ଭୁବନେଶ୍ୱର ( ସତ୍ୟପାଠ ବ୍ୟୁରୋ): ଟେସଲା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଏଲୋନ୍ ମସ୍କ ମଙ୍ଗଳବାର ପୁଣିଥରେ ସୋସିଆଲ ମିଡ଼ିଆ କମ୍ପାନୀ ଟ୍ୱିଟରକୁ କିଣିବାକୁ ଅଫର ଦେଇଛନ୍ତି। ସେ ୪୪ ବିଲିୟନ ଡଲାର (3,36,910 କୋଟିରୁ ଅଧିକ)ରେ ଟ୍ୱିଟରକୁ କିଣିବାକୁ ପ୍ରସ୍ତାବ ଦେଇଛନ୍ତି। ତେବେ ଟ୍ୱିଟର ସହ ଜୁଲାଇରେ ବୁଝାମଣା ମୋକଦ୍ଦମା ହେବା ପୂର୍ବରୁ ମସ୍କ ମଧ୍ୟ ସମାନ ଅଫର କମ୍ପାନୀକୁ ଦେଇଥିଲେ।
ତେବେ ଏନେଇ ଜଣେ ଟୁଇଟର ମୁଖପାତ୍ର ନିଶ୍ଚିତ କରିଛନ୍ତି ଯେ, ସୋସିଆଲ ମିଡିଆ ସଂସ୍ଥା ମସ୍କଙ୍କ ଏହି ପ୍ରସ୍ତାବ ପାଇଛି। ହେଲେ କମ୍ପାନୀର ଉଦ୍ଦେଶ୍ୟ ହେଉଛି ଯେ ପ୍ରତି ସେୟାର $ ୫୪.୨୦ (୪,୨୫୩.୨୪ ଟଙ୍କା)ରେ କାରବାର ବନ୍ଦ କରିବା ବୋଲି ସେ କହିଛନ୍ତି। ତେବେ ଏହାର ପରବର୍ତ୍ତୀ ପଦକ୍ଷେପ ନେଇ ଏପର୍ଯ୍ୟନ୍ତ ଟୁଇଟର ପକ୍ଷରୁ କୌଣସି ଘୋଷଣା କରାଯାଇ ନାହିଁ।
ସୂଚନା ଅନୁସାରେ, ଏଲୋନ୍ ମସ୍କ ଓ ଟ୍ୱିଟର ମଧ୍ୟରେ ବିବାଦର ଚଳିତ ମାସରେ କୋର୍ଟରେ ଶୁଣାଣି ହେବ। ସେୟାର ପିଛା ୫୪.୨୦ ଡଲାରରେ ଡିଲ୍ ସମ୍ପୂର୍ଣ୍ଣ କରିବାକୁ ଟ୍ୱିଟର ମସ୍କକୁ ନିର୍ଦ୍ଦେଶ ଦେବାକୁ ଚେଷ୍ଟା କରିଛି। ଏହାପୂର୍ବରୁ ଏଲୋନ୍ ମସ୍କ ଟ୍ୱିଟରକୁ ଚିଠି ଲେଖି ଏହି ପ୍ରସ୍ତାବ ଦେଇଥିଲେ। କିଛି ସମୟ ପାଇଁ କାରବାର ବନ୍ଦ କରିବା ପରେ, ଏହି ଖବର ପରେ ଟ୍ୱିଟର ସେୟାର ୧୮% ପର୍ଯ୍ୟନ୍ତ ବୃଦ୍ଧି ପାଇଛି।
ଉଲ୍ଲେଖନୀୟ କଥା ହେଉଛି ଯେ, ଏପ୍ରିଲରେ ଟ୍ୱିଟର ସହିତ ହୋଇଥିବା ଚୁକ୍ତି ପରେ ମସ୍କ ଟ୍ବିଟର ଉପରେ ଠକେଇ ଅଭିଯୋଗ ଆଣିଥିଲେ। ସେ କହିଥିଲେ ଯେ ଏହି ଡିଲ୍ କରିବାବେଳେ ଟ୍ୱିଟର ତାଙ୍କୁ ବ୍ୟବସାୟ ସମ୍ବନ୍ଧରେ ବିଭ୍ରାନ୍ତିକର ସୂଚନା ଦେଇଥିଲା। ମସ୍କ କହିଥିଲେ ଯେ ଯେତେବେଳେ ବଟ୍ ଆକାଉଣ୍ଟ୍ ଅର୍ଥାତ୍ ଟ୍ୱିଟରରୁ ନକଲି ଆକାଉଣ୍ଟ୍ ବିଷୟରେ ପଚରାଯାଇଥିଲା, ଟ୍ୱିଟର ଦେବାକୁ ମନା କରିଦେଇଥିଲା। ଏହା ପରେ ମସ୍କ ଟ୍ୱିଟରକୁ ଚୁକ୍ତି ବାତିଲ କରିବାକୁ ଚେତାବନୀ ଦେଇଥିଲା ଓ ଜୁଲାଇରେ ସେ ଏହି ଡିଲକୁ ବାତିଲ କରିଦେଇଥିଲେ। ଏହି ପ୍ରସଙ୍ଗରେ ଟେସଲା ସିଇଓ ମଧ୍ୟ କୋର୍ଟରେ ଆବେଦନ କରିଥିଲେ। ଅଗଷ୍ଟ ୨୭ରେ, ଏହି ମାମଲାର ଶୁଣାଣି ବେଳେ କୋର୍ଟ ଗତ ବର୍ଷ ସର୍ଭେ କରାଯାଇଥିବା ୯,୦୦୦ ନକଲି ଆକାଉଣ୍ଟର ବିବରଣୀ ବାଣ୍ଟିବାକୁ ଟ୍ୱିଟରକୁ ନିର୍ଦ୍ଦେଶ ଦେଇଥିଲେ।
ଏହା ପରେ ଟ୍ୱିଟର ମଧ୍ୟ ଏକ ମାମଲା ଦାୟର କରି ଏହି ଡିଲ୍ ସମାପ୍ତ କରିବାକୁ ଆଲୋଚନା କରିଥିଲା। ଏହି ମାମଲାର ଶୁଣାଣି ଚଳିତ ମାସ ପାଇଁ ଧାର୍ଯ୍ୟ କରାଯାଇଛି। ଏହା ବ୍ୟତୀତ, ସେପ୍ଟେମ୍ବର ୧୪ରେ, ଏଲୋନ୍ ମସ୍କଙ୍କ ୪୪ ବିଲିୟନ ଡଲାରର କ୍ରୟ ଚୁକ୍ତି ଟ୍ୱିଟରର ଅଂଶୀଦାରମାନଙ୍କ ଦ୍ୱାରା ଅନୁମୋଦିତ ହୋଇଥିଲା।
