ଚାନ୍ଦବାଲି: ଚୋରି କରିବା ସହିତ ମହିଳାଙ୍କୁ ଅସଦାଚରଣ କରିବା ଚୋରକୁ ପଡିଲା ମହଙ୍ଗା । ଗ୍ରାମବାସୀଙ୍କ ହାତରେ ଧରା ପଡ଼ିବା ପରେ ନିର୍ଦ୍ଧୁମ ଛେଚା ଖାଇଲା। ପରେ ଥାନାକୁ ଗଲା। ଭଦ୍ରକ ଚାନ୍ଦବାଲୀ ବ୍ଲକ ବାଂଶଡ଼ା ଥାନା ଅଧିନ ଚରଦିଆ ପଂଚାୟତରେ ଏଭଳି ଘଟଣା ଘଟିଛି।
ଜୟୀରାମ ମାଝୀ ନାମକ ଜଣେ ଯୁବକ ଅଲେଖ ମାଝୀଙ୍କ ଘରେ ପସି ଚୋରି କରିବା ସହ ମହିଳାଙ୍କୁ ଅସଦାଚରଣ କରିବା ସମୟରେ ପରିବାର ଲୋକେ ଚୋରକୁ ମାଡ଼ିବସିଥିଲେ। ଏହାପରେ ଦଉଡ଼ିରେ ବାନ୍ଧି ନିର୍ଦ୍ଧୁମ ପିଟିଥିଲେ। ଏହାପରେ ଗ୍ରାମବାସୀମାନେ ଆସି ଘଟଣା ସ୍ଥଳରେ ଠୁଳ ହୋଇଯାଇଥିଲେ। ଏହାପରେ ପୁଲିସକୁ ଖବର ଦିଆଯାଇଥିଲା।
ପୋଲିସ ଆସି ଚୋରକୁ ଗ୍ରାମବାସୀଙ୍କ ନିକଟରୁ ଉଦ୍ଧାର କରି ଥାନାକୁ ନେଇଛି। ଏହି ଘଟଣାରେ ଅଲେଖ ଜେନାଙ୍କ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ ପରେ ପୋଲିସ ବାଂଶଡ଼ା ଥାନାରେ କେଶ ନମ୍ବର ୩୭୪/୨୨ ମୂଳେ ଅଭିଯୁକ୍ତ ଜୟୀରାମ ମାଝୀଙ୍କୁ ଗରିଫ କରି କୋର୍ଟ ଚାଲାଣ କରିଛି l
