ଭୁବନେଶ୍ୱର (ସତ୍ୟପାଠ ବ୍ୟୁରୋ): ଖାଦ୍ୟ ସୁରକ୍ଷା ଆଇନକୁ କଡାକଡି କରିବାକୁ କେନ୍ଦ୍ର ସରକାର ଏବଂ FSSAI କୁ ନୋଟିସ୍ ଜାରି କଲେ ସୁପ୍ରିମ୍କୋର୍ଟ । ତେବେ ଦେଶରେ ଅସୁରକ୍ଷିତ ଏବଂ ଭେଜାଲ ଖାଦ୍ୟ ବିକ୍ରିକୁ ରୋକିବାରେ ବର୍ତ୍ତମାନର ଆଇନ ଫେଲ୍ ମାରିଛି। ଏହିଭଳି ଏକ ସମ୍ବେଦନଶୀଳ ଆବେଦନ ଉପରେ ଶୁଣାଣି କରି ଜଷ୍ଟିସ ବିକ୍ରମ ନାଥ ଏବଂ ଜଷ୍ଟିସ ସନ୍ଦୀପ ମେହେଟ୍ଟାଙ୍କ ଖଣ୍ଡପୀଠ କେନ୍ଦ୍ର ସରକାର ଏବଂ ଭାରତୀୟ ଖାଦ୍ୟ ସୁରକ୍ଷା ଓ ମାନକ ପ୍ରାଧୀକରଣ ବା FSSAI କୁ ନୋଟିସ୍ ଜାରି କରିଛନ୍ତି। ସେପଟେ ଖାଦ୍ୟ ସୁରକ୍ଷା ଆଇନ, ୨୦୦୬ ଅନୁଯାୟୀ, ନିମ୍ନମାନ ଖାଦ୍ୟ ପାଇଁ ସର୍ବାଧିକ ୫ ଲକ୍ଷ ଏବଂ ଅପମିଶ୍ରିତ ପାଇଁ ମାତ୍ର ୩ ଲକ୍ଷ ଟଙ୍କାର ଜରିମାନା ବ୍ୟବସ୍ଥା ରହିଛି।
କୋଟି କୋଟି ଟଙ୍କାର ବ୍ୟବସାୟ କରୁଥିବା ବଡ଼ କମ୍ପାନିଗୁଡ଼ିକ ପାଇଁ ଏହି ଜରିମାନା କେବଳ ଏକ ମାମୁଲି ‘ଖର୍ଚ୍ଚ’ ସଦୃଶ ହୋଇଯାଇଛି, ଯାହା ସେମାନଙ୍କ ମନରେ କୌଣସି ଭୟ ସୃଷ୍ଟି କରୁନାହିଁ। ତେଣୁ, କମ୍ପାନିଗୁଡ଼ିକର ବାର୍ଷିକ କାରବାର ବା ‘ଟର୍ଣ୍ଣଓଭର’ ଭିତ୍ତିରେ ଜରିମାନା ଧାର୍ଯ୍ୟ କରିବାକୁ ଦାବି କରାଯାଇଛି। ଏହି ଆବେଦନରେ ଉଇଏ ର ପରଫରମାନ୍ସ ଅଡିଟ୍ ରିପୋର୍ଟକୁ ମଧ୍ୟ ଉପସ୍ଥାପନ କରାଯାଇଛି। ରିପୋର୍ଟ ଅନୁଯାୟୀ, କୋର୍ଟ କହିଥିବା ୪୭ ପ୍ରତିଶତ ଜରିମାନା ଆଦାୟ ହୋଇପାରୁ ନାହିଁ।
ଏଥିସହିତ ସମଗ୍ର ଦେଶରେ ଖାଦ୍ୟ ସୁରକ୍ଷା ଅଧିକାରୀଙ୍କ ଘୋର ଅଭାବ ରହିଛି।ଚଳିତ ବର୍ଷ ମାର୍ଚ୍ଚ ୧୩ ତାରିଖରେ ରାଜ୍ୟସଭାରେ ଦିଆଯାଇଥିବା ତଥ୍ୟ ଅନୁଯାୟୀ, ଦେଶରେ ୪,୨୦୮ ସାଂସ୍କୃତିକ ପଦବୀ ମଧ୍ୟରୁ ମାତ୍ର ୨,୯୯୭ ଜଣ ଅଧିକାରୀ କାର୍ୟ୍ୟ କରୁଛନ୍ତି। ମଧ୍ୟାହ୍ନ ଭୋଜନରେ ବିଷାକ୍ତ ଖାଦ୍ୟ, କ୍ଷୀରରେ ଭେଜାଲ ଏବଂ ପ୍ୟାକେଜ୍ଡ ଫୁଡ୍ରେ କେମିକାଲ୍ ମିଶ୍ରଣ ନାଗରିକଙ୍କ ସମ୍ବିଧାନର ଅନୁଚ୍ଛେଦ ୨୧ ଅନ୍ତର୍ଗତ ‘ଜୀବନ ଜୀଇଁବାର ଅଧିକାର’ ଏବଂ ସ୍ୱାସ୍ଥ୍ୟ ସୁରକ୍ଷାକୁ ଉଲ୍ଲଂଘନ କରୁଛି। ଏଣୁ ଏହା ଉପରେ କଡ଼ା କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି।
