ଭୁବନେଶ୍ୱର (ସତ୍ୟପାଠ ବ୍ୟୁରୋ): NEET-UG 2026 ପୁନଃପରୀକ୍ଷା ପ୍ରଶ୍ନପତ୍ର ଲିକ୍ କିମ୍ବା ବିକ୍ରୟ ସମ୍ପର୍କରେ ସୋସିଆଲ ମିଡିଆରେ ପ୍ରସାରିତ ହେଉଥିବା ଦାବିକୁ ଜାତୀୟ ପରୀକ୍ଷା ଏଜେନ୍ସି (NTA) ଖାରଜ କରିଛି । ଏହା ସହ ଏପରି ବିଷୟବସ୍ତୁ ପ୍ରସାରଣ କରୁଥିବା ଲୋକଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାବନୀ ଦେଇଛି। X ଉପରେ ଏକ ବିବୃତ୍ତିରେ, ଏଜେନ୍ସି କହିଛି ଯେ NEET-UG 2026 ପୁନଃପରୀକ୍ଷା ପତ୍ରର “ଲିକ୍”, ଆଗୁଆ ପ୍ରବେଶ କିମ୍ବା “ବିକ୍ରୟ” ଦାବି କରୁଥିବା ମେସେଜଗୁଡ଼ିକ ଛାତ୍ର ଏବଂ ଅଭିଭାବକମାନଙ୍କୁ ଭ୍ରମିତ କରିବା ପାଇଁ କରାଯାଉଛି । “ନ୍ୟାସନାଲ ଟେଷ୍ଟିଂ ଏଜେନ୍ସି (NTA) ସୋସିଆଲ ମିଡିଆ ଏବଂ ମେସେଜିଂ ପ୍ଲାଟଫର୍ମରେ NEET (UG) 2026 ପୁନଃପରୀକ୍ଷା ପ୍ରଶ୍ନପତ୍ରର ‘ଲିକ୍’, ଆଗୁଆ ପ୍ରବେଶ କିମ୍ବା ବିକ୍ରୟର ଦାବି ଦେଖିବାକୁ ମିଳିଛି । ଏହା ସହିତ ଏପରି ବିଷୟବସ୍ତୁ “ସଂଗଠିତ ଠକେଇ ରାକେଟ” ଦ୍ୱାରା ପ୍ରସାରିତ ହେଉଛି ଯାହା ପ୍ରାର୍ଥୀ ଏବଂ ସେମାନଙ୍କ ପରିବାରର ଚିନ୍ତାକୁ ନକଲି ପ୍ରଶ୍ନପତ୍ର ବିକ୍ରୟ କରି ଫାଇଦା ଉଠାଇବାକୁ ଚାହୁଁଛି।
ଏପରି ବିଷୟବସ୍ତୁ ସଂଗଠିତ ଠକେଇ ରାକେଟର କାମ । ସେମାନଙ୍କର ଉଦ୍ଦେଶ୍ୟ ହେଉଛି ନକଲି ‘ପତ୍ରପତ୍ର’ ବିକ୍ରୟ କରି ଟଙ୍କା ଆଦାୟ କରିବା । ଏବଂ ପ୍ରସାରିତ ହେଉଥିବା ପ୍ରତ୍ୟେକ ଏପରି ଦାବି ଏକ ମିଥ୍ୟା ବୋଲି ଏଜେନ୍ସି କହିଛି। ଏହା ସହ ପରୀକ୍ଷା ପ୍ରକ୍ରିୟାର ଅଖଣ୍ଡତା ସମ୍ପୂର୍ଣ୍ଣ ଅକ୍ଷୁର୍ଣ୍ଣ ଅଛି । ଏବଂ ସମସ୍ତ ପ୍ରାର୍ଥୀଙ୍କ ପାଇଁ ଏକ ନିରପେକ୍ଷ ଏବଂ ସୁରକ୍ଷିତ ପରୀକ୍ଷା ସୁନିଶ୍ଚିତ କରିବା ପାଇଁ ସମସ୍ତ ପ୍ରକାରର ସୁରକ୍ଷା ବ୍ୟବସ୍ଥା ରହିଛି ବୋଲି ଏଜେନ୍ସି କହିଛି।
