(ସତ୍ୟପାଠ ବ୍ୟୁରୋ) ଭୁବନେଶ୍ୱର: ସୁପ୍ରିମକୋର୍ଟ ଆଜି ବଡ ରାୟ ଶୁଣାଇଛନ୍ତି । ତେବେ ସାଂସଦ ଏବଂ ବିଧାୟକଙ୍କ ବିରୋଧରେ ଅପରାଧିକ ମାମଲା ହାଇକୋର୍ଟଙ୍କ ଅନୁମତି ବିନା ପ୍ରତ୍ୟାହାର କରାଯିବ ନାହିଁ ବୋଲି ସୁପ୍ରିମକୋର୍ଟ କହିଛନ୍ତି । ଏହା ସହ ସଂପୃକ୍ତ ହାଇକୋର୍ଟଙ୍କ ଅନୁମତି ବିନା ରାଜ୍ୟ ସରକାର ଏହି ମାମଲା ପ୍ରତ୍ୟାହାର କରିପାରିବେ ନାହିଁ ବୋଲି କୋର୍ଟ କହିଛନ୍ତି । ଅପରିପକ୍ଷରେ କେରଳ ମାମଲାରେ ସୁପ୍ରିମକୋର୍ଟଙ୍କ ନିକଟରେ ହୋଇଥିବା ନିଷ୍ପତ୍ତି ଆଧାରରେ ହାଇକୋର୍ଟ ମଧ୍ୟ ନିଷ୍ପତ୍ତି ନେବେ ବୋଲି ସୂଚନା ମିଳିଛି । କେବଳ ଏତିକି ନୁହେଁ ବରଂ ସମସ୍ତ ହାଇକୋର୍ଟର ରେଜିଷ୍ଟ୍ରାର ଜେନେରାଲ ସାଂସଦ ଏବଂ ବିଧାୟକଙ୍କ ବିରୋଧରେ କ ବିଚରାଧୀନ ସମାଧାନ ସମ୍ପର୍କରେ ସେମାନଙ୍କ ପ୍ରଧାନ ବିଚାରପତିଙ୍କୁ ଜଣାଇବା ଉଚିତ ବୋଲି ସୁପ୍ରିମକୋର୍ଟ କହିଛନ୍ତି ।
ଏହା ସହ ସାଂସଦ ଏବଂ ବିଧାୟକଙ୍କ ବିରୋଧରେ ବିଚାରାଧୀନ ମାମଲାର ଶୁଣାଣି ଜାରି ରଖିବାକୁ ସିବିଆଇ କୋର୍ଟ ଏବଂ ଅନ୍ୟାନ୍ୟ କୋର୍ଟ କୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ଅପରିପକ୍ଷରେ ସାଂସଦ ଏବଂ ବିଧାୟକଙ୍କ ବିରୋଧରେ ଅପରାଧିକ ମାମଲାର ଶୀଘ୍ର ସମାଧାନ ଓ ତଦାରଖ ପାଇଁ ସୁପ୍ରିମକୋର୍ଟ ଖୁବଶୀଘ୍ର ଏକ ସ୍ୱତନ୍ତ୍ର ବେଞ୍ଚ ଗଠନ କରିବା ପାଇଁ ଯାଉଛନ୍ତି ବୋଲି ସୂଚନା ମିଳିଛି । ଅନ୍ୟପଟେ ସାଂସଦ ଏବଂ ବିଧାୟକଙ୍କ ବିରୋଧରେ ବିଚାରାଧୀନ ମାମଲା ଉପରେ ସ୍ଥିତି ରିପୋର୍ଟ ଦାଖଲ ନକରିବାରୁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କ ଉପରେ ଅସନ୍ତୋଷ ବ୍ୟକ୍ତ କରିଛନ୍ତି। ଏନେଇ CJI ଏନଭି ରମଣ କହିଛନ୍ତି ସାଂସଦ ଏବଂ ବିଧାୟକଙ୍କ ସହ ଜଡିତ ବିଚାରାଧୀନ ମାମଲାରେ ଆମେ ଗୁରୁତର ହେବା ପାଇଁ କେନ୍ଦ୍ରକୁ ଅନୁରୋଧ କରିଥିଲୁ ।
କିନ୍ତୁ କେନ୍ଦ୍ର ସରକାର ଏନେଇ କୌଣସି ପଦକ୍ଷେପ ଗ୍ରହଣ କରିନଥିଲେ । ଅପରିପକ୍ଷରେ ଇଡିର ସ୍ଥିତି ରିପୋର୍ଟ ପେପରରେ ପ୍ରକାଶନ ପାଇବା ପରେ ସେ ଏନେଇ ଅସନ୍ତୋଷ ବ୍ୟକ୍ତ କରିଛନ୍ତି । ସେ କହିଛନ୍ତି ଏସବୁ ବିଷୟରେ ଆମେ ପେପର ପଢି ଜାଣୁଛୁ । ସମସ୍ତ ଗଣମାଧ୍ୟମ ଏହାକୁ ପ୍ରଥମେ ପାଇଯାଇଥାଏ । କିନ୍ତୁ ଏଜେନ୍ସି ଅଦାଲତକୁ ଏନେଇ କୌଣସି ତଥ୍ୟ ପ୍ରଦାନ କରେ ନାହିଁ । ଇଡିର ଆଫିଡେଭିଟ୍ ମଧ୍ୟ ଫର୍ମାଟରେ ନାହିଁ ଏବଂ ଏହା କେବଳ ଅଭିଯୁକ୍ତମାନଙ୍କୁ ତାଲିକାଭୁକ୍ତ କରିଛି । ଅନ୍ୟପଟେ ସ୍ଥିତି ରିପୋର୍ଟ ଦାଖଲ କରିବାକୁ ସୁପ୍ରିମକୋର୍ଟ ସିବିଆଇକୁ ଶେଷ ସୁଯୋଗ ଦେଇଛନ୍ତି। ତେବେ ଏହା କେବଳ ଦୁଇ ସପ୍ତାହ ସମୟ ମଧ୍ୟରେ ଦାଖଲ କରିବା ପାଇଁ ସୁପ୍ରିମକୋର୍ଟ କହିଛନ୍ତି ।
