏ ଏକ ପ୍ରାଇଭେଟ୍ ଦ୍ୱୀପ ତଥା ଆଇଲାଣ୍ଡ କିଣିଛନ୍ତି।
ସେୟାର ହୋଇଥିବା ଭିଡିଓରେ ମିକା ତାଙ୍କ ଦ୍ୱୀପରେ ବୋଟ୍ ଉପଭୋଗ କରୁଥିବା ଦେଖିବାକୁ ମିଳିଛି। ସେୟାର ହୋଇଥିବା ପୋଷ୍ଟରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ ମୀକା ଦ୍ୱୀପ ବ୍ୟତୀତ ବର୍ତ୍ତମାନ ୭ଟି ଡଙ୍ଗା ଏବଂ ୧୦ଟି ଘୋଡା ଅଛି। ନିକଟରେ ମିକା ଏହି ଦ୍ୱୀପର ଅନ୍ୟ ଏକ ଭିଡିଓ ମଧ୍ୟ ପୋଷ୍ଟ କରିଛନ୍ତି। ମୀକା ଏହା ମଧ୍ୟ କହିଛନ୍ତି ଯେ ତାଙ୍କ ଦ୍ୱୀପକୁ ବୋଟ୍ର ଯାତ୍ରା ଆବଶ୍ୟକ ହେବ।
ମିକାଙ୍କ ଏହି ସଫଳତା ପାଇଁ ପ୍ରଶଂସକମାନେ ତାଙ୍କୁ ଅଭିନନ୍ଦନ ଜଣାଇଛନ୍ତି। କିନ୍ତୁ ସେହି ସମୟରେ କିଛି ଉପଭୋକ୍ତା ମଧ୍ୟ ଏହି ଭିଡିଓକୁ ନେଇ ଟ୍ରୋଲ କରିବା ଆରମ୍ଭ କରିଥିଲେ । ଏହି ଭିଡିଓରେ ଜଣେ ଉପଭୋକ୍ତା ମନ୍ତବ୍ୟରେ ଲେଖିଛନ୍ତି ଯେ ଏହା ଏକ ପ୍ରକାର ଡ୍ରେନ୍ ପରି ଦେଖାଯାଉଛି। ଅନ୍ୟ ଜଣେ ଏହାକୁ ‘ଚମତ୍କାର’ ବୋଲି କହିଛନ୍ତି ।
