କଟକ: କଟକ ମର୍କତନଗର ଥାନା ସିଡିଏ ସେକ୍ଟର ୭ରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ଦୁଷ୍ଟାମୀ କରିବାରୁ ୮ ବର୍ଷର ନାବାଳକକୁ ଦାଦା ଓ ଖୁଡ଼ି ଚେଙ୍କ ଦେବା ସହ ମାଡ଼ ମାରିଛନ୍ତି। ଏନେଇ ଆଈ ମର୍କତନଗର ଥାନାରେ ଏତଲା ଦେଇଛନ୍ତି।
ସୂଚନାଯେଗ୍ୟ, ମା’ଙ୍କ ମୃତ୍ୟୁ ପରେ ନାବାଳକଟି ଦାଦା ଓ ଖୁଡ଼ିଙ୍କ ପାଖରେ ରହୁଥିଲା। ଥାନାରେ ଅଭିଯୋଗ ପରେ ଶିଶୁଟିକୁ ଡାକ୍ତରୀ ପରୀକ୍ଷା ପାଇ ନିଆଯାଇଛି। ଶିଶୁଟିକୁ ସିଡବ୍ଲୁସି ରେ ହଜାର କରାଯିବ। ଅଭିଯୁକ୍ତ ଦାଦା-ଖୁଡିଙ୍କ ନାଁରେ ମାମଲା ରୁଜୁ। ସେମାନଙ୍କ ନାଁରେ ଦଫା ୩୨୩, ୩୨୪, ୫୦୬, ୩୪ ଆଇପିସି ଓ ୨୪ ଜୁଭେନାଇଲ ଜଷ୍ଟିସ ଧାରାରେ ମାମଲା ରୁଜୁ କରିଛି ମର୍କତ ନଗର ଥାନା ପୁଲିସ।
ସୂଚନାଯୋଗ୍ୟ, ଛୋଟ ପିଲା ଅଥବା ଦୁଷ୍ଟାମୀ କରୁଥିବା ପିଲାଙ୍କୁ ଚେଙ୍କ ଦେବା ଘଟଣା ନୂଆ ନୁହେଁ। ଏହା ପୂର୍ବରୁ ମଧ୍ୟ ରାଜ୍ୟରେ ଚେଙ୍କ ଦିଆଯିବା ଘଟଣା ସାମ୍ନାକୁ ଆସିଛି। ତେବେ ଆଦିବାସୀ ଅଧ୍ୟୁଷିତ ପିଲାମାନଙ୍କୁ ଚିକିତ୍ସା ପାଇଁ ଚେଙ୍କ ଦିଆଯାଉଥିବା ନଜିର ରହିଛି। ଗରିବୀ କାରଣରୁ ମଧ୍ୟ ପିଲାଙ୍କୁ ଅଭିଭାବକଙ୍କ ଦ୍ବାରା ଚେଙ୍କ ଦିଆଯାଇଥିବା ଆମେ ପୂର୍ବରୁ ଜାଣିଛେ। ତେବେ କ୍ଷୋଭର ବିଷୟ ହେଲା ଯେ, ରାଜ୍ୟର ଅନ୍ୟତମ ଶିକ୍ଷିତ ସହର କଟକରେ ନାବାଳକକୁ ଚେଙ୍କ ଦିଆଯିବା ଘଟଣା।
ଉଲ୍ଲେଖଯୋଗ୍ୟ, ଚଳିତ ବର୍ଷ ଜାନୁଆରି ୧୩ ତାରିଖରେ ବ୍ରହ୍ମପୁରରେ ସମାନ ପ୍ରକାରର ଅଘଟଣ ଘଟିଥିଲା। ବିସ୍କୁଟ୍ କିଣିବା ପାଇଁ ସାବତ ମା’କୁ ୫ଟଙ୍କା ମାଗିବା ଜଣେ ୮-୯ବର୍ଷର ନାବାଳିକାକୁ ଭାରି ପଡ଼ିଥିଲା। ରୋଷେଇ କରୁଥିବା ସାବତ ମା’ ଗରମ ପିଠା ପାତିଆରେ ଝିଅର ଦୁଇ ଗାଲ, ପିଠି, ବେକ, ପିଠି ଓ ହାତକୁ ଚେଙ୍ଗି ଦେଲା। ଦୁଇ ଦିନ ପରେ ଆଜି ଚେଙ୍କ ଘାଆରେ ପାଉଡର ଲଗାଇ ଟ୍ୟୁସନ୍ ଛାଡ଼ିଥିଲା। ସେଠାରେ ଟ୍ୟୁସନ୍ ସାର୍ ପଚାରିବାରୁ ଝିଅଟି ସବୁକଥା କହିଥିଲା। ବଡ଼ବଜାର ଥାନା ଅନ୍ତର୍ଗତ ଲକ୍ଷ୍ମୀନୃସିଂହ ସାହି ୭ମ ଗଳିରେ ଏହି ଘଟଣା ଘଟିଥିଲା
