ଚଣ୍ଡିଗଡ଼(ସତ୍ୟପାଠ ବ୍ୟୁରୋ): ଦେଶର ଅନେକ ରାଜ୍ୟରେ ଏଥର ବିଧାନସଭା ନିର୍ବାଚନ ହେବାକୁ ଯାଉଛି । ଏନେଇ ସମସ୍ତ ଦଳ ନିଜର ରଣନୀତି ମଧ୍ୟ ପ୍ରସ୍ତୁତ କରିସାରିଲେଣି । ନିର୍ବାଚନକୁ ଦୃଷ୍ଟିରେ ରଖି ଦଳମାନେ ନିଜର ପ୍ରାର୍ଥୀଙ୍କ ତାଲିକା ମଧ୍ୟ ଘୋଷଣା କରିବାରେ ଲାଗିଛନ୍ତି । ଏହା ମଧ୍ୟରେ ପଞ୍ଜାବରେ କଂଗ୍ରେସ ପକ୍ଷରୁ କିଏ ମୁଖ୍ୟମନ୍ତ୍ରୀ ପ୍ରାର୍ଥୀ ହେବ ସେନେଇ ଅନେକ କଳ୍ପନାଜଳ୍ପନା ଚାଲିଛି । ଏହାକୁ ଦୃଷ୍ଟିରେ ରଖି କଂଗ୍ରେସ ଦଳର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ପଞ୍ଜାବ ବିଧାନସଭା ନିର୍ବାଚନ ପାଇଁ ଖୁବଶୀଘ୍ର ପ୍ରାର୍ଥୀଙ୍କ ନାମ ଘୋଷଣା କରାଯିବ ବୋଲି କହିଛନ୍ତି । ତେବେ ଏହା ଶ୍ରମିକମାନଙ୍କ ଦ୍ୱାରା ସ୍ଥିର ହେବ ବୋଲି ଗଣମାଧ୍ୟମ ନିକଟରେ ସ୍ପଷ୍ଟ କରିଛନ୍ତି । ସେପଟେ ମୁଖ୍ୟମନ୍ତ୍ରୀ ପଦ ପାଇଁ ଚନ୍ନୀ ଓ ସିଦ୍ଧୁଙ୍କ ମଧ୍ୟରେ ପ୍ରତିଯୋଗିତାକୁ ଦୃଷ୍ଟିରେ ରଖି ରାହୁଲ ଗାନ୍ଧୀ ଏହି ବିବୃତ୍ତି ଦେଇ ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି। ସେ କହିଛନ୍ତି ଯେ ଦୁଇଜଣ ଲୋକ ନେତୃତ୍ୱ ନେଇ ପାରିବେ ନାହିଁ, କେବଳ ଜଣେ ପାରିବେ। ସାଧାରଣତ ଆମେ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରୁନାହୁଁ।
କିନ୍ତୁ ଯଦି କଂଗ୍ରେସ କର୍ମୀମାନେ ଚାହାଁନ୍ତି, ଆମେ ମଧ୍ୟ ଏକ ଚେହେରା ବାଛିବା । କିନ୍ତୁ ଏଥିପାଇଁ ଆମେ ଶ୍ରମିକମାନଙ୍କ ସହିତ ପରାମର୍ଶ କରିବୁ । ସେହିଠାରେ ହିଁ ନିଷ୍ପତ୍ତି ନିଆଯିବ ବୋଲି ରାହୁଲ ଗାନ୍ଧୀ କହିଛନ୍ତି । ଏଖବର ସାମ୍ନାକୁ ଆସିବା ପରେ ବର୍ତ୍ତମାନ ଦେଶର ରାଜନୀତି ବେଶ ଚଳଚଞ୍ଚଳ ହୋଇ ଉଠିଛି । ଅନ୍ୟପଟେ ଶତାଧିକ କଂଗ୍ରେସ କର୍ମୀ ଦଳ ପାଇଁ ରକ୍ତ ବହାଇଛନ୍ତି । ଯାହା ବି ହେଉ, ଆମେ ରାଜ୍ୟରେ ଶାନ୍ତି ସହ ଖେଳିବାକୁ ଦେବୁ ନାହିଁ । ସମସ୍ତଙ୍କୁ କିପରି ସାଙ୍ଗରେ ନେବାକୁ ହେବ ତାହା ଆମକୁ ଜଣା । ତେଣୁ ଦଳର ହାଇ କମାଣ୍ଡ ଯାହା ନିଷ୍ପତ୍ତି ନେବେ, ତାହା ଗ୍ରହଣ କରାଯିବ ବୋଲି ରାହୁଲ ଗାନ୍ଧୀ କହିଛନ୍ତି । ସେପଟେ ପଞ୍ଜାବ କଂଗ୍ରେସର ମୁଖ୍ୟମନ୍ତ୍ରୀ ଚେହେରା କିଏ ହେବ ସେନେଇ ପୁଣିଥରେ ଚର୍ଚ୍ଚା ଆରମ୍ଭ ହୋଇଯାଇଛି ।
