ରାଜ୍ୟ ଗୋଷ୍ଠୀ କ୍ରୀଡ଼ା; ମହିଳା କୁସ୍ତିରେ ଭାରତ ପାଇଁ ସ୍ବର୍ଣ୍ଣ ପଦକ ହାସଲ କଲେ ସାକ୍ଷୀ ମଲ୍ଲିକ

ଭୁବନେଶ୍ୱର ( ସତ୍ୟପାଠ ବ୍ୟୁରୋ ): ରାଜ୍ୟ ଗୋଷ୍ଠୀ କ୍ରୀଡ଼ାରେ ଭାରତକୁ କୁସ୍ତିରେ ଆଉ ଏକ ସ୍ୱର୍ଣ୍ଣ ପଦକ ମିଳିଛିି । ୬୨ କେଜି ବର୍ଗ ମହିଳା କୁସ୍ତିରେ ସାକ୍ଷୀ ମଲ୍ଲିକ ଅଂଶ ଗ୍ରହଣ କରି ସ୍ୱର୍ଣ୍ଣ ପଦକ ହାସଲ କରିଛନ୍ତି । ସାକ୍ଷୀ ମଲିକ ମହିଳା ୬୨ କିଗ୍ରା ଫ୍ରିଷ୍ଟାଇଲ୍ ଇଭେଣ୍ଟ୍‌ରେ କାନାଡ଼ାର ଗୋଡିନେଜ୍ ଗୋଞ୍ଜାଲେଜ୍‌ଙ୍କୁ ଫଲ୍‌ରେ ପରାସ୍ତ କରି ସ୍ୱର୍ଣ୍ଣପଦକ ହାସଲ କରିଛନ୍ତି ।

ଏଥିସହ ସାକ୍ଷୀ ମଧ୍ୟ କ୍ରମାଗତ ଭାବେ ରାଜ୍ୟଗୋଷ୍ଠୀ କ୍ରୀଡ଼ାରେ ତୃତୀୟ ପଦକ ଜିତିଛନ୍ତି । ସାକ୍ଷୀ ଚଳିତ ସଂସ୍କରଣରେ ଦେଶକୁ ଅଷ୍ଟମ ସ୍ୱର୍ଣ୍ଣପଦକ ପ୍ରଦାନ କରିଛନ୍ତି । ସ୍ୱର୍ଣ୍ଣପଦକ ବିଜୟଜନିତ ସଫଳତା ପାଇଁ ସାକ୍ଷୀଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଭିନନ୍ଦନ ଜଣାଇଛନ୍ତି । ଏବେ ସୁଦ୍ଧା ଭାରତକୁ ରାଜ୍ୟଗୋଷ୍ଠି କ୍ରୀଡ଼ାରେ ୨୩ଟି ପଦକ ମିଳିଲାଣି। ଏଥି ମଧ୍ୟରେ ୮ଟି ସ୍ୱର୍ଣ୍ଣ, ୮ଟି ରୌପ୍ୟ ଓ ୭ଟି ବ୍ରୋଞ୍ଜ ପଦକ ସାମିଲ ରହିଛି ।

Related Posts