ଭୁବନେଶ୍ୱର(ସତ୍ୟପାଠ ବ୍ୟୁରୋ): ଗୋରୁ ଚୋରା ଚାଲାଣ ମାମଲାର ତଦନ୍ତ ପାଇଁ ଟିଏମସି ନେତା ଅନୁବ୍ରତ ମଣ୍ଡଳ ଆଜି ସିବିଆଇ କାର୍ୟ୍ୟାଳୟରେ ପହଞ୍ଚିଛନ୍ତି। ତେବେ ଟିଏମସିର ବୀରଭୂମ ଜିଲ୍ଲା ସଭାପତି ନିଜାମ ପ୍ୟାଲେସରେ ସକାଳ ପ୍ରାୟ ୯: ୪୫ ରେ ସିବିଆଇ କାର୍ୟ୍ୟାଳୟରେ ପହଞ୍ଚିଥିଲେ। ପଚରାଉଚରା ପାଇଁ ସିବିଆଇ ମାଣ୍ଡଳକୁ ଅନେକ ଥର ଡକାଇଥିଲା କିନ୍ତୁ ସେ ଅସୁସ୍ଥ ଥିବା ଦର୍ଶାଇ ହାଜର ହୋଇନଥିଲେ।
ପଶ୍ଚିମବଙ୍ଗର ଭାରତ-ବାଂଲାଦେଶ ସୀମାରେ ବେଆଇନ ଗୋରୁ କାରବାର ସଂପର୍କରେ ସୀମା ସୁରକ୍ଷା ବଳ (ବିଏସ୍ଏଫ୍) କମାଣ୍ଡାଣ୍ଟ ସତୀଶ କୁମାର ଏବଂ ଅନ୍ୟାନ୍ୟଙ୍କ ବିରୋଧରେ ସିବିଆଇ ୨୧ ସେପ୍ଟେମ୍ବର ୨୦୨୦ ରେ ମାମଲା ରୁଜୁ କରିଥିଲା। ସରକାରୀ କର୍ମଚାରୀଙ୍କ ସହ ଜଡ଼ିତ ହୋଇ ଏହି କାରବାର କରାଯାଉଥିଲା । ଏହି ଗ୍ୟାଙ୍ଗର ଅଭିଯୁକ୍ତ କିଙ୍ଗପିନ ମହମ୍ମଦ ଇନାମୁଲ ହକଙ୍କୁ ନଭେମ୍ବର ୨୦୨୦ ରେ ନୂଆଦିଲ୍ଲୀରୁ ଗିରଫ କରାଯାଇଥିଲା।
