(ସତ୍ୟପାଠ ବ୍ୟୁରୋ) ଭୁବନେଶ୍ୱର: ଝାଡଖଣ୍ଡର ଧାନବାଦରେ ହୋଇଥିବା ଜଜ ଉତ୍କଳ ଆନନ୍ଦଙ୍କ ହତ୍ୟା ମାମଲାକୁ ନେଇ ଆଜି ସୁପ୍ରିମକୋର୍ଟ ବଡ ବୟାନ ଦେଇଛି । ତେବେ ଝାଡଖଣ୍ଡ ହାଇକୋର୍ଟର ପ୍ରଧାନ ବିଚାରପତି ପ୍ରତି ସପ୍ତାହରେ ସିବିଆଇ ଯାଞ୍ଚର ତଦାରଖ କରିବେ । ଏହା ସହ ଅନୁସନ୍ଧାନକାରୀ ସଂସ୍ଥାର ସିଲ୍ ହୋଇଥିବା ଷ୍ଟାଟସ୍ ରିପୋର୍ଟ ପର୍ଯ୍ୟାପ୍ତ ନୁହେଁ ଏବଂ ବିଚାରପତିଙ୍କ ସୁରକ୍ଷାକୁ ନେଇ କୋର୍ଟ ବହୁତ ଚିନ୍ତିତ ବୋଲି ସୁପ୍ରିମକୋର୍ଟ କହିଛନ୍ତି । ଅପରିପକ୍ଷରେ ପ୍ରଧାନ ବିଚାରପତି ଏନ.ଭି ରାମନା, ଜଷ୍ଟିସ ଭିନେଟ ସରନ ଏବଂ ସୂର୍ଯ୍ୟକାନ୍ତଙ୍କ ଏକ ବେଞ୍ଚ ସିବିଆଇକୁ ହାଇକୋର୍ଟରେ ସାପ୍ତାହିକ ରିପୋର୍ଟ ଦାଖଲ କରିବାକୁ କହିଛି, ଯେଉଁଠାରେ ପ୍ରଧାନ ବିଚାରପତିଙ୍କ ନେତୃତ୍ୱରେ ଏକ ବେଞ୍ଚ ଉପରେ ନଜର ରଖାଯିବ।
ଅନ୍ୟପଟେ ଜୁଲାଇ ୩୦ ରେ ଘଟିଥିବା ଏହି ଭୟଙ୍କର ଘଟଣାରେ ବିଚାରପତିଙ୍କ ଦୁର୍ଭାଗ୍ୟଜନକ ମୃତ୍ୟୁକୁ ନେଇ ସର୍ବୋଚ୍ଚ ଅଦାଲତ ଜାଣିଥିଲେ ଏବଂ ଏକ ସପ୍ତାହ ମଧ୍ୟରେ ଝାଡଖଣ୍ଡର ମୁଖ୍ୟ ସଚିବ ତଥା ଡିଜିପିଙ୍କ ଠାରୁ ଷ୍ଟାଟସ୍ ରିପୋର୍ଟ ମାଗିଥିଲେ। ସିସିଟିଭି ଫୁଟେଜରୁ ଜଣାପଡିଛି ଜୁଲାଇ ୨୮ ଦିନ ସକାଳେ ଧାନବାଦ୍ କୋର୍ଟ ଜିଲ୍ଲା ତଥା ସେସନ୍ସ ଜଜ୍ ଉତ୍କଳ ଆନନ୍ଦ ଏକ ପ୍ରଶସ୍ତ ରାସ୍ତାର ଗୋଟିଏ ପାର୍ଶ୍ୱରେ ଜଗିଂ କରୁଥିଲେ, ଯେତେବେଳେ ଏକ ଅଟୋ ରିକ୍ସା ତାଙ୍କୁ ପଛପଟୁ ଧକ୍କା ଦେଇ ଘଟଣାସ୍ଥଳରୁ ପଳାଇ ଯାଇଥିଲା। ତେବେ ଏହି ସମ୍ପୂର୍ଣ୍ଣ ଘଟଣାର ଚିତ୍ର ସୋସିଆଲ ମିଡିଆରେ ଭାଇରାଲ ହୋଇଯାଇଥିଲା । ଏହା ପରେ ସୁପ୍ରିମକୋର୍ଟ ନିଜ ପଟୁ ହିଁ ଏହି କେଶ ପାଇଁ ରୁଚି ଦେଖେଇଥିଲା ।
