ଭୁବନେଶ୍ୱର,୨୦/୫(ସତ୍ୟପାଠ ବ୍ୟୁରୋ): ଶ୍ରୀମନ୍ଦିର ଯାଇ ଶ୍ରୀଜିଉଙ୍କୁ ଦର୍ଶନ କରିବା ପରେ ବଡଦାଣ୍ଡରେ ମେଗା ରୋଡ୍ ଶୋ’ କରିଛନ୍ତି ପ୍ରଧାନମନ୍ତ୍ରୀ ମୋଦୀ । ତାଙ୍କ ସହ ଅଛନ୍ତି ମନମୋହନ ସାମଲ ଓ ପୁରୀ ଲୋକସଭା ସାଂସଦ ପ୍ରାର୍ଥୀ ସମ୍ବିତ ପାତ୍ର । ରୋଡ ଶୋ’ ସମୟରେ ବଡ ଦାଣ୍ଡରେ ଦେଖିବାକୁ ମିଳିଥିଲା ପ୍ରବଳ ଜନସମାଗମ । ମୋଦୀଙ୍କ ସହ ତାଳ ଦେଇ ଚାଲିଥିଲେ ମୋଦୀଙ୍କ ସମର୍ଥକ ।
ଏହାସହ ମୋଦୀଙ୍କୁ ଦେଖିବାକୁ ରାସ୍ତା କଡ ଓ ପ୍ରତି ଘର ଛାତ ଉପରେ ମଧ୍ୟ ଲୋକଙ୍କ ଗହଳି ଦେଖିବାକୁ ମିଳିଛି । ଆଜି ମୋଦୀଙ୍କ ରୋଡ ଶୋ’ ପାଇଁ ବଡଦାଣ୍ଡ ସହ ପୁରା ପୁରୀ ସହରକୁ କଡା ସୁରକ୍ଷା ବଳୟ ଭିତରେ ରଖାଯାଇଛି ।
ଏହାପରେ ପ୍ରଧାନମନ୍ତ୍ରୀ ଅନୁଗୁଳ ନୋଲକୋ ନଗର ଷ୍ଟାଡିୟମରେ ବିଜୟ ସଙ୍କଳ୍ପ ସମାବେଶରେ ଯୋଗ ଦେବେ। ପରେ କଟକ ବାଲିଯାତ୍ରା ଉପର ପଡିଆରେ ବି ଏକ ସମାବେଶରେ ଯୋଗ ଦେଇ ଲକ୍ଷାଧିକ କର୍ମୀଙ୍କୁ ଉଦବୋଧନ ଦେବେ ମୋଦି। ମୋଦିଙ୍କ ତୃତୀୟ ପର୍ଯ୍ୟାୟ ଗସ୍ତକୁ ନେଇ ବେଶ୍ ଉତ୍ସାହିତ ବିଜେପି କ୍ୟାମ୍ପ।
