(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଦୀର୍ଘ ଆଠ ମାସରୁ ଅଧିକ ସମୟ ଧରି କୃଷକ ମାନେ ଦିଲ୍ଲୀ ସୀମାରେ ଆନ୍ଦୋଳନ ଜାରି ରଖିଛନ୍ତି। ତିନି କୃଷି ଆଇନ ବିରୋଧରେ ଚାଲିଥିବା ଏହି ଆନ୍ଦୋଳନକୁ ନେଇ ବିଭିନ୍ନ ବିଜେପି ଶାସିତ ରାଜ୍ୟରେ କୃଷକ ମାନେ ଆନ୍ଦୋଳନ ଜାରି ରଖିଛନ୍ତି। ସ୍ବାଧୀନତା ଦିବସ ଅବସରରେ କୃଷକମାନେ ଭାଜପା ଶାସିତ ହରିୟାଣାରେ ଟ୍ରାକ୍ଟର ପାରେଡ କାଢିବାକୁ ଘୋଷଣା କରିଛନ୍ତି। ଏହାର କାଉଣ୍ଟରରେ ବିଜେପି ତ୍ରିରଙ୍ଗା ଯାତ୍ରା କରିବାକୁ ଘୋଷଣା କରିଛି। ତେବେ ଟ୍ରାକ୍ଟର ପାରେଡ ପୂର୍ବରୁ ବି.କେ.ୟୁ ମୁଖପାତ୍ର ରାକେଶ ଟିକାୟତ ସମସ୍ତ ଚାଷୀ ମାନଙ୍କୁ ଚେତାବନୀ ଦେଇଛନ୍ତି। ଟିକାୟତ କହିଛନ୍ତି ଯେ ବିଜେପି ଲୋକମାନେ କୃଷକ ରୂପରେ ଛଦ୍ମବେଶରେ ଆସି ତ୍ରିରଙ୍ଗାକୁ ବଦନାମ କରି ଯାତ୍ରା ବନ୍ଦ କରିବାକୁ ପ୍ରୟାସ କରିବେ । ଏଥିପ୍ରତି ସତର୍କ ରହିବାକୁ ସେ ଚାଷୀ ମାନଙ୍କୁ ସତର୍କ କରାଇଛନ୍ତି। ଏହା ବ୍ୟତୀତ ସେ କହିଛନ୍ତି ଅଗଷ୍ଟ ୧୫ରେ ବିଜେପିର ତ୍ରିରଙ୍ଗା ଯାତ୍ରାରେ ଜାତୀୟ ପତାକାକୁ କେହି ଅସମ୍ମାନ ନକରିବା ପାଇଁ ସେ ଚେତାବନୀ ଦେଇଛନ୍ତି।
ବି.କେ.ୟୁ ନେତା ଟିକାୟତଙ୍କ ପକ୍ଷରୁ କୁହାଯାଇଥିଲା, “ହରିୟାଣାରେ ବିଜେପିର ତ୍ରିରଙ୍ଗା ଯାତ୍ରା ହେଉଛି କୃଷକ ଆନ୍ଦୋଳନକୁ ବଦନାମ କରିବା ପାଇଁ ଷଡ଼ଯନ୍ତ୍ର। ହରିୟାଣାର ସମସ୍ତ କୃଷକଙ୍କୁ ମୋର ନିବେଦନ ହେଉଛି ଯେ କୌଣସି କୃଷକ ସାଥୀ 15 ଅଗଷ୍ଟରେ ତ୍ରିରଙ୍ଗା ଯାତ୍ରାକୁ ବିରୋଧ କରିବେ ନାହିଁ। ତ୍ରିରଙ୍ଗା ହେଉଛି ଦେଶର ଗର୍ବ, ତେଣୁ ମୁଁ ମୋର ସମସ୍ତ ଯୁବକ ଭାଇ ଓ କୃଷକ ସାଥୀ ମାନଙ୍କୁ କହିବାକୁ ଚାହୁଁଛି ଯେ ଯଦି ତୁମେ ମାନେ ବିଜେପିର ଏହି ତ୍ରିରଙ୍ଗା ଯାତ୍ରାକୁ ବନ୍ଦ କର, ତେବେ ସେମାନେ କହିବେ ଯେ ତୁମେ ତ୍ରିରଙ୍ଗାର ଅପମାନ କରୁଛ। ସେ ଆହୁରି ମଧ୍ୟ କହିଛନ୍ତି ଯେ ସେମାନେ ଆମ ଭଳି ଛଦ୍ମବେଶୀ ହୋଇ ଆସିବେ ଏବଂ ଜାତୀୟ ପତାକାକୁ ବଦନାମ କରିବା ପାଇଁ ଚେଷ୍ଟା କରିବା । “
ସୂଚନା ଅନୁଯାୟୀ, ଅଗଷ୍ଟ 15 ରେ କୃଷକ ମାନେ ହରିୟାଣାରେ ଏକ ଟ୍ରାକ୍ଟର ପ୍ୟାରେଡ କରିବା ପାଇଁ ପ୍ରସ୍ତୁତି ଚଳାଇଛନ୍ତି। ପ୍ୟାରେଡରେ ଜାତୀୟ ପତାକା ଏବଂ କିସାନ ପତାକା ଟ୍ରାକ୍ଟରରେ ଲଗାଯିବ ଏବଂ ଏହି ପ୍ୟାରେଡ ଟୋଲ ପ୍ଲାଜାର ବିରୋଧ ସ୍ଥଳରୁ ଆରମ୍ଭ ହୋଇ ସେଠାରେ ଶେଷ ହେବ।
ସୂଚନା ଥାଉକି ଗତ ବର୍ଷ କେନ୍ଦ୍ର ସରକାର ଆଣିଥିବା କୃଷି ଆଇନକୁ ବିରୋଧ କରୁଥିବା କୃଷକମାନେ ହରିୟାଣାରେ ବିଜେପି-ଜେଜେପି ନେତାଙ୍କ ସାଧାରଣ କାର୍ଯ୍ୟକ୍ରମରେ କ୍ରମାଗତ ଭାବରେ ବିରୋଧ କରିଆସୁଛନ୍ତି।
ତିନୋଟି କୃଷି ନିୟମ ବିରୁଦ୍ଧରେ କୃଷକଙ୍କ ଆନ୍ଦୋଳନକୁ ବର୍ତ୍ତମାନ ସୁଦ୍ଧା ଆଠ ମାସ ବିତିଗଲାଣି। ସରକାରଙ୍କ ସହ 10 ରୁ ଅଧିକ ରାଉଣ୍ଡ ଆଲୋଚନା ହୋଇଥିବା ସତ୍ତ୍ୱେ ଏ ପର୍ଯ୍ୟନ୍ତ କୌଣସି ସୁଫଳ ମିଳି ନାହିଁ।
