(ସତ୍ଯପାଠ ବ୍ୟୁରୋ) ଭୁବନେଶ୍ୱର : କରୋନାର ଡେଲ୍ଟା ଭାରିଏଣ୍ଟ ଏଵେ ସମଗ୍ର ବିଶ୍ୱରେ ବ୍ୟାପୁଥିବାରୁ ଏହା ବିରୋଧରେ ଟିକାର ବୁଷ୍ଟର ବା ଥାର୍ଡ ଡୋଜ୍ ଲୋକଙ୍କୁ ଦେବା ନେଇ ଅନେକ ଗୁଡ଼ିଏ ଦେଶ ଚିନ୍ତା କରୁଛନ୍ତି। କିନ୍ତୁ ବିଶ୍ୱ ସ୍ୱାସ୍ଥ୍ୟ ସଂଗଠନ ଏହାକୁ ବିରୋଧ କରିଛି । ଅତି କମରେ ସେପ୍ଟମ୍ବର ଶେଷ ଯାଏ ବୁଷ୍ଟର ଡୋଜ୍ ଉପରେ ସମସ୍ତ ରୋକ ଲଗାଇବା ଆବଶ୍ୟକ ବୋଲି WHO ମୁଖ୍ୟ ଟେଡ୍ରୋସ ଆଧାନୋମ ଘେବ୍ରିୟସ କହିଛନ୍ତି।
ଏହି ପ୍ରୟାସ ଦ୍ୱାରା ପ୍ରତି ଦେଶରେ ଅତି କମରେ ୧୦% ଲୋକଙ୍କ ଟିକାକରଣ ହୋଇପାରିବ ବୋଲି ସେ କହିଛନ୍ତି। ଟେଡ୍ରୋସ କହିଛନ୍ତି, “ମୁଁ ବୁଝି ପାରୁଛି ପ୍ରତିଟି ଦେଶ ସେମାନଙ୍କ ନାଗରିକଙ୍କ ସୁରକ୍ଷା ପାଇଁ ଚିନ୍ତିତ। ସେମାନେ ନିଜର ନାଗରିକଙ୍କୁ ଡେଲ୍ଟା ଭାରିଏଣ୍ଟରୁ ସୁରକ୍ଷା ଦେବାକୁ ଚାହୁଁଛନ୍ତି। କିନ୍ତୁ ବିଶ୍ୱ ଟିକା ଯୋଗାଣ ଅଧିକାଂଶ ଡୋଜ୍ ବ୍ୟବହାର କରି ସାରିଥିବା ଦେଶଗୁଡ଼ିକ ପୁଣି ଏହାର ଅତିରିକ୍ତ ଡୋଜ୍ ବ୍ୟବହାର ନକରିବା ପାଇଁ ଆମେ ପ୍ରସ୍ତାବ ଦେଉଛୁ ।
ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ସେପ୍ଟେମ୍ବର ଶେଷ ସୁଦ୍ଧା କୋଭିଡ ଟିକା ର ବୁଷ୍ଟର୍ ସଟ୍ ଉପରେ ମୋର୍ଚ୍ଚା ମାଗିଛି। ଗରିବ ଦେଶରେ ଟିକା ଯୋଗାଣର ଅଭାବ ହେତୁ WHO ଧନୀ ଦେଶମାନଙ୍କୁ ଏହି ଆବେଦନ କରିଛି। WHO ମହାନିର୍ଦ୍ଦେଶକ ଟେଡ୍ରୋସ୍ ଆଡାନୋମ୍ ଗେବ୍ରେଏସ୍ କହିଛନ୍ତି ଯେ ଲକ୍ଷ ଲକ୍ଷ ଲୋକ ଟୀକାକରଣର ପ୍ରଥମ ଡୋଜକୁ ଅପେକ୍ଷା କରିଥିବାବେଳେ କିଛି ଧନୀ ଦେଶ ବୁଷ୍ଟର ଡୋଜ ଆଡକୁ ଯାଉଛନ୍ତି।
WHO ମୁଖ୍ୟ କହିଛନ୍ତି, “ବର୍ତ୍ତମାନ ସୁଦ୍ଧା ବିଶ୍ୱ ସ୍ତରରେ ୪ ବିଲିୟନରୁ ଅଧିକ ଟିକା ଦିଆଯାଉଛି। ୮୦% ରୁ ଅଧିକ ଟିକା ଉଚ୍ଚ ଏବଂ ମଧ୍ୟବିତ୍ତ ଆୟକାରୀ ଦେଶକୁ ଯାଇଛି। ଧନୀ ରାଷ୍ଟ୍ରଗୁଡ଼ିକ ମେ’ ମାସରେ ପ୍ରତି ୧୦୦ ଲୋକରେ ୫୦ ଡୋଜ୍ ଟିକାର ବ୍ୟବହାର କରିଥିଲେ। ସେବେଠାରୁ ଏହି ସଂଖ୍ୟା ଦୁଇ ଗୁଣିତ ହୋଇଥିଲା। କିନ୍ତୁ ଗରିବ ଦେଶଗୁଡ଼ିକ ପ୍ରତି ୧୦୦ ଲୋକରେ କେବଳ ୧.୫ ଡୋଜ୍ ଟିକା ବ୍ୟବହାର କରିଛନ୍ତି। ଯୋଗାଣରେ ବାଧା ସୃଷ୍ଟି ହୋଇଥିବା କାରଣରୁ ଏପରି ସ୍ଥିତି ସୃଷ୍ଟି ହୋଇଛି। ଆମକୁ ବିତ୍ତଶାଳୀ ରାଷ୍ଟ୍ରଗୁଡ଼ିକ ପାଖକୁ ଯାଉଥିବା ଟିକାକୁ ଅଧିକାଂଶରେ ଗିରବ ରାଷ୍ଟ୍ରଗୁଡ଼ିକ ପାଖକୁ ପଠାଇବାକୁ ପଡ଼ିବ। ଏହା ଜରୁରୀ କାଳୀନ ଭିତ୍ତିରେ ହେବା ଦରକାର। ତେଣୁ ସେପ୍ଟେମ୍ବର ଶେଷ ସୁଦ୍ଧା ବୁଷ୍ଟର ଡୋଜ୍ ଉପରେ ରୋକ ଲଗାଇବାକୁ ପଡ଼ିବ ବୋଲି WHO ମୁଖ୍ୟ କହିଛନ୍ତି।
