(ସତ୍ୟପାଠ ବ୍ୟୁରୋ) ଭୁବନେଶ୍ୱର :
• ମାଷ୍ଟରକ୍ୟାଟିନ ଛକରେ ଛାତ୍ର କଂଗ୍ରେସର ବିଶାଳ ବିକ୍ଷୋଭ
• ଯୁକ୍ତ ଦୁଇ ଡ୍ରପଆଉଟ ଓ ଏକ୍ସରେଗୁଲାର ଛାତ୍ରଙ୍କ ପାଇଁ ନ୍ୟାୟ ଦାବି କଲା ଛାତ୍ର କଂଗ୍ରେସ
ଆଜି ପ୍ରଦେଶ ଛାତ୍ର କଂଗ୍ରେସ ପକ୍ଷରୁ ସଭାପତି ୟାସିର ନୱାଜଙ୍କ ନେତୃତ୍ବରେ ଷ୍ଟାଫ ସିଲେକସନ କମିଶନ ନିଯୁକ୍ତି ଦୁର୍ନୀତି ପ୍ରସଙ୍ଗ ଓ ହତ୍ୟାକାରୀ ଆଇନମନ୍ତ୍ରୀ ପ୍ରତାପ ଜେନାଙ୍କ ବହିଷ୍କାର ଓ ଗିରଫ ଦାବିରେ ବିଧାନସଭା ଘେରାଉ କଲା ପ୍ରଦେଶ ଛାତ୍ର କଂଗ୍ରେସ । ଏଥୁ ସହ ଯୁକ୍ତ ଦୁଇ ଡ୍ରପଆଉଟ ଓ ଏକ୍ସ ରେଗୁଲାର ଛାତ୍ରଙ୍କ ମୂଲ୍ୟାୟନରେ ହୋଇଥିବା ପକ୍ଷପାତିତାକୁ ପ୍ରଦେଶ ଛାତ୍ର କଂଗ୍ରେସ ବିରୋଧ କରିଥିଲା । ପ୍ରଦେଶ ଛାତ୍ର କଂଗ୍ରେସ ସଭାପତି ଶ୍ରୀ ନୱାଜ ପ୍ରଥମେ ଦିବଂଗତ କଂଗ୍ରେସ ନେତା ସଂଗ୍ରାମ ଜେନାଙ୍କର ଅମର ଆତ୍ମା ପ୍ରତି ସମ୍ମାନ ଜଣାଇ ଏବଂ ତାଙ୍କର ସ୍ମୃତିଚାରଣ କରି ବିକ୍ଷୋଭ ସଭାକାର୍ଯ୍ୟ ଆରମ୍ଭ କରିଥିଲେ ।
ଶ୍ରୀ ନୱାଜ କହିଥିଲେ ଯେ ନବୀନ ସରକାର ଦୀର୍ଘ ୨୧ ବର୍ଷ ଧରି ସରକାରୀ ଚାକିରୀକୁ ବିକ୍ରି କରିଚାଲିଛନ୍ତି । ଛାତ୍ର ସମାଜ ଏବଂ ବେକାର ଯୁବକ ଯବୁତୀଙ୍କୁ ଭୁଆଁ ବୁଲାଇବା ପାଇଁ ନିର୍ବାଚନୀ ଇସ୍ତାହାରରେ ଲେଖିଥଲେ ବର୍ଷକୁ ୨ ଲକ୍ଷ ଚାକିରୀ ଦେବେ । ବେକାରୀ ଯୁବକ ଯୁବତୀମାନଙ୍କ ଠାରୁ ଭୋଟ ଲୁଟିନେଲେ ହେଲେ ଚାକିରୀ ଦେବେ କ’ଣ ଓଡ଼ିଶାବାସୀ ଜାଣିବାକୁ ପାଇଲେ – “ ନବୀନ ହାଟରେ ଚାକିରୀ ବିକିରି ” ।
ବିଧାନସଭା ଭଳି ପବିତ୍ର ଗୃହର ମର୍ଯ୍ୟାଦାକୁ ହାନି କରି ଜଣେ ମନ୍ତ୍ରୀ କହୁଛନ୍ତି ଷ୍ଟାଫ ସିଲେକସନ କମିଶନରେ ଦୁର୍ନୀତି ହୋଇନାହିଁ । ଷ୍ଟାଫସିଲେକସନ ଦୁର୍ନୀତିର ସମସ୍ତ ପାପକୁ ଜଣେ କିରାଣୀ ମୁଣ୍ଡରେ ଲଦିଦେଇ ନବୀନ ସରକାର ନିଜକୁ ସ୍ଵଚ୍ଛବୋଲି କହୁଛନ୍ତି । ଷ୍ଟାଫସିଲେକସନ କମିଶନ ନିବୀନ ପଟ୍ଟନାୟକଙ୍କର ନିଜସ୍ବ ବିଭାଗର ଅଧୁନ । ଏଣୁ ଏ ସମସ୍ତ ପାପକୁ ଲୁଚେଇ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜେ ଚକ୍ରାନ୍ତ କରୁଛନ୍ତି ବୋଲି ଶ୍ରୀ ନୱାଜ ଅଭିଯୋଗ କରିଛନ୍ତି ।
ଷ୍ଟାଫସିଲେକସନ କମିଶନର ଅଧ୍ୟକ୍ଷ ଓ ସମସ୍ତ ସଭ୍ୟ ଏବଂ ୨୧ ବର୍ଷଧରି ଯେଉଁମାନେ ଅଧ୍ୟକ୍ଷ ଥିଲେ ଏବଂ ଯେଉଁମାନେ ସଭ୍ୟଥଲେ ସେ ସମସ୍ତଙ୍କୁ ତଦନ୍ତ ପରିସରକୁ ଅଣାଯାଇ ତାଙ୍କ ବିରୁଦ୍ଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଛାତ୍ର କଂଗ୍ରେସ ଦାବି କରିବା ସହ ନବୀନ ସରକାରର ଛାତ୍ରଛାତ୍ରୀ ଓ ବେକାର ଯୁବକଯୁବତୀ ମାନଙ୍କ ପ୍ରତି ବିଶ୍ବାସଘାତକତା ଓ ବେଇମାନିକୁ ଛାତ୍ର କଂଗ୍ରେସ ନିନ୍ଦା କରୁଛି ।
ଅନ୍ୟ ପକ୍ଷରେ ବିଜେଡ଼ି ଦଳର ଅତ୍ୟେକ ମନ୍ତ୍ରୀ ଓ ବିଧାୟକ ଭୟଙ୍କର ଅପରାଧରେ ସଂପୃକ୍ତ ବୋଲି ଶ୍ରୀ ନୱାଜ ଅଭିଯୋଗ କରିଛନ୍ତି ଏବଂ ନବୀନ ସରକାର ୨୧ ବର୍ଷ ଧରି ଅପରାଧୀମାନଙ୍କୁ ପ୍ରୋତ୍ସାହନ ଦେଉଛନ୍ତି । ମାହାଙ୍ଗା ଡବଲ ମର୍ଡର ଘଟଣାରେ ସଂପୃକ୍ତ ଆଇନ ମନ୍ତ୍ରୀ ପ୍ରତାପ ଜେନା ନବୀନ ବାବୁଙ୍କ ଛତ୍ରଛାୟା ତଳେ ସୁରକ୍ଷିତ ।
ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ମାହାଙ୍ଗା ଥାନା ମନ୍ତ୍ରୀଙ୍କ ନାମକୁ ଚାର୍ଜସିଟ୍ ହଟେଇଛନ୍ତି ବୋଲି ଶ୍ରୀ ନୱାଜ ଅଭିଯୋଗ କରିଛନ୍ତି । ମୃତ କୁଳମଣି ବରାଳଙ୍କ ପୁତ୍ର ସାଲେପୁର ଜେଏମଏଫସି କୋର୍ଟରେ ଆବେଦନ କରିବା ପରେ ମାନ୍ୟବର କୋର୍ଟ ଘଟଣାର ଗୁରୁତ୍ୱକୁ ଉପଲଛି କରି ମନ୍ତ୍ରୀଙ୍କ ବିରୋଧରେ ତଦନ୍ତ ନିର୍ଦ୍ଦେଶ ଦେଇଥିବାରୁ ମାନ୍ୟବର କୋର୍ଟଙ୍କୁ ଛାତ୍ର କଂଗ୍ରେସ କୃତଜ୍ଞତା ଜଣାଇଛି । ଏ ରାଜ୍ୟର ଛାତ୍ରଛାତ୍ରୀ ଓ ବେକାର ଯୁବକଯୁବତୀ ନ୍ୟାୟ ନପାଇବା ପର୍ଯ୍ୟନ୍ତ ଏବଂ ମନ୍ତ୍ରୀ ପ୍ରତାପ ଜେନାଙ୍କୁ ବହିଷ୍କାର ଓ ଗିରଫ ନକରିବା ପର୍ଯ୍ୟନ୍ତ ଛାତ୍ର କଂଗ୍ରେସ ଆନ୍ଦୋଳନ ଜାରି ରଖିବ ବୋଲି ସେ କହିଥିଲେ ।
ଏହି କାର୍ଯ୍ୟକ୍ରମରେ ଅଖିଳ ଭାରତ ଛାତ୍ର କଂଗ୍ରେସର ସଂପାଦିକା ତଥା ଓଡ଼ିଶା ପ୍ରଭାରୀ ସୁଶ୍ରୀ ଅନୁଲେଖା ବୋଷା କହିଥିଲେ ଯେ ଷ୍ଟାଫସିଲେକସନ ବୁର୍ନୀତି ପ୍ରସଙ୍ଗରେ ଛାତ୍ର କଂଗ୍ରେସର ଆନ୍ଦୋଳନ ତୃଣମୂଳ ସ୍ତରରେ ପଂହଚିଛି । ୩୦ଟି ଜିଲ୍ଲାର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏବଂ ବ୍ଲକ କାର୍ଯ୍ୟାଳୟ ସମ୍ମୁଖରେ ମଧ୍ୟ ଛାତ୍ର କଂଗ୍ରେସ ଆନ୍ଦୋଳନ କରିଛି । ଓଡ଼ିଶାର ବିଭିନ୍ନ ବିଶ୍ବବିଦ୍ୟାଳୟ ଓ ମହାବିଦ୍ୟାଳୟ ସମ୍ମୁଖରେ ଏହି ପ୍ରସଙ୍ଗରେ ଛାତ୍ର କଂଗ୍ରେସ ଦସ୍ତଖତ ଅଭିଯାନ କରିଥିଲା । ସେ କହିଥିଲେ ନବୀନ ସରକାର ଅମଳରେ ଆଇନ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ । ଦୁର୍ନୀତିକୁ ଯିଏ ବିରୋଧ କରୁଛି ନବୀନ ସରକାରଙ୍କ ମନ୍ତ୍ରୀ ସେମାନଙ୍କୁ ହତ୍ୟା କରୁଛନ୍ତି ।
ଏହି କାର୍ଯ୍ୟକ୍ରମରେ ବିଧାୟକ ସୁରେଶ କୁମାର ରାଉତରାୟ , ଗଣେଶ୍ୱର ବେହେରା , ଦେବାଶିଷ ପଟ୍ଟନାୟକ , ସତ୍ୟପ୍ରକାଶ ନାୟକ , ରଜତ ଚୌଧୁରୀ , ବିଶ୍ୱଜିତ ଦାଶ , ଅଜୟ କୁମାର ସାହୁ , ମନ୍ମଥ ରାଉତରାୟ , ମନୋକ ବିଶ୍ୱାଳ , ମନୋଜ ରାଉତ , ଆଲୋକ ଲେଙ୍କା , ରାଜୀବ ପଟ୍ଟନାୟକ , ରଞ୍ଜିତ ପାତ୍ର , ସ୍ଵାଗତ କର , ନିହାର ବେହେରା , ସଂକୁନା କହଁର , ମହମ୍ମଦ ଗୁଲଫାମ , ରଞ୍ଜିତ ସେନାପତି , ବଟକୃଷ୍ଣ ରାଉତରାୟ , ଜୟନ୍ତ ଭୋଇ , ସୁନିଲ କୁମାର ମାଟିଆ , ବଳାରାମ ନିନ୍ଦ , ସାଗର ପଟ୍ଟନାୟକ , କାର୍ତ୍ତିକେଶ୍ବର କାଣ୍ଡି , ଅବିନାଶା ନନ୍ଦ , ବାବୁ ଜେନା , ନିରଞ୍ଜନ ଦାସ , ସୁବ୍ରତ ମହାପାତ୍ର , ଜୟକୃଷ୍ଣ ସୁବୁଦ୍ଧି , ଆଦିତ୍ୟ ପ୍ରିତମ ଦାସ , ଅଭିରାମ ଗୌଡ , ବିକାଶ ପଶୁପାଳକ , ଅଙ୍କିତ ସାହୁ , ଆଜାତ ପତି , ସୁନିଲ ନାୟକ , ନବିତା କୌର , ଲିପିକା ପାତ୍ର , ଭାଗ୍ୟଶ୍ରୀ ମହାନ୍ତି , ପ୍ରିତମ ପରିଜା , ଲୁଲୁ ପାଣିଗ୍ରାହୀ , ସୌମ୍ୟ ପଟ୍ଟନାୟକ , ଅଜିତ ବାରିକ , ସନ୍ଦିପ ରାଉତ , ପ୍ରତ୍ୟୁଷ ପ୍ରଧାନ , ସୁନିଲ ସାହୁ , ଦୈଜଲ ଅହମ୍ମଦ , ଅରମାନ ଜେନା , ଅଖୁଳେଷ ଯାଦବ , ନିତେଶ ବେହେରା , ସୁଭାଷ ପ୍ରଧାନ , ସୌମ୍ୟ ରଞ୍ଜନ ଜେନା , ବିଶ୍ବଭୂଷଣ ମହାପାତ୍ର , ବିଭୁତି ମହାପାତ୍ର , ସାହରୁଖ ମହମ୍ମଦ , ଅମିତ କୁଅଁର , ଦୀପକ ମହାନ୍ତି , ସୌମ୍ୟ ବରାଳ , ସନ୍ଦିପ ରାଉତ , ସୂର୍ଯ୍ୟକାନ୍ତ ସାହୁ , ସୌରଭ ପଟ୍ଟନାୟକ , ଳରାମ ନନ୍ଦ , କୁମାର ଦାସ , ଆଦିତ୍ୟ କହଁର , ଶୁଭମ ଦାସ ପ୍ରମୁଖ ଅଂଶଗ୍ରହଣ କରିଥିଲେ ।
ବିକ୍ଷୋଭ ପରେ ଛାତ୍ର କଂଗ୍ରେସ ସଭାପତି ଶ୍ରୀ ୟାସିର ନୱାଜ ଓ ପ୍ରଭାରୀ ଅନୁଲେଖା ବୋଷାଙ୍କ ନେତୃତ୍ୱରେ ବିଧାନସଭା ଆଡ଼କୁ ଛାତ୍ରକଂଗ୍ରେସ କର୍ମୀମାନେ ଘେରାଉ ପାଇଁ ମାଡ଼ିଚାଲିଥିଲେ । ଅପର ପିଏମଜି ଠାରେ ପୋଲିସ ଏବଂ ଛାତ୍ର କଂଗ୍ରେସ କର୍ମକର୍ତ୍ତାଙ୍କ ମଧ୍ୟରେ ଯୋରଦାର ଲଢ଼େଇ ହେଇଥିଲା । ପ୍ରାୟ ୫ ଶହରୁ ଉର୍ଦ୍ଧ୍ଵ ଛାତ୍ରଛାତ୍ରୀଙ୍କୁ ପୋଲିସ ଗିରଫ କରିଥିଲା ଏବଂ ସାରା ରାଜ୍ୟର ୭ ହଜାରରୁ ଉର୍ଦ୍ଧ୍ଵ ଛାତ୍ରଛାତ୍ରୀ , ଛାତ୍ର କଂଗ୍ରେସ କର୍ମୀ ଓ ନେତା ଅଂଶଗ୍ରହଣ କରିଥିଲେ ।
