ଇସଲାମାବାଦ୍ : ପାକିସ୍ତାନର ଅଶାନ୍ତ ଅଞ୍ଚଳ ଉତ୍ତର ଓ୍ବଜରିସ୍ତାନରେ ଘଟିଛି ଏକ ବଡ଼ ଅଘଟଣ । ଏକ ଆତ୍ମଘାତୀ ଆକ୍ରମଣରେ ସୈନ୍ୟ ବାହିନୀର ୪ ସୈନ୍ୟଙ୍କ ମୃତ୍ୟୁ ଘଟିଛି। ଏହି ଆକ୍ରମଣ ପାଇଁ ଏକ ତିନି ଚକିଆ ଯାନ ବ୍ୟବହାର କରାଯାଇଥିଲା।
ଏହି ରିକ୍ସା ସେନା ଗାଡି ସହିତ ଧକ୍କା ହୋଇଥିଲା ଏବଂ ଏକ ଶକ୍ତିଶାଳୀ ବିସ୍ଫୋରଣ ଘଟିଥିଲା। ଏହି ଆକ୍ରମଣରେ ଅନ୍ୟ ୭ ଜଣ ଆହତ ହୋଇଛନ୍ତି।
ପାକିସ୍ତାନ ସେନାର ମିଡିଆ ୱିଙ୍ଗ ଏହି ବିସ୍ଫୋରଣକୁ ନିଶ୍ଚିତ କରିଛି। ଉତ୍ତର ୱଜରିସ୍ତାନ ଜିଲା ଖାଇବର ପସ୍ତୁନଖ୍ବା ପ୍ରଦେଶ ଅନ୍ତର୍ଗତ ଅଞ୍ଚଳରେ ଏହା ଘଟିଛି। ଆକ୍ରମଣ ଜିଲାର ମିର ଅଲି ତହସିଲର ପତାସୀ ଚେକପୋଷ୍ଟ ନିକଟରେ ଘଟିଛି। ପାକିସ୍ତାନ ଇଣ୍ଟର ସର୍ଭିସେସ ଲୋକସମ୍ପର୍କ ଏହି ସୂଚନା ଦେଇଛି। ଆହତଙ୍କ ମଧ୍ୟରେ ତିନି ଜଣ କନଷ୍ଟେବଳ, ଦୁଇ ନାଏକ ର଼୍ୟାଙ୍କର ସୈନିକ ଏବଂ ଦୁଇ ଜଣ ସାଧାରଣ ନାଗରିକ ଅଛନ୍ତି। ଏହି ଆତ୍ମଘାତୀ ଆକ୍ରମଣକୁ ନେଇ ପାକିସ୍ତାନ ପ୍ରଧାନମନ୍ତ୍ରୀ ଶାହାବାଜ ସରିଫ ଶୋକ ପ୍ରକାଶ କରିଛନ୍ତି।
ଏହା ସହିତ ସେ ଆତଙ୍କବାଦକୁ ଦୂର କରିବା ପାଇଁ ଦେଶର ସଂକଳ୍ପକୁ ପୁନରାବୃତ୍ତି କରିଥିଲେ। ଏହି ଆକ୍ରମଣକୁ ନିନ୍ଦା କରି ସେ କହିଛନ୍ତି ଯେ ଆତଙ୍କବାଦୀଙ୍କୁ ସେମାନଙ୍କର ନିଷ୍ଠୁର ଡିଜାଇନରେ ସଫଳ ହେବାକୁ ଦିଆଯିବ ନାହିଁ।
ତେହେରିକ-ତାଲିବାନ ପାକିସ୍ତାନ ଟିଟିପି ବନ୍ଦ ଡାକରା ଦେବା ସତ୍ତ୍ୱେ ଆତଙ୍କବାଦୀମାନେ ଆଦିବାସୀ ଜିଲାରେ ସୁରକ୍ଷା ବାହିନୀ ଉପରେ ଆକ୍ରମଣକୁ ଜୋରଦାର କରିଛନ୍ତି। ଏହାପୂର୍ବରୁ ଜୁଲାଇ ୪ ରେ ଉକ୍ତ ଅଞ୍ଚଳରେ ସୁରକ୍ଷା ବାହିନୀର ଏକ ଦଳ ଉପରେ ଆତ୍ମଘାତୀ ଆକ୍ରମଣ ହୋଇଥିଲା। ଏଥିରେ ଅତି କମରେ ୧୦ଜଣ ସୁରକ୍ଷା କର୍ମୀ ଆହତ ହୋଇଥିଲେ।
